JEREMIAH 3:16 - Kathara Bible (BSI)

¹⁶ Ngalei chili nathumna chungsangda mataisang kahai tharan, “Prohowui tuingashit oko” da mahāngluimara da Prohona hānga. Chi ningli marāza̱luimara, kaphaningla maphaningungluimara; kasāla masāvailuimara.

JEREMIAH 3:16 Iomraidhean Croise

ISAIAH 60:22

Ngazanmeikap kajena shang akha ngasāra, kala teomeikap kajena kapanga miyur akha ngasāra; I Prohona, atam hi ina thaklāk eina rāngasakra.

ISAIAH 61:4

Achālakhawui sākhayāng kahai chi athumna sākāra, kharewui sāshimān kahaibing chi athumna khaningkāra; sākhayāng kahai keinungbing athumna chiphora, thot kachungkhawui sāshimān kahai chi.

ISAIAH 65:17

“Yanglu, ina kadhara kazingram kala kadhara okathui sema; kala achālakhawui ot maphaningungluimara, kala ninglila marāza̱luimara.

JEREMIAH 3:17

Chiwui atamli, Jerusalem hi Prohowui wungpamkhong hohaora, kala Jerusalemli Prohowui mangāli mi saikorana akazipra, kala athumna ngakaishitingtingda khalattawui makaphā ning mashurluimara.

JEREMIAH 30:19

Chiwui eina ningkashi laa sāra, lumlao kasābingwui akhonla. Ina athumli kachungkha mataisangmida athum hinaoyākha majimara; ina athumli khayā kāngasakra, kala athum teomeikha majiluimara.

JEREMIAH 31:27

“Yanglu, Israelwui shimkhur eina Judahwui shimkhurli ina mi kala sha̱keiwui athā eina ngasoda yaokasang zimiksho chi rārāda lei, da Prohona hānga.

JEREMIAH 31:8

Yanglu, atung ngaleiwui eina, tāmeikap kaji okathuiwui apamwui eina, athumli ina kazipkhuira; athumwui alungli khangapeola katekla, nao khavai kala ra̱da khalei zangserda kachungkha khangaruma athumna hili latungra.

JEREMIAH 7:4

‘Hi Prohowui khorumshimna, Prohowui khorumshimna, Prohowui khorumshimna’ da mikhanam tuili makhuisanglu.

EZEKIEL 15:5

Yanglu, pongda leilakhala khikha masāvaimana; chithakha meina chuihunhaida zikrik kahai china khi sāvailuira?

EZEKIEL 37:26

Ina athumli chingri kahaiwui tuingashit akha sāra; chi athumli katang makhavai tuingashit kasana; kala ina athumli somira kala mataisang ngasakra; kala iwui kathara shim athumwui alungli haimichingra.

AMOS 9:9

“Kaja yanglu, ina kasora, kala yur saikorawui alungli Israelwui shimkhurli khanukra, sikhavai khavai eina khanuklala, lungguinao akha eina tangda ngaleili matātungmara.

ZEPHANIAH 3:11

Chithanghon nali makhayak ngasakluimara, ili ngakaishida sākahai otsak chiwui vang; kaja ina nathumwui alungwui eina lāngkasobing chi khuishokhaora, kala iwui kathara phungreili nathum malāngsoluimara.

MATTHEW 1:11

Babylonli khuikhavā atamli Josiahna Jechoniah eina achinā ngarāli pharai.

MATTHEW 3:9

kala nathum khalatta ‘Ithumwui avāva̱ Abraham lei’ da maphaninghaialu; ina nathumli kahāngna kaja ngalungbing hiwui eina Varena Abrahamli nao kachungkha semmishapa.