JEREMIAH 3:12 - Kathara Bible (BSI)

¹² Vālu, atungshong shangda tui hi vaomalānmilu, kala hānglu, shitkasang makhaleiva̱ Israel, latunglu, da Prohona hānga. Ina nali malungvātta mayangmara, kaja I lumashantheilaka, da Prohona hānga; I malung mavātchingmara.

JEREMIAH 3:12 Iomraidhean Croise

HAOKAPHOK 4:7

Nana mathāda saakha nalila makhuimimarala, nana mathāda masaakha moreina khāmongli rimdalei; kala nali ningkachāngna, nana chili yuikhavai sāphalungra.”

2 WUNGNAOBING 15:29

Israelli Pekahna munglakha Assyriawui awunga Tiglath-pileserna rāda Ijon, Abel-beth-maacah, Jan-oah, Kadesh, Hazor, Gilead kala Galilee, Naphtaliwui ngalei katonga yuikhuihaowa; kala mibingla Assyriali tukvāhaowa.

2 WUNGNAOBING 17:23

Awui rao marānbingli hāngmi khangasak athishurda Prohona awui mikyanwui eina Israelli horhaichao majiranglakha eina tangda Israelnaobingna ning mangateimana. Chiwui vang Assyriali kashamvāhaida Israelnaobing aja eina tangda chili pamda lei.

2 WUNGNAOBING 17:6

Hosheana mungda kachiko kum, Assyriawui awungana Samaria khuihaowa, kala Israelwui mibingli tukungserhaida athumli Halahli, Gozanwui kongphei Haborli, Medenaobingwui keinung keinungli chipamvāhaowa.

2 WUNGNAOBING 18:1

Israel awunga, Elahwui naomayara Hosheana mungda kakathuma kum, Ahazwui nao Hezekiahna Judahwui awunga sāphoka.

2 THOTRINCHĀN 29:10

“Israelwui Proho Varewui malungvātshun kahai chi ithumwui eina khuithuimi khavai tuingashit akha sākhavai iningli phaninghaira.

2 THOTRINCHĀN 30:9

Kaja nathumna Proholi latungakha, nachinā ngarā, nanao ngarāli tukkathuibingna lumashanmida athumna apam hili latungluishitra. Kaja nathumwui Proho Vareva, lumashankatha̱a kala leishikatha̱ana, kala nathumna ali latungakha nathumwui eina mai mangareithuimara.”

LAA 103:17

Kha Prohowui makhangachei leikashi, katang makhavaiwui eina katang makhavai chi ali khangacheebingwuitungli lei, kala awui khamashung khangarong chi naongarābingwui naongarātungli lei;

LAA 103:8

Proho lumashan leishi katha̱ana, malung mathuizarmana makhangachei leikashina pemtinghai.

LAA 103:9

Ana makhararchingmara, malungla mavātchingmara.

LAA 145:8

Proho lumashan leishitheilaka, malung mavātzarmana kala makhangachei leikashi mavātmana.

LAA 79:5

O Proho, na karankha malungvātfarakhala? Nawui yuikashiwui lungvat mei thāda chuirala?

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

CHĀNSAM 28:13

Khalattawui morei ngathum kahai mina mamataisangngayaomana, kha hāngphatta chiho kahaibingna lukhamashan samphanga.

ISAIAH 31:6

Nathumna ngakaishitingting kahaiali ngareiunglu, O Israelnaobing!

ISAIAH 44:22

Muiya thāda nawui sakhalāng, leichui thāda nawui morei ina phanthuimihaira; ili latunglu, kaja ina nali ngatangmihaira.

JEREMIAH 11:6

Kala Prohona ili hānga, “Judahwui keinungbing kala Jerusalemwui chānreibingli tui saikora hi chishātlu: Ngashitkahai tui hi khuisangda chiwui athishurda sālu.

JEREMIAH 12:15

Kala athumli phurshok kahaiwui thili, ina athumli lumashanmiluida athum kachichāwui ngaleila kala shimluila ina hanmiserra.

JEREMIAH 23:8

kha ‘Israel shimkhurwui ara̱-azābingli atungshongwui ngalei eina kala ana kashamvā kahai ngalei saikorawui eina thānkashoka Prohowui ming singda kahāngna’ da hāngra; chiwui thili athum khalattawui ngaleili pānra.”

JEREMIAH 3:1

“Mi akhana apreiva̱li pānghaida awui eina thuihailaga mi khangatei akhali aleihaiakha khare gaharana preiva̱ chili khuiluirala? Chikathā ram chi hakmahālak eina mamakhaomarala? Nana khayorva̱wui ot sāda kachungkhali ngasohaira; laga nana ili ungluipairala? da Prohona hānga.

JEREMIAH 3:14

Latunglu, O shitkasang makhalei nao ngarābing, da Prohona hānga; kaja I nathumwui akhavāna; keinung akhawui eina akha, shimkhur akhawui eina khani khuida nathumli ina Zionli khuiungmira.

JEREMIAH 3:18

Chitharan Judahna Israelli ungngashikluira kala ani ngarumda atunshongwui ngalei eina, ina navāngarāli shimluikat sāda mikahai ngalei chili apamra.

JEREMIAH 3:22

“Latunglu, shitkasang makhalei naomayara ngarā, nathumwui mashitkasang chi ina raimira.” “Yanglu, ithumna nali rāli, kaja na ithumwui Proho Varena.

JEREMIAH 3:5

ana malungvātchingrala?’ ana katang eina tangda mapenmarala? da nana mangakaomala? Yanglu, nana hānghaira, kha nana makaphā ot nawui sākhangai eina tangda sai.”

JEREMIAH 3:7

Ina phaningsai, ‘Ana saikora hi sākahaiwui thili ana ili latungra’ kha malatungmana, kala makhamashungva̱ achināva̱ Judahna thei.

JEREMIAH 30:11

Kaja nathumli huimi khavai ina ngasomida lei; da Prohona hānga; Nathumli ina yaovā kahai yur saikora chili shimānchao ngasakhaora, kha nathumli mashimānchao ngasakmara. Ina nathumli ngarakzak kahai mashun eina machinra; mikhangayi tandi mira.”

JEREMIAH 31:20

Ephraim iwui leikashia naomayarala? A iwui khaluma naola? Kaja ina ali makhamayā tui hangchinglala ali ina phaningungchinga. Chiwui vang iningna ali honchinga, kachangkhatta ina ali lumashanmira da Prohona hānga.

JEREMIAH 31:21

“Kazazatpamli nakhalattawui vang machut khavai sāhailu, kazatpong theikhavai sāsanghailu; nana vākhavai chanrei apong yangkazakhailu. O kachingva̱ Israel, latunglu; nawui keinungbingli latunglu.

JEREMIAH 31:8

Yanglu, atung ngaleiwui eina, tāmeikap kaji okathuiwui apamwui eina, athumli ina kazipkhuira; athumwui alungli khangapeola katekla, nao khavai kala ra̱da khalei zangserda kachungkha khangaruma athumna hili latungra.

JEREMIAH 33:26

Jacobwui kala iwui rao Davidwui arā-aza̱bingli kapangkhuida, Abraham, Isaac, kala Jacobwui atheili mungkhavai makapangkhuimara. Kaja ina athumwui shimlui hanmiluira, kala athumwuitungli lumashanmira.”

JEREMIAH 4:1

“Nana latungakha, O Israel, da Prohona hānga, na ili latungphalungra. Nawui ningkakachai otsak hupta iwui mangāwui eina horserhaida ning mayaoyaakha

CHAPCHĀT 3:22

Prohowui makhangachei leikashi katang mavaimana, awui lukhamashan katang mavaimana;

EZEKIEL 11:17

Chiwui vang eina hānglu, ‘Proho VAREna hithāda hānga: Mibingwui eina ina nathumli hokhuiluira, kala nathumli chaiyāngvā kahai ngaleibingwui eina kazipkhuilaga Israelwui ngalei nathumli mira.’

EZEKIEL 33:11

Athumli hānglu: Vare Proho ina kachangkhat eina kahāngna, kaja, makhayā mi kathiwui vang iwui ringkaphā maleimana; kha makhayā mi china makhayā otsakwui eina latungda ringsi kaja chāng; latunglu, nawui makaphāwui eina latunglu; kaja khisathuda na thirakhala, O Israelnaobing?”

EZEKIEL 39:25

Chiwui vang Proho VAREna hānga: “Ara ina Jacobwui shimlui hanmiluira, kala Israelwui shimkhur katongali lumashanmiluira; kala iwui katharamingli machipat ngasakluimara.

HOSEA 6:1

Athumna hithāda hānga, “Ithumli sākazamhailala ana ngahākhuimi khavai, shaokazazamhailala ana ngafakhuimi khavai, ithum Proholi mai ngareiungluishitsa.

PĀNGMONSHI 26:40

“Kha athumwui morei hāngphatta, kala avāva̱ ngarāwui khayonkhamāng kala mahengkasangwui vang kala iwui zatngasak khangaili makazat,

ZECHARIAH 1:4

Marān kharebingna, ‘saikorawui Prohona hithāda hānga, Nathumwui makaphā shongfa kala makaphā otsakwui eina latunghaolu, da machin kahai navā ngarāwui thāda masālu.’ Kha athumna mashāmana kala manganāsangmana, da Prohona hānga.

KHALATLUI 30:2

kala nathum eina nathumwui naongarā Proho nathumwui Vareli hanungda aja ina kagaso saikora hi nathumwui ningla manglāla tongda kahāng khanganā tharan,