JEREMIAH 3:11 - Kathara Bible (BSI)

¹¹ Kala Prohona ili hānga, shitkasang makhaleiva̱ Israel khalattana makhamashungva̱ Judahli khayon suitāmei da chitheihaira.

JEREMIAH 3:11 Iomraidhean Croise

JEREMIAH 11:10

Iwui tui makhuisangngaimada avāva̱ ngarāwui khayonkhamāng kasā chili hanungluishithaida khangatei varebingli khoruma; Israelshi shimkhur kala Judahshi shimkhurna avāva̱ ngarāli ina tuingashit sākahai chi kaihaowa.

JEREMIAH 3:22

“Latunglu, shitkasang makhalei naomayara ngarā, nathumwui mashitkasang chi ina raimira.” “Yanglu, ithumna nali rāli, kaja na ithumwui Proho Varena.

JEREMIAH 3:7

Ina phaningsai, ‘Ana saikora hi sākahaiwui thili ana ili latungra’ kha malatungmana, kala makhamashungva̱ achināva̱ Judahna thei.

JEREMIAH 3:8

Shitkasang makhaleiva̱, Israelwui phokaphā saikorawui vang ina kapāngwui lairik kapimida chiho kahai chi makhamashungva̱ achināva̱ Judahna thatheilaga mangacheela ala vālaga khayorva̱wui ot sāzata.

EZEKIEL 16:47

Chithālala nava athumwui thāda kazatli, kala athumwui ningkakachai otsakli mapenmada atam kasha̱khawui thili athumna kasā apongli nana zakshimeikharhaowa.”

EZEKIEL 23:11

“Achināva̱ Oholibahna hi thei, chithālala khamathanglungli achināva̱li ana zakshimeida khayorva̱̱wui ot sai, achinaova̱wuili zakshimeikhara.

HOSEA 11:7

Iwui miyurna iwui eina yāmphalungra jihaowa, chiwui vang eina athumli kashai phungngasaka, kala khipānakha makhuitāmimara.

HOSEA 4:16

Kapeowa simuk thāda Israel hi ngakaishitingtinga; khamashā seihomphungli yao homkapam thāda Prohona athumli phauirala?