JEREMIAH 3:10 - Kathara Bible (BSI)

¹⁰ Saikora hi thatheilaga makhamashungva̱ achināva̱ Judahna ili ningtongda malatungmana, kha sākhaninga, da Prohona hānga.”

JEREMIAH 3:10 Iomraidhean Croise

2 THOTRINCHĀN 34:33

Kala Israelwui apam saikorali khalei ningkakachai ot saikora Josiahna chiwui eina khuithuimiserhaowa. Israelli khalei athum saikora athumwui Proho Vareli otram ngatha̱ ngasaka. Awui mirin peida athumwui avāva̱ ngarāwui Proho Vareli kashurwui eina mayāmlakmana.

LAA 18:44

Athumna iwui pongli shākhaleoda iwui kahāng nganai; yur kateibingna imangāli ngayumlaga rai.

LAA 66:3

Vareli hānglu, “Nawui otsak kayākha ngacheekhala! Nawui pangshap hakmahālakhaoda nawui yangkashebing namangāli khangacheena ngayumhaowa.

ISAIAH 10:6

vare makathei yur akhali ina ali chihovai, kala ina malungkhavāta mibingwuitungli ina ali kasoi, ngaponkhui khavai, kuinamkhui khavai, kala chānreiwui leipā thāda naikazam khavai.

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

ISAIAH 31:6

Nathumna ngakaishitingting kahaiali ngareiunglu, O Israelnaobing!

JEREMIAH 11:10

Iwui tui makhuisangngaimada avāva̱ ngarāwui khayonkhamāng kasā chili hanungluishithaida khangatei varebingli khoruma; Israelshi shimkhur kala Judahshi shimkhurna avāva̱ ngarāli ina tuingashit sākahai chi kaihaowa.

JEREMIAH 12:2

Athumli nana lingsangda angayung sa̱khui; athumna reisang mamānda atheila mathei; nana athumli nganailak eina ngazeka, chithālala athumwui ninga katāva̱li lei.

JEREMIAH 9:1

O, ikui tara̱si kaje, imikna chāra̱wui ura̱si kaje sāthat kahai iwui mibingwui naongalava̱wui vang chapshon chapthaira!

HOSEA 7:14

Athumna ili wuklung eina mangakaomana, kha athumwui pettungli chapama; kashakazā eina zamwui vang athum khalatta rimkazama, athumna ili ngakaishi.

AMOS 4:9

“Ina theishiraili kumshāt rāngasakta aga̱-akai eina nathumli hāngmachina; ina nathumwui yāmgui kala drakhā yāmgui shimān ngasaka; nathumwui khaorāthei kala olive khaohli chishai; chithālala nathumna ili malatungmana,” da Prohona hānga.

MALACHI 2:11

Judahna mashitsangthura, kala khamakhao ot chi Israel eina Jerusalemwui lungli sāhaira; kaja Prohona leikashi khorum khavaipam chi Judahna sāmakhaohaira, kala ngalei kateiwui varebingwui nao ngalāva̱bingli khui.