JEREMIAH 28:9 - Kathara Bible (BSI)

⁹ Chingrikahai marānkhami marānle, marānpā chiwui tui ungkashung chitharan, Prohona marān chili kachiholaka da theikhuira.”

JEREMIAH 28:9 Iomraidhean Croise

ISAIAH 44:26

awui raowui tui ungshung khangasaka, awui paomebingwui hāngkachithei tui ungshung khangasaka, Jerusalemwui pongli ‘Chili mi panluira’ da hāngkhame, Judahwui keinungbingwui apongli ‘Athum sakāluira, kala ngayāng kahai ina semkāluira’ da kahāngana.

JEREMIAH 14:13

Chieina ina hānga, “Iyavo, Proho VARE, yangmilu, marānbingna athumli, ‘Nathumna raighai matheimara, chāmreila matheimara, kha apam hili ngashit kahai chingri kahai ngasāra da hānga.’ ”

JEREMIAH 4:10

Chieina ina hānga, “Iyāvo, Proho VARE, mibing kala Jerusalemli nana minamchaohaira; nathumli khikha mathāmara da nana hānghailaga ara athumwuitungli raighai rāparhaira.”

JEREMIAH 6:14

Athumna iwui mibingwui khamā raimida, chingri kahai makhalei tharan, ‘Chingrihailu, chingrihailu’ da pailatsor eina hānga.

JEREMIAH 8:11

Athumna iwui mibingwui khama raimida, chingri kahai makhalei tharan, ‘Chingrihailu, chingrihailu’ da pailatsor eina hānga.

EZEKIEL 33:33

Hi ungkashung tharan—kala mashoilakla ungshungra—chitharan athumwuili marān akha leisai kaji theikhuinaora.”

KHALATLUI 18:21

Kala nathumwui ningli ‘Prohowui tuina kaji ithumna kathāda theirakhala?’ da phaningakha—

KHALATLUI 18:22

marān akhana Prohowui ming singda matuilaga, tui chi maungshungakha, kala mamashungakha, chi Prohona hāngkahai tui maningmana; marānbing china ningkap eina matuiphāphā kajina, nathum ali ngachee khavai apong maleimana.”