JEREMIAH 28:11 - Kathara Bible (BSI)

¹¹ Kala mi saikorawui mangāli Hananiahna hānga, “Prohona hithāda hānga: Babylon awunga Nebuchadnezzarna narkahai miyur saikorawui eina kharit otphun chi ina hithāda, kum khaniwui alungli sākhaimihaora.” Kha marān Jeremiahna awui apongshong thuihaowa.

JEREMIAH 28:11 Iomraidhean Croise

1 WUNGNAOBING 13:18

Ana hānga, “Ila na thāda marān akhana, kala ili kazingraona Prohowui tui eina, ‘Nashi shimli ali houngda phazāngasaklu kala tara̱ mangkhui ngasaklu.’ da hānga.” Kha ana kapikta kahāngna.

1 WUNGNAOBING 22:6

Chieina Israelwui awungana marān shāmati sha̱kha hokhuida athumli hānga, “Ili Ramoth-gileadli rai sālu jikā, khānghaolu jikhala?” Athumna, “Sālu, Prohona awungawui pāngli horsangmira,” da hānga.

2 THOTRINCHĀN 18:10

Kala Chenaanahwui nao Zedekiahna mariwui seingaji akha sākhuilaga “Prohona hithāda kahāngna, ‘Syrianaobing mashimān ngasakranglakha eina tangda nathumna hieina ngasoda muivāra’” da hānga.

CHĀNSAM 14:7

Mangkhama̱ mi khaleipamli mapamalu, kaja chili awor masamphangmara.

JEREMIAH 14:14

Chieina Prohona ili hānga, “Marānbingna iwui ming singlaga kapikta marānphāphā kajina. Athumli ina machihomana, athumli kakasola makasomana, kahāngla mahāngmana. Athumna kakapika khamahā, masā khavai khanong, kala athum khalattawui ningli phaningphāphā kaji tui kahāngna.

JEREMIAH 23:17

Prohowui tuili chinkakā athumli ‘Nathum khikha mathālakmara’ da athumna hangchinga; kala kachichā khalattawui ningli ngakaishitingtingda kazatabingli athumna, ‘Nathumwuitungli kalākashi marāza̱lakmara’” da hānga.

JEREMIAH 28:15

Chieina marān Jeremiahna marān Hananiahli hānga, “Nganālu, Hananiah, nali Prohona machihomana; kala nana mibing hili kakapikli shitsang ngasakhaowa.

JEREMIAH 29:9

kaja, iwui ming singlaga athumna khamarān chi kakapikna; athumli ina kachiho maningmana da Prohona hānga.”

EZEKIEL 13:7

Nathumna mikhanama khamahā, kala kakapika mang hāngda ina mahānghailala, ‘Prohona hānga’ da mamatuiyangrangla?”