JEREMIAH 26:9 - Kathara Bible (BSI)

⁹ Khisāda, ‘Shimkhur hi Shilohli kasā thāda sāmira, keinung hili mi mapamla ngachakyāng ngasakhaora’ da Prohowui ming singda nana khamarānkhala?” Kala Prohowui shimli mi saikora kazipta Jeremiahli kuinamhaowa.

JEREMIAH 26:9 Iomraidhean Croise

2 THOTRINCHĀN 25:16

Kha ana hāngmahunglakha awungana hānga, “Awungawui machinme sākhavai nali ithumna phāsangla? Thahaolu! Nali khiwui vang sāthat sarakhala?” Chieina marān china thāhaowa, kha hithāda hānga, “Nana hikathā ot kasāwui vang kala iwui hāngkachithei makakhuiwui vang Varena nali shimān khavai sāhaira kaji ina thei.”

ISAIAH 29:21

Chānhān eina mibingli ning saza̱ khangasaka, machinkhameli ngaveili khalen kasanga; mashun khaleia ali kapikta nguikhangasaka athumli katathaora.

JEREMIAH 32:3

Kaja Judahwui awunga Zedekiahna ali hithāda hāngda phātopli sanga, “Khiwui vang nana marānda ‘Prohona hithāda hānga: Yanglu, ina keinung hi Babylon awungawui pāngli mihaira, kala chi ana khuihaora;

JEREMIAH 33:10

“Prohona hithāda hānga: Nathumna ‘Mila, sāyurla makhalei ramchona’ da kahāng Judahwui keinungbing, Jerusalemwui chānreibing ngachakyāng kahai, mi makhalei khikhala maokathuiya, sāla makhalei chili akhon shāluishitra,

JEREMIAH 36:29

Kala Judahwui awunga Jehoiakimwui pongli nana hithāda hānglu, ‘Prohona hithāda hānga: Nana “Khiwui vang eina Babylon awungana ngalei hi rākaida mila sha̱keila shimānserhaora da kapisangkhala?” da lairik akhalui chi riktāmihaira.’

JEREMIAH 9:11

“Ina Jerusalem hi ngayānghaida khorkazam kahaipam sāngasakra, ramfapam sāngasakra. Ina Judahwui keinung ngachakyāng ngasakhaida mi malei ngasakmara.”

CHAPCHĀT 4:13

Awui alungli khangarongwui ashee tākhangasaka marānbingwui morei, pāngmonbingwui khayonkhamāngwui vangna.

AMOS 5:10

Ngaveili hāngkhamachin chili athumna chinkai, kala khamashung tui kahāngali athumna ningkachai.

MICAH 2:6

“Pao mahāshokalu” — da athumna tamchithei— “Khipānakha hikathā hi mahāshokpai mara; maikashi chi ithumli marāshung mara.”

MATTHEW 21:23

Jishuna khorumshimli zangda tamchitheida leilakha pāngmon akhokabing eina ararnaobingna rāda ali hānga, “Khiwui pangshap eina nana otbing hi kasā, kala khipāna nali pangshap hi khamikhala?”

MATTHEW 27:20

Pāngmon akhokabing eina ararnaobingna Barabbasli chihomi khavai kala Jishuli shaothat khavai Pilateli polu da yaruili suiya.

MARK 15:11

Kha pāngmon akhokabingna yaruibingli Barabbasli chihomi khavai kasata.

JOHN 8:20

Jishuna saikora hi khorumshimwui lan haikhavai kāli tamchitheida kahāngna. Kha khipānakha ali matukkhuimana, kachiwui vangkhala kaja awui atam marārangsai.

JOHN 8:59

Chieina athumna lunggui ngamuikhuilaga Jishuli horkida sai; kha Jishuna khorumshimwui eina ngathum sāda shokhaowa.

OTSAK 13:50

Kha keinungwui kathānabing eina khangatara khamaho sha̱naobingli Jihudinaobingna thara̱sanglaga Paul eina Barnabasli rekhareka kala aramwui eina kashamhaowa.

OTSAK 21:30

Khonkazar chi keinung ngayaonaphaowa kala mibingna ngasamrā ngaroklaga Paulli tukkhuida khorumshimwui eina shimenshokhailaga ngalāngda khorumshimwui ngaveibing chi shungserhaowa.

OTSAK 22:22

Hi mahāngranglakha eina tangda Paulna kahāng chi yarui china nganai. Kha chiwui thili athumna panglāk eina vaoda hānga, “Hikatha mi hili okathui hiwui eina khuithuihaolu! A maokthuingayimana.”

OTSAK 3:11

Ana Peter eina Johnli ngathānkazat chi theilaga mibingna matakhakhaida Solomonwui khamrei kaho chili yongra ngaroka.

OTSAK 5:12

Chitharan paokazatbingwui pāng eina mibingwui alungli matakhak kahaila kala machutkakhuila tarākha sai kala athum saikorana Solomonwui khāmreili kazipruma.

OTSAK 5:28

“Nathumli mipa hiwui ming eina matamchitheilakalu da kaso kahaina, kha nathumna nathumwui tamkachithei hi Jerusalem peida ngayao ngasakhaira kala mayara hiwui ashee katā chi ithumwuitungli tāngasakida sai.”

OTSAK 6:14

Kaja kathara shim hi Nazarethwui Jishuna sākhayānghaora kala Mosesna ithumli mikahai khangachāyan chila ngachei ngasakra da kahāng ithumna shāhaira.”

JOSHUA 18:1

Chiwui thili Israel yarui ashangva̱ Shilohli ungkazipta chili kazip khavai kachonshim akha sākai; ngalei chi athumna yuikakhuina.