JEREMIAH 26:6 - Kathara Bible (BSI)

⁶ chieina shimkhur hi Shilohli kasā thāda sāmira, kala okathuili khalei saikorawui mangāli keinung hi khonkashi sāngasakra.”

JEREMIAH 26:6 Iomraidhean Croise

2 WUNGNAOBING 22:19

khikhalajila nawui ning ngateida Prohowui mangāli hamkasangwui vang, ngalei eina hiwui mibingli ina khonkashi kala kashimān rāki kaji tui nana kashā tharan kachon serkhākta kachapwui vang, inala nawui tui khuisangmihaira da Prohona hānga.

ISAIAH 43:28

Chiwui vang eina kathara shimwui wungnaobingli ina ningkachaiya, chiwui vang Jacobli ina sipsā ngasakra kala Israelli chotchāng ngasakra.”

ISAIAH 65:15

Nathumwui ming khonshātwui vang iwui kapangkakhuiali haimira, kala Proho VAREna nathumli shaothatra; kha awui raobingli ana aming khangatei phokmira.

JEREMIAH 24:9

Athumli ina kashamkhavāpam kachida, okathuiwui wungram saikorali, ngachee-ngacha khavai, yangkharing khavai, tantakli ngazek khavai, mana̱shi khavai kala khonshi khavai sāngasakra.

JEREMIAH 25:18

Jerusalem eina Judahwui keinung saikorali, chiwui awungabing eina wungnaobingli, aja thāda ngachakyāng kala horyāng kahai, khonkashi ngasākhavai;

JEREMIAH 29:18

Ina raighai, chāmrei, kazātkashi eina kharom ngasakra, kala okathuiwui wungram saikorali kasham khavāvā papamli athum hi ngacheekapaia, khonkashi, ngashimkashi kala ningkakachaiya ngasā ngasakra,

JEREMIAH 29:22

Aniwui vang eina Judah eina Babylonli raithā kahai saikorana kalākashi kharā tharan, anili chānjam sāda, ‘Zedekiah eina Ahabli Babylon awungana meifali horkasang thāda samiranu’ da hāngra,

JEREMIAH 42:18

“Kaja Israelwui Vare, saikorawui Prohona hithāda hānga: ‘Jerusalemwui mibingli iwui malungkhavāt kala malungkathui heikharor thāda, nathumna Egyptli khavā tharan nathumlila iwui malungkhavāt heirorra. Mina yanglaga ngachee khavai, yangkharing khavai, zeinganao khavai ngasāra; kala nathumwui lam hi maungtheiluilakmara.’”

JEREMIAH 44:22

Nathumwui makhayā otsak kala ningkakachai otsak chi Prohona makhāngrarthura chiwui vang nathumwui ram ngachakyāng kahai ramcho kala khonkashi ngasāhaida aja eina tangda mi maokthuimana.

CHAPCHĀT 2:15

Shongfa rākhamakān saikorana nali athumwui pāng kapherora; athumna kasida kala kui khayitta, Jerusalemwui naongalāva̱li, “Okathuiwui khamathā kākashungva saikorawui mathān khavai keinung chi hila?” da athumna zei.

CHAPCHĀT 2:16

Nawui yangkashebingna ngashānyangda mana̱shi, athumna kasiya, ahā kachat-kachipa, athumna, “Ithumna ali sākhayāngmihaira! Iya, zimiksho hi ithumna honkasāna; ara ithumna hi samphangda; theihaira!” da athumna vaowa.

DANIEL 9:11

Israel saikorana nawui ain chonmakānhaira kala mai ngareithuihaira, nawui akhonla makhuisangmana. Varewui rao Moseswui ningkhami lairikli kapi kahai chiwui khonkashi kala mingkazai chi ithumwuitungli heirorhaira khikhalajila ithumna morei sāhaowa.

ZECHARIAH 5:3

Chiwui thili ana ili hānga, “Hi ngalei katongawuitungli khavā khonkashi china; hiwui thili khalei mi kachiva̱li hiwui athishurda katathaora, kala minamda shākhi kasā mi kachiva̱li hiwui athishurda katathaora.

MALACHI 4:6

Kala ana avāva̱ ngarāwui ning chi anao ngarāwuili ngareivā ngasakra, kala anaongarāwui ning avāva̱ ngarāwuili ngareiung ngasakra, maningakha ina rāda ngalei chili khonkashi eina sāshimānhaipaishina.”

JOSHUA 18:1

Chiwui thili Israel yarui ashangva̱ Shilohli ungkazipta chili kazip khavai kachonshim akha sākai; ngalei chi athumna yuikakhuina.