JEREMIAH 26:5 - Kathara Bible (BSI)

⁵ kala thaklāk eina iwui rao marān chihokharā hiwui tui makhuimara jiakha, nathumna makhuipapamana,

JEREMIAH 26:5 Iomraidhean Croise

2 WUNGNAOBING 17:13

Chithālala, “Iwui rao marānbingli chihoda navā ngarāli ina kaso kahai iwui ain saikora chiwui athishurda makaphāwui eina mai ngareiunglaga iwui ningkhami kala shiyan-chikan mayonlu” da Prohona Israel eina Judahli awui marān kala kathei kachiva̱li hāngmathin ngasaka.

2 WUNGNAOBING 17:23

Awui rao marānbingli hāngmi khangasak athishurda Prohona awui mikyanwui eina Israelli horhaichao majiranglakha eina tangda Israelnaobingna ning mangateimana. Chiwui vang Assyriali kashamvāhaida Israelnaobing aja eina tangda chili pamda lei.

2 WUNGNAOBING 24:2

Prohowui tui awui rao marānbingli hāngmi ngasak kahai chiwui athishurda ungshung khavai Chaldeanaobing, Syrianaobing, Moabnaobing kala Ammonnaobingna khum khum eina Judahli sākhayang khavai Prohona chihovai.

2 WUNGNAOBING 9:7

Nawui akhavā Ahab shimkhurli nana yaitāra, kaja iwui rao marānbingli kala Prohowui raobingli ashee tākhangasakwui vang Jezebelwuitungli athut hāngsangmira.

EZRA 9:11

narao marānbingli nana, nathumna vāda akhuiki kaji lam chi apam chiwui mibingwui khamakhao china ngalei chi mathar ngasakthura; athumwui makathar ningkakachai china haokaphokwui eina akatangli chipemhaira.

JEREMIAH 11:7

Kaja Egypt ngaleiwui eina nashāvā ngarāli ina thānkashok tharan athumli ina hāngkharik kahaina; iwui tui nganālu da aja eina tangda hāngmathinching kaji hina.

JEREMIAH 29:19

khikhalajila athumna iwui tui manganāsangmana, da Prohona hānga, ina nathumli iwui marānbingli chihorāchinga kha nathumna manganāsangmana, da Prohona hānga.

JEREMIAH 32:33

Athumna ili mai mangareirāla khana̱thuihaowa; kala ina tamchitheichinglala hāngkachithei makhuisanglakthuwa.

JEREMIAH 35:15

Iwui rao marānbing kachungkha chihoda athumna, ‘Makhamashung apongwui eina nathum kachiva̱ latungda nathumwui apong mashung ngasaklu, kala khangatei vareli otram ngatha khavai mashurzatalu, chithakha nathumli kala navāngarāli ina mikahai ngalei chili somra’ da hāng ngasakchinga. Kha nathumna ili manganāsangmana, kakhuila makhuisangmana.

JEREMIAH 35:17

Chiwui vang eina, Israelwui Vare, saikorawui Prohona hithāda hānga: Yanglu, ina kalākashi hāngkahai saikora chi Judahwui mibing kala Jerusalemli khaleibingwuitungli khuirāra; khikhalajila ina athumli hāngkahai chi athumna manganāsangmana, ina athumli hohaira kha mangahānkāmana.”

JEREMIAH 44:4

Chithālala iwui rao marānbingli chihorāda, ‘Iyavo, ina ningkakachai ot hi masaalu’ da rāhang ngasakchinga.

JEREMIAH 7:13

Ara nathumna saikora hi sāhaokada, da Prohona hānga, kala ina latlui latluida hānglala nathumna mashā, kala ina nathumli holala, nathumna mangahuithuda,

JEREMIAH 7:25

Nashāvā ngarāna Egypt ngaleiwui eina shokthang eina thuilaga aja eina tangda, iwui rao marānbingli machatlakla thangkachida chihovai;

EZEKIEL 38:17

Proho VAREna hithāda hānga: Achalakha iwui mibingli ngarar khavai khuirāra da Israelwui marānbingna hāngkahai chi nala?”

AMOS 3:7

Kachangkhat awui rao marānbingli maphongmila, Proho VAREna khikha masālakmana.

ZECHARIAH 1:6

Kha iwui rao marānbingli ina kakaso iwui tui kala iwui shiyan china navāngarāli mayuimala? Chieina athumna ningngateida hānga, ithumwui shongfa kala ithumwui saki kaji chiwui vang saikorawui Prohona ngarān kahai thāda, chi tākam eina ungshung ngasaka.’”

PHONGKHAMI 10:7

Kha kashine kazingraona talla̱ kakhong eina, Varena awui raobing kala paokazatbingli chithei kahai athishurda awui ngathum kahai angarān chi ungshung ngasaka.

PHONGKHAMI 11:18

Miyur khangateibingna malungvāta, kha nawui malungkhavāt rāhaira; kathebingli bichar sākhavai, narao paokazatbing, katharabingli, namingli khangacheebing, kharei kateoli sāman mikhavai kala okathuili sākakhaibingli sākazamki kaji atam rāhaira.”