JEREMIAH 26:3 - Kathara Bible (BSI)

³ Athumna tui hi khuisangda makaphā kasāwui eina ning ngateilapai, chieina athumna makaphā kasā chiwui vang ina makaphā sākida khangarān kasā chi yangmihaora.”

JEREMIAH 26:3 Iomraidhean Croise

1 WUNGNAOBING 21:27

Ahabna tuibing hi kashā tharan awui kachon serkhaklaga aphasāli bora ngavai, kala khumda bora māngli pi, kala ning mashoklakla zata.

1 WUNGNAOBING 21:29

“Ahabna iwui mangāli khayāshida ngahuiri kahai chi theila? Ili khayākashiwui vang, kalākashi hi awui thotli mashok ngasakmara; kha naothotli shokngasaknaora.”

JEREMIAH 26:13

Chiwui vang eina ara nathumwui apong kala otsakbing mashungkhuilu, kala nathum Vare Prohowui kahāng nganālu, chithākha Prohona nathumwuitungli makhamayā kalākashi ana matuishok kahai chi ngachei ngasakra.

JEREMIAH 26:19

Judahwui awunga Hezekiahna kala Judahwui mi saikorana ali shaothathaola? Ana Proholi ngacheeda Prohowui lukhamashan mapomala? Kala Prohona athumli makhamayā kalākashi chi mangacheimihaomala? Kha ithumna khalatta kahaka kalākashi khuirāki jihaira.”

JEREMIAH 36:3

Ka̱lākashi rākhavai ina ngarān kahai hi Judahwui shimkhurna shālaga ning ngateida makaphāwui eina latunglapai; chithakha athum ava̱va̱na latungda inala athumwui khayon kala morei pheomi paira.”

JEREMIAH 36:7

Mi kachiva̱na awui makaphā apongwui eina latungda athumna kapo Prohowui mangāli vāshunglapai, kaja mibingli Prohowui malungkhavāt hakmahālaka.”

EZEKIEL 12:3

kaja athumna ngakaikashe shimkhurna. Chiwui vang eina, miwui naomayara, raikathānaowui ot shaksālaga athumwui miktāli ngashunshong, raithā kahai thāda nana nawui pamkhavaiwui eina apam khangateili vaulu. Ngakaikashe shimkhurna jilala athumna theikhuilapai.

EZEKIEL 18:21

“Kha kachikathā makhayā mina awui morei kasāwui eina ngalatthuihaida iwui shiyan-chikan mayonakha kala sākhangayi chiwui athishurda saakha, chikathā mi chi ringkachangkhatra, a mathimara.

HOSEA 11:9

Ina iwui malungkakang chi marāza̱ ngasakmara, Ina Ephraimli masāshimānluimara; kaja I mikumo maningmana, Varena, nathumwui ngachaili Katharapa chi Ina; kala ina sākazam khavai marāmara.

JOEL 2:14

Proho nathumwui VAREna ning ngacheihaida ana mavātlakla somilapai. Chitharan Vare Prohowui vang muisakchigat, ra̱shakchigat nathuma chigatpai.

JONAH 4:2

Kala ana Proholi seihā sāda hānga, “Iram ngaleili leilakha hithārada ina nali mahāngmala? Hiwui vang ina thaklāk eina Tarshishli yāmkhavāna kaja ina thei, na lukhamashan leikashe, malungkhanima, leikashili nganingtit kaje kala makaphāwui eina ning khangacheia Varena.