JEREMIAH 24:3 - Kathara Bible (BSI)

³ Kala Prohona ili hānga: “Jeremiah, nana khi theikhala?” Ina ngahānkai, “Khaorāthei thei; khamathā khaorathei chiya mathālaka, kala makhamathā khaorathei chiya zakshishuna, zakshināhaida chibing chiya mashaipaimana.”

JEREMIAH 24:3 Iomraidhean Croise

JEREMIAH 24:4

Chiwui thili Prohowui tui china ili rāhānga:

JEREMIAH 29:17

‘Saikorawui Prohona hithāda hānga, Yanglu, ina athumli raighai, chāmrei, kala kazātkashi chihorāra, athum saikora, khaorāthei shuihaida mashaikapai thāngasakserhaora.

AMOS 7:8

Kala Prohona ili hānga, “Amos, nana khi theikhala?” Ina ngahānkai, “Urum akha thei.” Chieina Prohona hānga, “Yanglu, iwui mibing Israewui alungthungli ina urum akha haihaira; ina chibingli mamakānluimara;

AMOS 8:2

Kala ana hānga, “Amos, nana khi theikhala?” Chieina Ina ngahānkai, “Lumkachāngwui athei lukkhatkha thei.” Chieina Prohona ili hānga, “Iwui miyur Israelwuitungli khangachang atam rāhaira; Ina athumli chi mangacheimilui mara.

ZECHARIAH 4:2

Kala ana “Nana khi theikhala?” da ili ngahāna. Ina hānga, “Ina thaomeishong sinā kachanga eina kasā akha thei, chiwui atungli khongsai akha lei, kala chiwui atungli akhamor shini kakā thaomei shini khalei chi thei.

ZECHARIAH 5:2

Kala ana ili hānga, “Na khi theikhala?” Ina ngahānkai, “Ina yongkazata lairik khalui akha thei; chiwui asān khuining maga̱ya kala aret khuining tharāya.”

1 SAMUEL 9:9

(Khareli Israelwui alungli mi akhana Varewui tui ngahānkhuiga jiakha, ana, “Rālu, ithum khanongli vausa” da hānga; kaja aruihon marānbing da kaho hi khareli khanong hosai).