JEREMIAH 23:3 - Kathara Bible (BSI)

³ Chiwui thili ngalei khangatateili ina kashamvā kahaibing saikorawui eina shāk kahai athum saikora kazipkhuiluira, kala athumwui yaoshimli khuiungmiluishitra, kala athei kachungkha matheida mayāsangra.

JEREMIAH 23:3 Iomraidhean Croise

LAA 106:47

Ithumli kahuimilu, O Proho ithumwui Vare, kala miyurbingwui eina nana kazipkhuimilu, chithāda nawui katharamingli ithumna ningkashi mira kala masot khamili tekmatei ngasakra.

JEREMIAH 16:15

kha Israelwui mibingli atungshongwui ngalei eina kala ana kashamvā kahaipampamwui eina thānshokkhame Prohowui ming singda kahāngna jira. Kaja athumwui avāva̱ ngarāli ina mihaikasā athum khalattawui apam chili khuiungluishitra.

JEREMIAH 29:14

samphangda nathumwui shimlui hanmiluira, kala ina kashamvā kahai apam saikorawui eina, kala yur saikorawui eina nathumli ina kazipkhuida apam hili khuiungmiluishitra’ da Prohona hānga.”

JEREMIAH 30:10

“Chieina mangacheealu, O iwui rao Jacob, wukla makhananglu, O Israel, da Prohona hānga. Kaja yanglu, nathumli katāva̱wui eina kanmira, tuknar kahaipamwui eina nathumwui naongarāli ina huimira. Jacobna latungda chingri va̱ri eina ungpamra, kala khipānakha mangachee ngasakluimara.

JEREMIAH 30:3

Kaja yanglu, iwui mibing Israel eina Judahli shimlui hanmiki kaji zimiksho chi rārāli, da Prohona hānga, kala ina avāva̱ ngarāli mikahai lam chili athumli khuiungluishitra, kala chi athumna samphangra da Prohona hānga.”

JEREMIAH 31:7

Kaja Prohona hithāda hānga: “Jacobwui vang mathānda panglāk eina laa sālu, kala miyurbingwui kathānawui vang vaoshoklu; vaomalānlu, masotmilu, ‘Prohona awui mi, Israelwui shāk kahaiali huimihaira.’ da hānglu.

JEREMIAH 31:8

Yanglu, atung ngaleiwui eina, tāmeikap kaji okathuiwui apamwui eina, athumli ina kazipkhuira; athumwui alungli khangapeola katekla, nao khavai kala ra̱da khalei zangserda kachungkha khangaruma athumna hili latungra.

JEREMIAH 32:37

Yanglu, ina malungkhavāt, malungkakang kala ningkatheng eina kashamvā kahaipam kachiva̱wui eina ina athumli kazipkhuira; ina athumli apam hili khuiungluira, kala athumli chingri eina pānngasakra.

JEREMIAH 46:27

“Kha iwui rao, O Jacob, mangacheealu, kakhanangla makhanangalu, O Israel; kaja yanglu, katāva̱wui eina nali kala nawui arā-aza̱ raithā kahaipamwui eina ina kanmira, Jacobna latungda chingri-vari eina okthuiluira; kala khipānakha ali mangachee ngasakmara.

JEREMIAH 50:19

Israelli ina awui seihomphungli latluida hanung ngasakra, kala ana Carmelli kala Bashanli phāshak-phazāpamra, kala awui ningkachāng chi Ephraim eina Gileadwui phungrābingli ungshungra.

JEREMIAH 8:3

Ina kashamvā kahai apam kachida khalei makaphā shimkhurwui shāk kahai saikorana kharingliva kathi ningchangmeihaora da saikorawui Prohona hānga.

EZEKIEL 11:17

Chiwui vang eina hānglu, ‘Proho VAREna hithāda hānga: Mibingwui eina ina nathumli hokhuiluira, kala nathumli chaiyāngvā kahai ngaleibingwui eina kazipkhuilaga Israelwui ngalei nathumli mira.’

EZEKIEL 36:11

kala ina mila sha̱keila mataisangmira, kala kachungkha pharāsangra; kala ina kharewui tākam eina okthui ngasakra kala khare kachangwuili lāngda phāmeida sāmira. Chitharan I Prohona da nathumna theinaora.

EZEKIEL 36:24

Kaja ina miyurbingwui eina, kala okathui apam kachiva̱wui eina kazipkhuida nathumwui ngaleili khuiungmira.

EZEKIEL 36:37

“Proho VAREna hithāda hānga: Athumwui vang sāmi khavai Israelwui shimkhurli hila pongasakngai: Ashiwui mi yaoshang thāda mataisang khavai.

PĀNGMONSHI 26:9

Kala ina nathumli yangmida athei chungmeida matheida mataisang ngasakra, kala iwui ngashit kahai chi ngazipmei ngasakra.

MICAH 2:12

O Jacob, Ina kachangkhat nathum saikorali kazipkhuira. Ina Israelwui shākkahai chi manākhuira; yaoshangwui yaonao thāda; yaohomphungli khalei yao thāda, ngarungningkahai Ina mi saikora kazipkhuira.

MICAH 7:12

Chithanghon Assyriawui eina Egypt, Egyptwui eina Kong, shamadruwui eina shamadru kala phungreiwui eina phungrei, chiwui alungli khalei athumna nawuili rāra.