JEREMIAH 22:3 - Kathara Bible (BSI)

³ Prohona hithāda hānga: “Mashun kala khangarong eina bichar sāmilu, kala phama̱shaomi kahaipali kashaopāwui pāngwui eina kankhuimilu. Kha̱mili, marānaoli, kala ra̱meinaoli khayon sākashila masālu, kala apam hili khayon makhalei miwui ashee matā ngasaklu.

JEREMIAH 22:3 Iomraidhean Croise

2 SAMUEL 23:3

Israelwui Varena hānghaira, Israelwui Lunghārna ili kahāngna: Vareli ngacheeda mashun eina mungakha,

2 WUNGNAOBING 24:4

kala khayon makhalei mili ana ashee tākhangasak chiwui vangla zanga; kaja ana khayon makhalei mibingwui ashee eina Jerusalem pemngasakhaoda chiwui vang Prohona ali mapheomipai thuwa.

JOBWUI LAIRIK 22:9

Ra̱meinaoli nana khamasai eina chihoi, kala avāva̱ makhalei naobingwui pāngthei sātekmi.

JOBWUI LAIRIK 24:9

(Avāva̱ makhalei nao chili mathikwui eina ngapaikhui, kala leiman chiwui vang kachāmawui nao chi khuithuimihai.)

LAA 68:5

Avāva̱ makhaleibingwui avāva̱, ra̱meinaobingli yangkhame sāda, Varena awui katharapamli lei.

LAA 82:4

Khangazana eina khavātabingli makhayābingwui pāng eina kanmilu.”

LAA 94:21

Khangarongawui mirinli mamayāmada athumna ngarumda khuma, khalāng makhalei mili thikhavai khayon mi.

LAA 94:6

Athumna ra̱meinao eina ramkazatali shaothata, avāva̱ makhaleiyali sāthata;

SHONGZĀ 22:21

“Kha̱mili khayon ot masāpaimana, lah marekharekpaimana, kaja nathumla Egypt ngaleili kha̱mi sāsai.

SHONGZĀ 22:22

Ra̱meinaoli lah marānaoli marekharekpaimana;

CHĀNSAM 23:10

Achālakhawui thari maphuralu, lah avāva̱ makhaleiawui luili mazangalu,

CHĀNSAM 6:17

ngamsor kahai mikyan, kakapika male, khayon makhaleili ashee tākhangasak pāng,

ISAIAH 1:23

Nathumwui wungnaobing ngakaikashe kala khalebingwui ngasotnaona. Mi kachiva̱na pheizā ningchānga, kala khalem eina khamili kharomzata. Avāva̱ makhaleibingli manganingmimana, kala ra̱meiva̱wui kasakli mayangsangmimana.

ISAIAH 58:6

“Makaphā-makhayāwui kakhalap eina chiho khami, lāngkon khara̱bing khalātakhami, rekharek kahaibingli ningkhānkhami, kala lāngkon saikora sakhaikhami, hikathāwui kakhum ina kapangkakhui maningmala?

ISAIAH 58:7

Kathaia mili nawui zāt ngayarmi khavai, shim makhalei kachāmali nawui shimli hokhaung; khamahongali kathei tharan, ali farormi khavai, kala nawui athei-asāwui eina nakhalatta mangathum khavai maningmala?”

JEREMIAH 19:4

Khikhalajila mibingna ili horhaowa, avāva̱ ngarāna makathei, Judahwui awungabingna makathei kala athum eina tangda makathei varebingli nganamkaphā ot riktāda apam hi sāmakhaohaira; khiwui vangkhala kaja khayon makhalei miwui asheena apam hi pemhaira.

JEREMIAH 21:12

O Davidwui shimkhur! Prohona hithāda hānga: Ngathor mashun bichar sāmilu, kala phama̱shaomi kahaipali kashaopāwui pāng eina kankhuimilu, maningkha iwui malungkhavāt mei thāda tāra kala chuida khipānakha masāshimitrarmara, nathumwui makaphā kasāwui vangna’”.

JEREMIAH 22:17

Kha namik kala naning khalei hiya, nawui ning makatharwui tongzā khavai, khayon makhaleili ashee tākhavai, rekharek khavai, ngashaokhavaiwui vangmānga.

JEREMIAH 26:16

Chiwui thili wungnaobing kala mi saikora china pāngmonbing kala marānbingli hānga, “Mi hi kathi danti masamphang ngayimana, kaja ana ithumli ithumwui Vare Prohowui ming singda hāngkhamina.”

JEREMIAH 5:28

Athum pangsiriri nganaiyokhaira. Makhayā ot kasāli katang mavaimana; mataisang khavai marānaowui mashun maphaningmimana, khavātabingwui khamashung matheimimana.

JEREMIAH 7:23

Kha, ‘Iwui khon nganālu, chieina I nathumwui Vare sāra, kala nathum iwui mibing sāra; kala ina kakaso apong saikorali zatta nathum kalā mahaimeira’ da ina kasoi.

JEREMIAH 9:24

Kha langso khangaipā china hi theishingkhuida ili theiranu, kaja, okathuili lumashankatha, mashun, khangarong kasā chi Proho ina; kaja hikathā otsakli ina ningyāng unglaka da Prohona hānga.”

CHAPCHĀT 3:36

mi akhawui ngalang masho-ngacheimi khavai Prohona mamayāmana.

EZEKIEL 18:12

khikha makhalei khangazana kala khavata mili rekharekakha, khalee ot saakha, hamkahai mahanmiakha, meoma̱li mik ngareivaakha, ningkakachai ot saakha,

EZEKIEL 18:7

khipālikha marekharekla, kha kashuka mili awui hamkahai chi tāchamda hankhame, miwui ot makhale, kathai kacham mili mikazā, khamasai eina kazat mili kashankachon ngavaikhame,

EZEKIEL 22:7

Nathumwui alungli ava̱ avāli ningkachaida sai, nathumwui alungli kha̱ramkazat milila takzai, marānaobing kala ra̱meinaobingli mashun mayangmimana.

EZEKIEL 45:9

“Proho VAREna hithāda hānga: Shaphaira, O Israelwui wungnaobing! Sāshida marekharekluialu, mashun kala khangarong eina bichar sāmilu, iwui mibingli kashamshang kashamtā masāluilu, da Proho VAREna hānga.

JOEL 3:19

“Egypt lam machohaora, kala Edom ramcho lamhāng ngasāra; Judahwui mibingli sāshāt sāhaida lei,

PĀNGMONSHI 19:15

“Bichar atamli mamatuikhayeialu; kachām-khangai, lah kharei-khangam mangakheilu, kha nawui khongnainaoli khamashung-khangarong eina bichar sāra.

AMOS 5:15

Makaphāli ningkachaida kaphāli leishilu, kha̱lungli mashun leingasaklu; chithākha, Proho ashangva̱wui Varena, Josephwui shākkahaibingli lumashanra.

AMOS 5:24

Kha mashun chi tara̱ thāda longtāranu, kala khamashung khangarong kongrā longkatha̱ tharanu.

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

MICAH 6:8

O mikumo, kaphā chi khikhala; kaji Prohona chitheimihaira kala Prohona nawui eina khi ningkachāngkhala kaji chiya mashun eina kasā, lukhamashanli kakahao, kala ningmazingda Vareli ngasokazat maningmala?

MALACHI 3:5

“Chiwui thili nathumli bichar sākhavai ina rānganaira; ina sha̱ khangasobing, shām kasābing, kapikta shākhi kasābing, ngalangman mamila singkakharengbing, marānao, ra̱meinaoli malukhamashanbing, kha̱ram kazatabingli kakashambing kala ili makhangacheebingwuitungli mashun shākhi mira da saikorawui Prohona hānga.

MATTHEW 23:23

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna suirihan, shomri kala sāchikom hikathāthāwui tithe mi, kha ritkhameiya ainwui apong, mashun, lukhamashan kala shitkasang hikathāthāva mamayonmana; nathum hi sahairarāna, kateibing chila masāmara majipaimana.

KHALATLUI 10:18

Marānaowui vang kala ra̱meinaowui vang mashun bichar sāmi, kala kha̱milila leishida kashakazā kala kashankachonla ngarānmi.

KHALATLUI 24:17

“Nathumna kha̱miliranu lah avāva̱ makhaleiyaranu, athumwui mashun chi mamatui khayeimihaialu, lah ra̱meinaowui kachon leiham masāpaimana.

KHALATLUI 24:7

“Kachikathā mina Israelnao achinā akhali leekhuida, ana ali raonao thāda saakha lah ali yorzaakha, khalepa chi thiphalungra. Chithāda nathumwui ngachaili makaphā chi sāmathara.

KHALATLUI 25:1

“Kalikha mi khani tui shokta anina hanga̱ shimli kāda, bichar samebingna aniwui ngachaili khamashunga chili chihomihaida khayona chili tukkhuilaga,

KHALATLUI 27:19

“‘Kha̱mili, marānaoli kala ra̱meinaowui mashun hāngmakheimi kahaipa chili khonkashi ngasāranu’ da kahāng eina, mi saikorana ‘Amen’ jira.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.