JEREMIAH 22:2 - Kathara Bible (BSI)

² Davidwui wungpamkhongli kapama O Judahwui awunga, raobing kala ngavei eina kazanga saikora Prohowui tui nganālu, da hānglu.

JEREMIAH 22:2 Iomraidhean Croise

1 WUNGNAOBING 22:19

Micaiahna hānga, “Chiwui vang Prohowui tui nganālu: Prohona wungpamkhongli kapam ina thei, kala kazingramwui mi ashangva̱, saikorana uishong yāshong kuimareida khanganing chi thei;

ISAIAH 1:10

Sodom ngalei khamunga nathum! Prohowui tui nganālu, Ithumwui Varewui hāngkachithei nganālu, Gomorrahwui mibing nathum!

ISAIAH 28:14

Chiwui vang eina mashātkatheibing, Jerusalemwui mili khamungbing! Prohowui tui nganālu.

ISAIAH 9:7

Awui shorkar mataikasang, kala chingri kahai katang maleimara, Davidwui wungpamkhongtungli kala awui wungramtungli, chi semkā khavai, kala chi mashun eina ngasoda kala khangarong eina ngasoda arui atam eina thuida katang mavaila leichingra. Saikorawui Prohona sāmikhangai china hi ungshungra.

JEREMIAH 13:18

Awunga kala awungva̱li hānglu: “Khanempamli pamlu, kaja nathumwui khamathā kuihon nathum kuiwui eina tātunghaira.

JEREMIAH 19:3

Nana hāngra: “Prohowui tui nganālu, O Judahwui awungabing, kala Jerusalemwui mibing. Israelwui Vare, saikorawui Prohona hithāda hānga, Yanglu, apam hili ina chiyākha zakkashi ot shokngasakki kaji hi kashābingna khanā mathakra.

JEREMIAH 22:1

Prohona hithāda hānga: Judah awungawui shimkhurli vāda tui hi ahānglu,

JEREMIAH 22:4

Kaja nathumna tui hi khuisang kachangkhatakha, keinung hili Davidwui wungpamkhongli kapama awungabing sigui kala siguigari tonglaga zangra, athumla, athumwui raobingla, mibingla kazang samphangserra.

JEREMIAH 29:20

Prohowui tui nganālu, Jerusalemwui eina Babylonli ina raikathāli chihovā kahaia nathum.’”

JEREMIAH 34:2

“Israelwui Proho Varena hithāda hānga, Judahwui awunga Zedekiahli vāhanglu, ‘Prohona hithāda hānga: Yanglu, keinung hi ina Babylon awungawui pāngli horsangmira kala ana mei eina thottāhaora.

JEREMIAH 36:30

Chiwui vang eina Judahwui awunga Jehoiakimwui pongli Prohona hithāda hānga: Davidwui wungpamkhongli pamkhavai mi akhala masamphangmara, kala awui kathi angun ngashun kasāli pahanghaira, ngayā ikra̱ matakpira.

JEREMIAH 7:2

“Prohowui shim zangkhavaiwui ngaveili anganingda tui hi vaomalānda hānglu, Proholi khorumkida ngavei hili kānkazanga Judahwui mi saikora Prohowui tui nganālu.

EZEKIEL 34:7

“Chiwui vang eina yaokahomabing! Prohowui tui nganālu:

AMOS 7:16

Chiwui vang eina Prohowui tui chi nganālu; Israelli makhamayā mamarānalu, kala Isaacwui shimkhurli makhamayā pao mahāshokalu da nana hāngdalei!

LUKE 1:32

A kahaka ngasāra, kala juikhamataia Varewui Naomayara hora; Proho Varena avāva̱ Davidwui wungram chi ali mira,