JEREMIAH 21:2 - Kathara Bible (BSI)

² “Babylonwui awunga Nebuchadnezzarna ithumli rai sākida ngarāndalei; Prohona awui matakhak kahai otsak saikorawui athishurda ithumwui vang ngararmilapai, kala ithumwui eina ali latung ngasakhaolapai, Proholi ngahānmilu.”

JEREMIAH 21:2 Iomraidhean Croise

HAOKAPHOK 10:10

Awui awunga ngalei haokaphok chi Babel, Erech, kala Accad hibing hina, saikora hi Shinar ngaleili lei.

2 WUNGNAOBING 1:3

Kha Prohowui kazingraona Tishbewui Elijahli hānga, “Ngakarthuida Samariawui awungawui paome chili ahānglu, ‘Israelli Vare maleithuda Ekronwui vare Baal-zebubli angahānki kajila?’

2 WUNGNAOBING 17:24

Assyriawui awungana Israel naobingwui mahutli Babylon, Cuthah, Avva, Hamath kala Sepharvaimwui eina mi khuirālaga Samariawui keinungbingli chipama; Samaria chi athumwui ngasāthuihaoda keinung keinungbingli pānngasaka.

2 THOTRINCHĀN 32:21

Kala Prohona kazingrao akha chihotāda Assyria awungawui rai kapingabing, raimi kathānabing, kala rairumwui otva̱bing shaothattuphaowa. Chiwui vang awungana maishilak eina aramli latunghaowa. Kala ana awui varewui shimli kazang tharan anaomayara kaikhana raighai eina shātthathaowa.

SHONGZĀ 9:28

Prohowui kazing khangashum thei katā shaphaira, Proholi kahāngmilu; ina nathumli chihohaora; nathum hili mapamluimara.”

ISAIAH 48:2

Kaja athum khalatta tharkhamathenga keinungwui ming khuiya; kala athum khalatta Israelwui Vareli chihama; saikorawui Proho kaji hi Awui mingna.

JEREMIAH 15:11

Chithakhalairanu; O Proho, mibingwui phākhavaiwui vang ina nali maphayatmisāsi kaja, kala yangkashe athumwui mathun eina ina nali kakhanang atamli kala sikafa atamli maphayatmisāsi kajiva!

JEREMIAH 21:3

Chieina Jeremiahna athumli hānga:

JEREMIAH 32:17

“Iyavo, Vare Proho! Okathui eina kazingram nawui hakkhamahā pangshap kala napāng katingkashok eina sākakhuina! Nawui vang sakkhanā maleimana,

JEREMIAH 32:24

“Yanglu, keinung khui khavai shairon rānganai mamānhaira; raighai, chāmrei kala kazātkashiwui vang, keinung hi, ngararda khalei Chaldeabingwui pāngli horsangmihaira. Nana hāng kahai chi ungshunghaira, kala yanglu, namik eina chi theihaira.

JEREMIAH 34:1

Babylonwui awunga Nebuchadnezzar kala awui raimi katongana kala awui azingli khalei wungram saikorana kala mibing saikorana Jerusalem kala chiwui keinung saikorali rai sāda leilakha Prohowui tui chi rāhānga:

JEREMIAH 37:17

Awunga Zedekiahna ahokhui ngasakta ali samphanga. Awungana awui shimli ngathumda ngahānda hānga, “Prohowui eina tui khaleila?” Jeremiahna “Lei” da ngahānkai. Kala ana hānga, “Nali, Babylonwui awungawui pāngli horsangmihaora.”

JEREMIAH 37:3

Awunga Zedekiahna Shelemiahwui naomayara Jehucal eina Ma-aseiahwui naomayara Zephaniah pāngmonli Jeremiah marānwui ngalemli chihovāda hāngngasaka, “Ithumwui vang ithumwui Vare Proholi seiha kasāmilu.”

JEREMIAH 37:7

Israelwui Proho Varena hithāda hānga: Ili ngahānkhui khavai nali iwuili chihokharapa Judah awungali hithāda hānglu, “Yanglu, nali ngachonkida kharā Pharaohwui raimibing Egyptli latungki jihaira.

EZEKIEL 7:26

Ka̱lāshātwuitungli kalāshāt rāra, chankharopwui thili chankharop pemra; marānbingwui eina khamahā angahānra, kha ain chi pāngmonbingwui eina shimānhaora kala hāngkachithei chi ararnaobingwui eina shimānhaora.

WUNGVA̱-WUNGVĀ 20:27

Kala Israelwui mibingna Proholi (kaja atam chili Varewui tuingashit oko chi apam chili haihaida,

1 SAMUEL 10:22

Chieina athumna Proholi, “Mipā hi rākā marāmakhala?” da ngahāna. Kala Prohona, “Yanglu, otrombing haikhavai alungli ngathumda lei” da hānga.

1 SAMUEL 28:15

Chieina Samuelna Saulli, “Ili shokluda khisāda sheikhautkhala?” da hānga. Saulna hānga, “I wukkhananglākhaowa, kaja Philistinenaobingna ili rai rāngararhaowa, kala Varena iwui eina mai ngareithuihaida mangahānkāmithuwa, manglila, marānbinglila mahāngmilakthuwa; chiwui vang eina khi kasā phāmeirakhala da nali ngahān khavai kahona.”

1 SAMUEL 28:6

Kala Saulna Proholi khangasan eina, Prohona ali mangahānkāmithuwa, mang nganālala, Urim yanglala, marānbingnala khikha matheirarthuwa.