JEREMIAH 2:8 - Kathara Bible (BSI)

⁸ Pāngmonbingna, ‘Proho kali leili?’ da mangathingmana. ain kasingbingna ili matheimana; khamungbingna ili ngakaishi, marānbingna Baalwui ming eina hāngmarāna, kala makānkhanā ot chi phāzata.”

JEREMIAH 2:8 Iomraidhean Croise

1 WUNGNAOBING 18:22

Chieina Elijahna mibingli hānga, “Prohowui marān ngachaili imāng taihaili; kha Baalwui marān shāmati hangphangā leili.

1 WUNGNAOBING 18:29

Kazing makheiuda, pha̱kaphayā atam eina tangda athumna vaotaraiya, kha akhonla mashāmana, khipānakha mangahānkāmana, khipānakha mahengsangmithuwa.

1 WUNGNAOBING 18:40

Elijahna athumli hānga, “Baalwui marānbing chi tukkhuiserlu, athum akha eina tangda mayāmshokpaimara.” Chieina athumna tukkhuisera; kala Elijahna athumli Kishonkongli khuitāda ashaothatserhaowa.

JOBWUI LAIRIK 35:10

Kha khipanakha ‘Ili Kasaa, ngayā laa sākhangasaka,

ISAIAH 28:7

Hibingla drakhāra̱na marip ngasaka, zamsheina ngayit ngasaka, Pāngmonla, marānla zamsheina ngayit ngasaka, drakhāra̱na pa̱ngapā ngasaka; zamshei mangmangda khamaripa eina mahākhami theingui ngasaka, bichar kasāli konglui ngasaka.

ISAIAH 29:10

Kaja Prohona nathumwuitungli piphupkhangaiwui manglā heirorhaira, kala marānbing, nathumwui mik fakhammihaira, kala kui fakhammihaira.

ISAIAH 30:5

athumli masāmikharar yur chiwui vang mi kachiva̱ kakhayak samphangra, china khangachon kala tongkazā maningla kakhayak eina maikashi mi.”

JEREMIAH 10:21

Kaja yaokahomabing mangma̱ya, Proholi mangathingkhuimana; chiwui vang athum mamataikasangna, kala athumwui yaobing ngapha̱yāng kahaina.

JEREMIAH 12:10

Yaokahoma kachungkhana iwui drakhā yāmgui sākazammiserhaira, athumna iwui yar naithatmiserhaira; iwui khamathā yar chi athumna ramcho lamhāng ngasāmihaira.

JEREMIAH 16:19

O Proho, iwui pangshapa kala iwui ngayin khavaipam, kakhanang atamli iwui ngayin khavaipam, okathui vākatangwui eina yur kachiva̱na nali rāhāngra: “Ishāvā ngarāna kakapik maningla khangatei akhala mamathuisanghaimana, makankhanā tongkazā makhalei otmānga.

JEREMIAH 18:18

Chiwui thili athumna hānga, “Rālu, Jeremiahli sāmihaosa; ithumli ngachonmi khavai pāngmonla, hāngchitheimi khavai thangkhamabingla, shokki kaji tui hāngmi khavai marānla leichingra. Mamatuilak khavai khangarān akha sāsa, awui tui kakhuila makhuiluiasa.”

JEREMIAH 2:11

Yur akhana athumwui varebing akachang maninglala, athumwui varebing khangachei leihairala? Kha iwui mibingna khikha makankhanāwui vang athumwui tekhamatei ngacheihaira.

JEREMIAH 2:6

Athumna, ‘Egypt ngaleiwui eina khuikashoka, lamhāngli thankazata, siwukwui lamli, khorchopli, kazing kakāng lamli, kala tangmangting kahaipamli, mi makakān khipākha makasompamli thankazatapa Proho chi kali leilikhala?’ da maphāmana.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

JEREMIAH 7:8

“Yanglu, nathumna aremali kakapik tuili shitsanga.

JEREMIAH 9:14

kha ashāvā ngarāna tamchithei kahai thāda khalattawui kaphaning sātingtingda Baalwui thi shurthuihaowa.

EZEKIEL 22:26

Awui pāngmonbingna iwui ain kailaga iwui kathara ot sāmakhaomiserhaira; athum kathar eina khangachā chi mangatei ngasakmana, kala athumna iwui sabbathla matheimimana, chithāhaoda ili athumwui alungli makhao ngasaka.

EZEKIEL 34:2

“Miwui naomayara, Israelwui yaokahomabingwuitungli marānmilu, marānlu, kala athumli hānglu, yaokahomabing eina tangdalila, Proho VAREna kahāngna: O Israelwui yaokahomabing, khalatta phākachizātbing! Yaokahomabingna yaobingli phāchizātki kaji maningmala?

HOSEA 4:6

Theikakhui khavātwui vang iwui miyur shimān ngasakhaira; kaja theikakhui chi nana makhuingaithuwa, iwui pāngmon khangasāwui eina nali khalanhaira. Kala nana nawui Varewui ningkhami malai kahaiwui vang, inala nawui naongarāli malaira.

HABAKKUK 2:18

Kasemana sākakhuia, mariwui kakapika meoma̱ chi khi kannākhala? Kaja themkathema ana sākakhui khak makashoka awui pāngotli chihāna.

MATTHEW 16:26

Kaja mi akhana okathui tongda samphanglaga awui mirin shimānhaiakha awui tongkaza khi leikhala? Lha mi akhana awui mirin eina ngatha̱khuikapai khi leikhala?

LUKE 11:52

“Ain kathembing, nathum kakhanang ringkashi ngasāranu! kaja nathumna theishingkakhui aworwui sho khuithuihaida, nathum khalattala kazangla mazang kala zangkida khaleibinglila haphaowa.”

JOHN 16:3

Athumna Avālila ilila makatheiwui vang chikathā ot sāra.

JOHN 8:55

Nathum ali matheilakranga, iya theihaira. Ina theihailaga matheimana jisi kaja ila nathum thada kakapikana. Kha iya ali thei kala awui kahāng nganai.

2 CORINTHNAO 4:2

Khayākhamalā ngathumngateida kasā ot saikora horhaida ithumna mareimarā ot masāmana. Varewui tuila mashongachei khavai mahotnāmana, kha mashun chi phonglāk eina kachithei eina Varewui miktāli kachithei thada mi kachiva̱wui mashun-makhuili theikhuipai khavai ithum khalatta kachitheina.

KHALATLUI 33:10

Athumna Jacobli nawui sharphahorbing tamchitheira; kala Israelli nawui ain tamchitheira; athumna nawui hanphuttungli nganamkaphā haimira, kala nawui hanphutli, tongtingda rikkatā chigat pha̱phayāra.

1 SAMUEL 12:21

kala arema ot, nathumli katong makhalei lah kaphā makhalei otbingwui thi mashurthuihai alu, kaja athum khikha masākhavaiana.

1 SAMUEL 2:12

Chitharan Eliwui naomayarabing makakachanga mi ngasāsai; athumna Proholi khayākashi maleimana.