JEREMIAH 2:7 - Kathara Bible (BSI)

⁷ Athei-arai kala khamathā otyurbing eina ringphā khavai, khavāt makhalei lamli ina nathumli thānsangmi. Kha nathumna chili vākashung tharan iwui ram sākhamānghaowa, kala iwui shimlui ningkakachai ot ngasa ngasakhaowa.

JEREMIAH 2:7 Iomraidhean Croise

NEHEMIAH 9:25

Kala athumna raipan ngaveiphin kahai keinungbing kala ngalei katuma lam yuikhui, kala athumna shimli leikasā khamathā ot kachungkha, khonkhui kahai ra̱khong, drakhā yāmgui, olive yāmgui, kala atheirong ayur kachungkha samphanga; chieina kathokachir samphangda thaoaowa, kala nawui khamathā otsak chili athum ningyāngkhaung samphanga.”

NEHEMIAH 9:26

“Chithālala athumna kahāng manganāmada nali ngakaishilaga nawui ain nothahaowa kala nali hanung khavai hāngkhamathin nawui marānbinglila shaothata, kala kachipat ot kachungkha sai.”

ISAIAH 19:25

saikorawui Prohona somida, “Iwui Egypt, iwui pāngsak Assyria kala iwui shimluikat Israelli ringkaphā ngasaranu.” da kahānga chili.

JEREMIAH 16:18

Kala ina athumli khanishida athumwui khayonkhamāng eina moreiwui vang angathut hāngsangra; khikhalajila athumna iwui ngalei ningkakachai meoma̱bing eina sāmakhaomihaira, kala ningkakachai otsakna iwui shimlui chipemmihaira.”

JEREMIAH 3:1

“Mi akhana apreiva̱li pānghaida awui eina thuihailaga mi khangatei akhali aleihaiakha khare gaharana preiva̱ chili khuiluirala? Chikathā ram chi hakmahālak eina mamakhaomarala? Nana khayorva̱wui ot sāda kachungkhali ngasohaira; laga nana ili ungluipairala? da Prohona hānga.

JEREMIAH 3:2

Namik khangangaili kapeivāserlu, kala yanglu, nana mapimirang kaji kali leikhala? Lamhāngli Arabnao kapam thāda, shongfaphapheili nana mayarnaoli ngaraipama. Nawui makaphā shām kasāna ngalei hi sāmakhao ngasakhaira.

JEREMIAH 3:9

Khikhalajila khayorwui otsak hi awui vang kapai ot sāthuihaoda, thing ngalungli ngashāmzatta ngalei hi ana sāmakhao kahaina.

JEREMIAH 32:23

kala athumna zangda ngalei chi samphanga. Kha athumna nawui tui manganāmana kala nawui ainwui athishurdala mazatmana; nana athumli sālu kaji akhala masāmana. Chiwui vang eina, kalākashi saikora hi nana athumwuitungli tā khangasakna.

JEREMIAH 32:30

Kaja Israel eina Judahwui naobingna, nganuilakha eina thuida, iwui miktāli zakkashi maningla masālakmana; Israelwui naomayarabingna athumwui pāng eina kasāsā china iwui malungvāt khavai ngasāhaowa da Prohona hānga.

EZEKIEL 20:24

kha athumna iwui shiyanbing mamayonla, kala iwui ain khalanhailaga iwui sabbathla makhao ngasaka, kala avāva̱ ngarāwui meoma̱li shitsanga.

EZEKIEL 20:28

Kaja ina ngashit kahai lam chili thānkhaung tharan, kaphung kajujui kala thingpompa̱ theikachida athumna pha̱kaphayā ot sāda machigat khangayili chigata, chili athumna nganamkaphā otyur riktāda ra̱shakchigat chigata.

EZEKIEL 20:6

Ina athumli tuingashit sāthang, Egypt ngaleiwui eina thānshokmida athumwui vang ina phāshok kahai, khuira̱ eina seina̱ khalong ngalei saikorali tekmateimeikap kaja lam mira da ina ngashit kahaina.

EZEKIEL 23:35

Chiwui vang Proho VAREna hānga: “Ili nana malaihaida kala nawui khanukshong haikahaiwui vang, ara nawui khamathang kala khayorva̱̱wui acham sākazatwui sāman phunglu.”

EZEKIEL 36:17

“Miwui naomayara, Israelnaobingna athumwui ngaleili pamlakha, athumwui otsakna kala kasākhavāna sākhamāng ngasaka; iwui mangāli athumwui acham, ngarang mahungda khalei khamakhaova̱ sha̱nao thai.

HOSEA 9:3

Athum Prohowui ngaleili maleimara; kha Ephraimna Egyptli latungra, kala athumna Assyriali makathar kashakazā zāra.

MICAH 2:10

Ngakarthuida zatlu, kaja hi ngasām khavai pam maningmana; makatharwui vang zakshilāk eina shimān khangasakwui vang.

MISHĀN 13:27

Kala athumna Mosesli hānga, “Nana ithumli kachiho ngalei chili vai; ngalei chi seina̱ eina khuira̱ longa, kala hi chiwui atheina.

KHALATLUI 21:23

awui angun chi ngayā pongda mahaipipaimara, kha chithang chifa ngalāngki kajina; kaja phāshi sākahai mi hiya Varena khonshi kahaiya otna; chiwui vang eina Proho nathumwui Varena mikahai ngalei chi masākhamāng ngasakphalungmara.”

KHALATLUI 32:9

Kaja Prohowui sharukva awui mibingna, Jacob awui yartā kahai shimluikatna.

KHALATLUI 6:18

Kala nathumna Prohowui mikyanli khamashung kala kaphā chi sāra, chieina nathumna mathāmeida zatvāra, kala nathumna vāda Prohona navā ngarāli ngashit kahai khamathā ngalei katum samphangda