JEREMIAH 2:6 - Kathara Bible (BSI)

⁶ Athumna, ‘Egypt ngaleiwui eina khuikashoka, lamhāngli thankazata, siwukwui lamli, khorchopli, kazing kakāng lamli, kala tangmangting kahaipamli, mi makakān khipākha makasompamli thankazatapa Proho chi kali leilikhala?’ da maphāmana.

JEREMIAH 2:6 Iomraidhean Croise

2 WUNGNAOBING 2:14

Kala Elijahwui eina tātung kahai kachon chieina tara̱li ngaphitta hānga, “Elijahwui Proho Vare chi kali leili?” Ana tara̱li khangaphit tharan tara̱ chi yāshong uishong pākthuihaowa; kala Elishana kānkāhaowa.

JOBWUI LAIRIK 3:5

Kazingkashi kala tangkhamangna khuihaoranu, Muiyāna chiwuitungli ngapānphinranu; ngashunwui tangkhamangna ngachee ngasakranu.

JOBWUI LAIRIK 35:10

Kha khipanakha ‘Ili Kasaa, ngayā laa sākhangasaka,

LAA 23:4

Ina kathi khaya̱wui tampākli zatlala makaphā chili ina mangacheemana; kaja nana ili ngayurmi, nawui lijei kala khāmshuina ili ninglumngasaka.

LAA 77:5

Ina achālakhawui atam chi phaningkachunga, Ina kasāngkha thuikahai kumbing chi phaningunga.

SHONGZĀ 20:2

“Egypt ngalei, narkahai shimwui eina nathumli thānshokkhame Proho nathumwui Vare chi ina.

ISAIAH 63:9

Athumwui kakhanang saikorali ala khananga, kala awui mangāli khalei kazingraona athumli huimi; awui leikashi kala lukhamashanlungli ana athumli ngatangmi; achālakhawui eina athumli khāngkāda phungzata.

ISAIAH 64:7

Namingli khangakao mila akhala malei, nali ngavap khavai khalatta ning khangatha̱ mi akhala mazang; kaja ithumwui eina namai thumhaowa, kala ithumwui khayonkhamāngwui pāngli ithumli horsangmihaowa.

JEREMIAH 13:16

Nathumwui Proho Vareli sochikatlu; ana tangkhamang makhuirāranglakha, māmāchākahai phungreibingli phei mangaphokranglakha; nathumna kahor phāzatlakha ana chi tangmang ngasakra kala tangmangting ngasakhaora.

JEREMIAH 2:2

“Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

JEREMIAH 2:8

Pāngmonbingna, ‘Proho kali leili?’ da mangathingmana. ain kasingbingna ili matheimana; khamungbingna ili ngakaishi, marānbingna Baalwui ming eina hāngmarāna, kala makānkhanā ot chi phāzata.”

JEREMIAH 5:12

Athumna Proholi minamda matui, kala athumna, “Ana khikha masālakmara, ithumwuitungli makaphāla matāmara, chāmreila, raila marālakmara da hānga.

JEREMIAH 5:2

Athumna, “Prohowui ming singda kahāngna” da hānglala, athumna mingzaiphaphai.

JEREMIAH 51:43

Awui keinungbing khangachee-khangachā ngasāthuihaira, kazing kakāng siwuk, mi khipākha maokathuiya ngalei, kala khipākhawui naona mamakānkhavā ngalei ngasāhaira.

HOSEA 12:13

Marān akha eina Prohona Israelli Egyptwui eina khuishoka, kala marān akhawui eina phārihai.

HOSEA 13:4

Egypt ngaleiwui eina thuilaga nawui Vare Proho chi ina; nana I maningla Vare katei matheimana, kala ili lāngda huikhame maleimana.

AMOS 2:10

Kala Egyptwui eina ina nathumli thānshoka, Amorwui ngalei khuikhavai, lamhāngli kum hangmati thānzata,

MATTHEW 4:16

Tangkhamanglungli pamda khaleibingna kahor kahaka akha thei. kala leiret chili kapambing eina kathi khaya̱li khaleibingwuitungli kahor china hormihaira.”

KHALATLUI 1:19

“Kala ithumwui Varena kagaso athishurda ithumna Horebwui eina zatphokta nathumna theikahai khamashā kala khangachee-khangachā lamhāngli zatta Amor phungreiramli vai, kala Kadesh-barneali vāshunga.

KHALATLUI 32:10

“Ana athumli siwukpamli, khamasai lamhāngli phākhui; ana ali kuinamda kala awui vang phaningmi, awui lumzailak kahaiana.

KHALATLUI 8:2

Kala malangso khavai, nathumwui ning yangkhui khavai kala Varewui ningkhami mamayonnikhalada yangkhui khavai, zingkum hangmati lamhāngli Prohona thānkazat nathumna phaningungra.

WUNGVA̱-WUNGVĀ 6:13

Chieina Gideonna ali hānga, “Amei, malung mavātmialu, kha Prohona ithumli ngasomiya jiakha kathāda hikathā saikora hi ithumwuitungli rāshokhao? Ishāvā ngarāna awui matakhak kahai saikora ithumli hāngkahai, ‘Egyptwui eina ithumli Prohona mathānshokmimala?’ da hāngchithei. Kha ara Prohona ithumli horhaida Midianaobingwui pāngli sangmihaira.”