JEREMIAH 2:5 - Kathara Bible (BSI)

⁵ Prohona hithāda hānga: “Nashāvā ngarāna ili khi khayon samphanghaoda iwui eina katāva̱li thui kahaikhala, kala makānkhanāli shurzatta makankhanā sathuihaokhala?

JEREMIAH 2:5 Iomraidhean Croise

2 WUNGNAOBING 17:15

Awui shiyan-chikan, kala avāva̱ ngarāli tuingashit kasā kala athumli hāngkhamathin chili ningkachaihaowa. Makhamashunga meoma̱wui thi shurda athum mamashungthuwa, athumwui thāda sāshara da Prohona kaso kahai, athumli kuimareida khalei yurbingwui thi shurthuihaowa.

LAA 115:8

Athumli sākakhuibing chi athum tākamhai; chili shitkasangbingla chipapama.

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

ISAIAH 44:9

Meoma̱ kasābing khikha maningmana, otbing chili ning ringkapha tongkaza maleimana; athumwui shākhibing athum kakhayak samphangra kaji mik einala kala mning einala matheimana.

ISAIAH 46:12

“Ili nganalu, ning khamakangbing, na ngatangkhamiwui eina katāva̱li lei:

JEREMIAH 10:8

Athumva mangkhama̱, kala wurkazomānga; meoma̱bingwui tamkachithei chiya khikha makhaning thingna!

JEREMIAH 12:2

Athumli nana lingsangda angayung sa̱khui; athumna reisang mamānda atheila mathei; nana athumli nganailak eina ngazeka, chithālala athumwui ninga katāva̱li lei.

JEREMIAH 14:22

Yurbingwui makhamashunga varebingwui ngachaili kazing romishapa khipā lei? Lha kazingramna zingrot romishapla? A chi na maningmalā, O Proho ithumwui Vare? Ithumna nali chihāna, kaja ot saikora hi nana sai.

JEREMIAH 2:31

O mithot, nathum Prohowui tui nganākhuilu. I Israelwui vang lamhāng lah tangmangting kahai ngalei ngasāhaola? Maningakha kathāda iwui mibingna, ‘Ithum ningkhānhaira, ithum nali maungluilakmara’ da hāngkhala?

JEREMIAH 2:4

Prohowui tui nganālu, O Jacobwui shimkhur, kala Israelshi shimkhur saikora.

JEREMIAH 8:19

Nganālu, apam huptawui eina iwui khangazana yurwui naongalava̱wui ringkhangā, Proho Zionli maleimala? Awui Awunga awuili maleimala? “Khisāthuda athumna sākakhui meoma̱, kala yur khangateiwui meoma̱ eina ili malung thuikhavai sākhala?”

EZEKIEL 11:15

“Miwui naomayara, nachināngarā, nali khangaso, nali raithākharumbing, Israelwui shimkhur saikora, athum katonga, Jerusalem hili khaleibingna, ‘Athumna Prohowui eina katāva̱li thuihaira; ithumwui vang ngalei hi mikahaina’ da hāngkahai china.

EZEKIEL 14:5

chiya iwui eina mai ngareithui kahai meoma̱li kaphaninga Israelwui shimkhurli tandi mikhavaina.

JONAH 2:8

Makānkhanā meoma̱li khayākashibingna athumli machihānluimana.

MATTHEW 15:8

‘Mibing hina morchai eina ili khayāshiya, kha athumwui wuklung iwui eina katāva̱li lei;

OTSAK 14:15

“Itaongarā, nathumna kachiwui vang eina hithada kasākhala? Inila nathum eina ngaraikachā mikumona. Makānkhanā otbing hiwui eina mai ngareithuihailaga kazingla, ngaleila, shamadrula kala chiwui alungli khalei ot saikora kasā kharinga Vareli ngareiung khavai paokaphā hāshok khavai ithum hili khaleina.

ROMNAO 1:21

Kachiwui vangkhala kaja athumna Vareli thatheilaga ali Varelaka da khayāmashimana kala ningkashila mamimana, athumna phaningphāphā machukphāphāda athumwui ninglila mashun-makhui maleithuwa.

KHALATLUI 32:21

Makakachanga Varewui vang ili zimari ngasakhaira, athumwui meoma̱ chiwui vang ili malungvātngasakhaira. Ara chiwui vang ina yur kateili mathuk ngasakta athumli yuishi ngasakra, ina athumli mangkhama̱ yur eina malung thuingasakra.

1 SAMUEL 12:21

kala arema ot, nathumli katong makhalei lah kaphā makhalei otbingwui thi mashurthuihai alu, kaja athum khikha masākhavaiana.