JEREMIAH 2:3 - Kathara Bible (BSI)

³ Matheikhare heithei Israel hi Proho wui mangali kathara ngasāsai. chi kashaia saikora yomphungda kalākashi athumwuitungli tai da Prohona hānga.”

JEREMIAH 2:3 Iomraidhean Croise

SHONGZĀ 22:29

“Nawui mā khamin tharan kala athei-arai minda phākakhui tharan kachigat mahuipaimara. “Naomayara naochizai ili miphalungra.

SHONGZĀ 23:16

“Nathumna luili khayao theishiraiwui matheikhare athei chieina ngasoda māhā phanit mayonlu. “Kumpeili nathumna luiwui eina theishirai kazipkakhui tharan chumpha̱ phanit mayonlu.

ISAIAH 41:11

Mha, nali malungkhavātbingli pa̱ngapāda maishi ngasakra; nali khangahanbing chi khikha makhaning ngasāhaora kala shimānhaora.

ISAIAH 47:6

Iwui miyurli I malungvāthaowa, iwui shimluikatli ina mathar ngasakthuda horhaowa, athumli ina nawui pāngli horsangmi, nana athumli lukhamashan machitheimana; kasarnaoli nana nawui kharit otphun chiphuna.

JEREMIAH 12:14

“Ina iwui shimlui mathun khavai Israelli mikahai shimlui chi sākaza̱a iwui makaphā khongnai saikorawui pongli Prohona hithāda hānga: Yanglu, ina athumwui ngaleiwui eina athumli phurshokhaora, kala ina athumwui ngachaiwui eina Judahwui shimkhurli phurkhuira.

JEREMIAH 2:4

Prohowui tui nganālu, O Jacobwui shimkhur, kala Israelshi shimkhur saikora.

JEREMIAH 30:16

Chiwui vang nali sākakazamali sāshimānra, nawui yuikashi saikora, athum kachiva̱li narkahaipamli khuithuihaora; nathumli yangkashebingli raonao sāngasakra; nathumli ngaponkathuibingli ngaponzāra, nathumli sāshai thāda kasābingli sāshai sāmira.

JEREMIAH 50:7

Athumli samkaphangbingna tukshaiya, kala athumwui yangkashebingna hānga, ‘Ithum mayonmana, kha athumna athumwui akachangaram Proho, avāva̱ ngarāwui kachihāna Proholi mamayāmada morei kasāwui vangna.’”

JOEL 1:3

Nanao ngarāli hi hānglu, athumna anao ngarālila hāngranu, kala anaobingna naobingli hangmaronluiranu.

AMOS 6:1

“Zionli leiyālak eina khaleibing, kala Samariali ningnganungkhun eina khaleibing, Israel shimkhur shok khavai rimeithui kaje yurwui khareia mibing, kakhanang ngasāranu!

HABAKKUK 1:11

Chiwui thili athumna masi thāda yongvai, kala chithāda vāshuma, khayona mibing, khalattawui pangshap chi athumwui varebingna!

ZECHARIAH 1:15

Kala lekngasaisor eina pamda khalei yurbingli malungvāthaira; khikhalajila ina iwui yurli malungmavātngaiga jiakha athumna kalākashi chi mataisang ngasaka.

ZECHARIAH 2:8

Kaja saikorawui Proho china hithāda hānga, kaja awui tekhamatei china ili nathumli khangapona yurbingli chihokhavāwui thili hānga, kaja nathumli sākaza̱ a chi awui miktāli lumzailāk kahaiali sākaza̱na.”

MISHĀN 18:12

“Thao, drakhāra̱, theishiraiwui eina mathāmeikap kaji, matheikhare athumna Proholi kachigat saikora ina nali mihaira.

ROMNAO 11:16

Khamui akai khare chi Vareli chigatakha, khamui ahāng katonga chila awuina, kala thingrongwui angayung chi Vareli chigatakha aphāng saikorala awuina.

ROMNAO 16:5

Aniwui shimli kazip khangaruma churchlila shālam mili. Asia ngaleili Khristali shitsangkhare iwui leikashiya ngasotnao Epaenetusli shālam mili.

EPHESIANAO 1:4

Okathui masāranglakhala Khristali khangashikwui vang Varena ithumli awui ngasā khavai kapangkhui. Chieina ithum awui mangāli khamakhao maleila kathara ngasāra.

KHALATLUI 14:2

Kaja nathum hiya Proho nathumwui Varewui vanga kathara yurna, kala okathuili khalei yur saikorawui ngachaili awui mi sākhavai Prohona nathumli kapangkhui kahaina.”

KHALATLUI 26:19

kaja ana sākahai yur saikorawuitungli nathumli chipamra, masotla, ming khamayāngla, khayāla nathumli juimeikap ngasakra kala ana hāngkahai thāda nathuma Prohowui kathara miyur ngasāra.”

KHALATLUI 7:6

“Proho Varewui mangāli nathuma kathara yurna; Proho nathumwui Varena okathuili khalei miyur saikorawui ngachaili nathumli awui miyur sākhavai kapangkhui kahaibingna.

JAMES 1:18

Khamashung tui chiwui mangā eina ā khalattana ithumli raokthui ngasaka. Chieina ana sākahai saikorawui ngachaili ithum hi pharākhare kathā ngasai.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.

PHONGKHAMI 14:4

Mibing chiya sha̱naoli makhayonabing; kachingbingmānga kala Yaonaona khavāvāli ngasozatching kajebingna, Vare eina Yaonaowui vang athumli mikumowui matheikhare sāda ngatangkhui kahaina.