JEREMIAH 2:2 - Kathara Bible (BSI)

² “Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

JEREMIAH 2:2 Iomraidhean Croise

LAA 129:1

“I yaronlakhawui eina athumna ili khanang ngasaka,” ara Israelna hāngranu—

SHONGZĀ 14:31

Egyptnaobingwuitungli Prohona hakkhamahā ot kasā chi Israelnaobingna theilaga Proholi ngachee, kala Proho eina awui rao Mosesli shitsanga.

SHONGZĀ 16:8

Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”

CHĀNSAM 1:20

Aworna chanreili panglāk eina vaowa; leihngapha̱lungli ana awui akhon chuimei ngasaka;

SOLOMONWUI LAA 3:11

O Zionwui naongalāva̱bing, vaulu, kala Awunga Solomonli ayanglu, awui ngalā shakzāthang awui ning ringkaphā zimikli, ava̱va̱na ali ngahonkhami kuihon khangahon chi.

SOLOMONWUI LAA 3:6

lamhāngwui eina rākharā, meikhut khangapān kathā, nganamkaphā myrrh eina frankincense eina ngasoda, leihkhalonbingwui nganamkaphā katonga chi khikhala?

ISAIAH 58:1

“Pangda vaolu, nakhon talla̱ kakhong thāda vaolu; iwui mibingwui khayon phongmilu, athumwui morei, Jacobshi shimkhurli.

JEREMIAH 11:6

Kala Prohona ili hānga, “Judahwui keinungbing kala Jerusalemwui chānreibingli tui saikora hi chishātlu: Ngashitkahai tui hi khuisangda chiwui athishurda sālu.

JEREMIAH 19:2

Hinnomwui naomayarawui tampākli vāda Hamkāi Ngavei zangkhavai chili ina kahāng tui chi vaomalānlu.

JEREMIAH 2:1

Prohowui tui chi ili rāhānga,

JEREMIAH 2:6

Athumna, ‘Egypt ngaleiwui eina khuikashoka, lamhāngli thankazata, siwukwui lamli, khorchopli, kazing kakāng lamli, kala tangmangting kahaipamli, mi makakān khipākha makasompamli thankazatapa Proho chi kali leilikhala?’ da maphāmana.

JEREMIAH 3:4

Nana aruicham, ‘Ishāvā, na I nganuilakhawui khavāknaona—

JEREMIAH 7:2

“Prohowui shim zangkhavaiwui ngaveili anganingda tui hi vaomalānda hānglu, Proholi khorumkida ngavei hili kānkazanga Judahwui mi saikora Prohowui tui nganālu.

EZEKIEL 16:22

Kala nawui ningkakachai ot kala khayorva̱̱wui otsak kasā hili na nganuilakhawui atam, khamahong eina ashee khaneokatotlaga leikasā chi maphaningungmana.

EZEKIEL 16:60

chithālala na nganuilakha nali iwui tuingashit sākahai chi ina phaningungra, kala ina nali makhangachei tuingashit akha sāluishitra.

EZEKIEL 16:8

“Ina nali rakānluishit kaji tharan, yanglu, na leikashi khalei atamli leisai; kala ina iwui kachon fasangmida nawui khayā ngarinmi: mha, nali khuira da ina tuingashit sai, kala na iwui ngasāhaowa da Proho VAREna hānga.

EZEKIEL 23:19

Chithālala nganuilakha Egyptli khayorwui acham sākasā chi machihohailakmana, kala mataikhangai mataida sai,

EZEKIEL 23:3

anina Egyptli khayorwui ot sai; ani nganuilakhawui eina thuida khayorwui ot sai; sungthei singnganao ngasaka, kala mongkhuila mayutnganao ngasaka.

EZEKIEL 23:8

Egyptli leilakha khayorva̱̱wui acham kasā chi mathāhailakmana; kaja a nganuilakha yaronnaobingna ali ngasopida awui sungthei singnganaoda ngasopichinga.

HOSEA 11:1

Israelna angāngnao sālakha ina ali leishi, kala Egyptwui eina inaomayarali hokhui.

HOSEA 2:15

Kala chili ina awui drakhā yāmgui mira, kala Achorwui Leiwuk chi kachihānwui khāmong sāngasakra. Kala chili a ngalālakhawui thāda, kala Egypt ngaleiwui eina kashok atamwui thāda ngahānkāra.

HOSEA 2:17

Kaja Baalwui aming chi ina awui khamor eina khuithuimihaida mingsinda mahangluimara.

HOSEA 2:7

Awui leikashebingli ana khoromzatra, kha mangaphanmara; kala ana athumli phāra, kha masamphangmara. Chiwui thili ana, “Igahara kharepāli latungura — kaja iwui vang aruiwuile kharepāna phamei.” da hāngra.

HOSEA 8:1

Talla̱ chi namorchaili khāngkālu, kaja khalāngsāsha akha Prohowui shimtungli pa̱da lei. kaja athumna iwui tuingashit sākhaihaira, kala iwui ain kaihaira.

HOSEA 9:10

lamhāngwui drakhāthei thāda, ina Israelli samphanga. Matheikhare khaorāthei thāda ina nashāvā ngarāli thei. Kha athumna Baal-peorli vāda Baal varebing mangāli athum khalatta tharchigata; kala athumna ningkachānga ot thāda athumla ningkachaihaowa.

JONAH 1:2

“Ngakarthuida kahaka keinung Ninevehli vālu, kala chili makhamayā tui avaolu; kaja athumwui makaphā makhayā chi ili shākāhaira.”

MATTHEW 11:15

Shākhui khavai khanā kakā a china shākhuiranu!”

LUKE 12:13

Yarui ngachaiwui eina mi akhana ali hānga, “Ojā, ishāvāna haimi kahai shimlui chi ilila ngayarmi khavai ishameili kahāngmilu.”

KHALATLUI 2:7

Khikhalajila nathumwui kasāsā saikorali nathumwui Proho Varena nathumli somihaira; nathumna khamashā lamhāngli kasāngkha kazatla ana thei; kum hangmati hili Proho nathumwui Varena ngasomida nathum khikha mavātlakmana.’

KHALATLUI 33:3

Mha, awui mili ana leishi; ali tharchigat kahaibing awui pāngli lei; chieina athumna nawui pheikār chi shura, nawui chiza̱khami athishurda,

KHALATLUI 8:2

Kala malangso khavai, nathumwui ning yangkhui khavai kala Varewui ningkhami mamayonnikhalada yangkhui khavai, zingkum hangmati lamhāngli Prohona thānkazat nathumna phaningungra.

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

PHONGKHAMI 2:4

Kha nali mamayākhangai hi lei; khareli nana ili leikashi leishāt chi ara maleithura.