JEREMIAH 2:11 - Kathara Bible (BSI)

¹¹ Yur akhana athumwui varebing akachang maninglala, athumwui varebing khangachei leihairala? Kha iwui mibingna khikha makankhanāwui vang athumwui tekhamatei ngacheihaira.

JEREMIAH 2:11 Iomraidhean Croise

1 WUNGNAOBING 11:33

khikhalajila ana ili horhaida, Sidonwui varebing Ashtorethli, Moabwui vare Chemoshli, kala Ammonwui kameo Milcomli khorumhaowa, kala iwui kahāng manganāmana; kala avāva̱ Davidna kasā thāda iwui shiyan-chikan kala ain mamayonla, iwui mikyanli khamashung chi masāmana kala iwui ningkhami mamayonmana.

2 WUNGNAOBING 1:3

Kha Prohowui kazingraona Tishbewui Elijahli hānga, “Ngakarthuida Samariawui awungawui paome chili ahānglu, ‘Israelli Vare maleithuda Ekronwui vare Baal-zebubli angahānki kajila?’

2 THOTRINCHĀN 13:9

Nathumna Prohowui pāngmonbing, Aaronwui naongarā kala Levibingli kashamhaida nathum khalattawui vang pāngmon ngalei khangateiwui yurbing thāda phākasang maningmala? Kachikathāthāna mukvānao akha maningakha yaovā shini khuirālaga tharchikatakha vare makhaningwui pāngmon sāngasaka.

LAA 106:20

Varewui tekhamatei chi khawo kashaia seiwui ama̱ eina athumna ngatha̱haowa.

LAA 115:4

Athumwui varebingva sinā lupāsāna, miwui pāng eina kasāna.

LAA 3:3

Kha O Proho, na iwui kuikhamareiwui chāngveina, Iwui tekhamatei, ikui khangkākhamena.

ISAIAH 37:19

Kala athumwui varebing meili horsangmiserhaira; kaja chibing chiya varebing kachangkhat maningmana, kha mina sākakhui thing ngalungna, hiwui vang saikora chi sākazam kahaina.

JEREMIAH 16:20

Mina akhalattawui vang varebing sākhuipaila? Chikathā chiya varebing maningmana!”

JEREMIAH 18:13

“Chiwui vang Prohona hithāda hānga: Miyurbingli ngathingyanglu, khipāna hikathā kashāhairala? Kachingva̱ Israelna zakshilāk kahai ot sāhaira.

JEREMIAH 2:5

Prohona hithāda hānga: “Nashāvā ngarāna ili khi khayon samphanghaoda iwui eina katāva̱li thui kahaikhala, kala makānkhanāli shurzatta makankhanā sathuihaokhala?

JEREMIAH 2:8

Pāngmonbingna, ‘Proho kali leili?’ da mangathingmana. ain kasingbingna ili matheimana; khamungbingna ili ngakaishi, marānbingna Baalwui ming eina hāngmarāna, kala makānkhanā ot chi phāzata.”

JEREMIAH 5:7

“Ina kathāda pheomira? Nanao ngarāna ili malaihaowa, kala vare makhaningbingwui ming eina mingzaihaowa. Athumli thoting eina mizaakha phokaphā ot sāhao, athumna khayorva̱wui shimli ngaheireida apamhaowa.

EZEKIEL 14:5

chiya iwui eina mai ngareithui kahai meoma̱li kaphaninga Israelwui shimkhurli tandi mikhavaina.

EZEKIEL 5:7

Chiwui vang Proho VAREna hānga: Khikhalajila nali kuikhamarei yurbingli na zakshimeida iwui shiyan chikan kala sharphahorbing mamayonla, kha nali kuikhamarei yurbingna kasāsā thishurhaoda;

MICAH 4:5

Kaja miyur saikorana kachichāwui varewui mingli khorumra, kha ithumva ithumwui Vare Prohowui mingli katang mavaila zatra.

ROMNAO 1:23

kala athumna kathi makhangavā Vareli makhorumla thikapaiya mikumoli, vānaoyurbingli, sāyurbingli kala phara̱-pharāli ngamānda sākakhui ama̱bingli khorumhaowa.

1 CORINTHNAO 8:4

Chithada sāda meoma̱li pha̱kahai kashakazāwui pongli hithada ngahānkāngai; ithumna thei kaja meoma̱ hiya kachangkhat khalei otwui amahā maningmana; kala Vare akhamanga katei maleiluimana da ithumna thei.

GALATIANAO 4:8

Rida nathum Vareli matheisāmana, chieina khangacha eina vare makhaninga rinbingwui raonao sāsai.

KHALATLUI 32:16

Athumna makathei varebingli khorumda ali zimari ngasakhaowa; athumna ningkakachai ot sāda ali malungvātngasaka.

KHALATLUI 32:21

Makakachanga Varewui vang ili zimari ngasakhaira, athumwui meoma̱ chiwui vang ili malungvātngasakhaira. Ara chiwui vang ina yur kateili mathuk ngasakta athumli yuishi ngasakra, ina athumli mangkhama̱ yur eina malung thuingasakra.

KHALATLUI 33:29

Ringkapha chi nathumna, O Israel! nathum thāda khipa lei, Prohona kankhuikhamiya yur. Nathumli ngākmi khavai kala maikhayā mikhavai, Prohohi nathumwui chāngvei kala raighaina. Nathumwui yangkashibingna nathumli lumashanmi khavai pora; kala nathumna athumwui kajuipam naikazamra.”

1 PETER 1:18

Nathumli navā ngarāwui eina shākhuikhamaron khikha masākhavai mirinwui eina ngatangkakhui chi shimānkapai sinā lupā eina maningmana kaji nathumna thei,

1 SAMUEL 4:21

Kha ana naoming Ichabod phokmida hānga, “Tekhamatei chi Israelwui eina pākthuihaira!” kaja Varewui okola ngapaithuihaowa kala awova̱la agaharala thihaowa.