JEREMIAH 19:3 - Kathara Bible (BSI)

³ Nana hāngra: “Prohowui tui nganālu, O Judahwui awungabing, kala Jerusalemwui mibing. Israelwui Vare, saikorawui Prohona hithāda hānga, Yanglu, apam hili ina chiyākha zakkashi ot shokngasakki kaji hi kashābingna khanā mathakra.

JEREMIAH 19:3 Iomraidhean Croise

LAA 102:15

Prohowui mingli miyurbingna ngacheera, kala okathuiwui awunga saikorana nawui tekhamatei chili ngacheera.

LAA 110:5

Prohona nawui yāshong lei; a malungvātthang awungabingli akha̱ sāngasakra.

LAA 2:10

Chiwui vang eina ara, O awungabing, thangmeilu; O ngalei khamungabing, ning ngasharlu.

ISAIAH 28:19

Kala chi kharā kachida nali za̱chingra; kaja chi ngathor kachida rāra, ngashunla ngayāla rāra; pao chi bhab katā tharan ngacheenāhaora.

JEREMIAH 13:18

Awunga kala awungva̱li hānglu: “Khanempamli pamlu, kaja nathumwui khamathā kuihon nathum kuiwui eina tātunghaira.

JEREMIAH 17:20

kala hānglu: ‘Prohowui tui nganālu, Judahwui awungabing nathum, Judahli khalei saikora, kala Jerusalemli kapāna saikora, ngavei hieina rākazangabing.

JEREMIAH 18:11

Chiwui vang eina, ara, Judahwui mili kala Jerusalemwui mibingli hānglu: Yanglu, Prohona hithāda hānga, Ina nathumli makapha sākhavai machukta lei kala ngarānda lei. Kachichāwui makaphā chiwui eina latunglu, kala nawui apong kala otsak mashungkhuilu jilu.

JEREMIAH 19:15

Saikorawui Proho, Israelwui Varena hithāda hānga, “Yanglu, keinung hiwuitungli, kala kha̱ saikorawuitungli, ina hāngtā kahai makaphā saikora chi tāngasakra; khikhalajila athumna ngakaishitingting iwui tui makhuisangthuwa.”

JEREMIAH 25:29

Kaja yanglu, iwui ming eina phok kahaiya keinung hili ina makaphā ot sāphokhaira, laga nathum tandi maphungla kathāda yāmshokpairakhala? Kaja okthuili okthuida khalei saikorali ngasung khavai raighai akha ina kasohaira, da saikorawui Prohona hānga.’

JEREMIAH 35:17

Chiwui vang eina, Israelwui Vare, saikorawui Prohona hithāda hānga: Yanglu, ina kalākashi hāngkahai saikora chi Judahwui mibing kala Jerusalemli khaleibingwuitungli khuirāra; khikhalajila ina athumli hāngkahai chi athumna manganāsangmana, ina athumli hohaira kha mangahānkāmana.”

JEREMIAH 44:3

khikhalajila athumnala, nathumnala, nashāvā ngarānala makathei, athumna varebingli shitsangda nganamkaphā otyur riktāda makhayā ot sālaga ili malungvāt khangasakwui vangna.

JEREMIAH 6:19

Nganālu, O okathui; yanglu, mibing hiwuitungli ina makaphā khuirāra, athumna makaphā khangarān athei, khikhalajila athumna iwui tui makhuimana; kala iwui ain athumna khalanhaira.

EZEKIEL 7:5

“Proho VAREna hithāda hānga: Ka̱lāshatwuitungli kalāshāt! Yanglu, chi rārāli.

MATTHEW 10:18

khamungabing, awungabing kala Gentilebingwui mangāli iwui mingli shākhi sākhavai nathumli khamungabing kala awungabingwui mangāli shimenvāra.

PHONGKHAMI 2:29

“Manglāna churchbingli kahāng chi khanā kakaa a china nganākhuira̱nu!

1 SAMUEL 3:11

Chieina Prohona Samuelli hānga, “Yanglu, ina Israelwui alungli sākida khalei ot hi khanā khani kakā kachiva̱na shāda nganaringhaira.