JEREMIAH 17:4 - Kathara Bible (BSI)

⁴ Ina mikahai nathumwui shimlui chi nathumwui pangwui eina ngapaithuihaora; kala nathumna makathei ngaleili nathumwui yangkashebingli otram ngatha̱ ngasakra. Kaja iwui malungkhavātlungli mei sākāhaira; chiya mathāhaila chuichingra.”

JEREMIAH 17:4 Iomraidhean Croise

JEREMIAH 15:14

Nathumna makathei ngaleili ina nathumli yangkashibingwui otram ngatha̱ ngasakra; kaja, iwui malungkathui mamitlakki kaji mei thada chuikāhaira.”

CHAPCHĀT 5:2

Ithumwui shimluikat kha̱minaoli mikāhaira, ithumwui shimla zakmai makathei mili mihaira.

JEREMIAH 7:20

Chiwui vang eina Proho VAREna hithāda hānga: Yanglu, iwui malungkhavāt kala malungkathui apam hiwuitungli milila, sālila, luiwui thinglila, ngaleiwui theishirailila heirorra, china chuida khamit mavaimara.”

ISAIAH 5:25

Chiwui vang eina Prohona awui mibingli malungvāthaowa, kala ana awui pāng katingvāda athumli shaowa; kala phungreibingna nganuka; kala athumwui kathinguna shongfa kachida thothap horkahai thai. Saikora hiwui vang awui malungkhavāt chi masuitāranga, kala awui pāng arui eina tangda katingdalei.

JEREMIAH 16:13

Chiwui vang ngalei hiwui eina ina nathumli katāva̱li, nathumnalapai lah nashāvā ngarānalapai matheikasapamli kahaivāhaora, kala chili nathumna vare khangateili ngashun ngayā otram ngatha̱ra; kaja nathumli ina lukhamashan machitheiluimara.’”

ISAIAH 14:3

Otram ngatha̱ khangasak eina ngasoda nathumwui kachot, kakhanang kala kharita otram khangatha̱ chiwui eina Prohona nathumli ngasāmkhui khangasak tharan,

EZEKIEL 21:31

Kala ina iwui malungkhavāt nathumwuitungli chihotāra; Iwui malungkhavātwui mei nathumwuitungli malirorra; kala sākashimān kathema, sakashebingwui pāngli ina nathumli horsangmira.

CHAPCHĀT 1:12

“Rākhamakān nathum saikora, nathumwui vang chi khikha maningthula? Prohona malungvātlākhaithang, ana iwuitungli kakhanang khuirākhami thāda kakhanang katheihairala?

JEREMIAH 12:7

“Iwui mibingli ina horhaira, iwui shimlui ina chihochaohaira; Iwui ningna leishikhamataiabingli yangkashibingwui pāngli horsangmihaira.

JEREMIAH 5:29

“Hiwui vang athumli ina tandi mamimarala? Hikatha miyur hili ina athut makhuingayimala? da Prohona hānga.

ISAIAH 66:24

“Kala athumna vāda ili ngakaikashe mibingwui kathingun chi ayangra; kaja athumwui kachai mathimara, athumwui mei mamitmara kala athum chi asā khavai saikorawui ningkakachaiya ngasāra.”

ISAIAH 30:33

Kaja riktā khavai apam akha ngarānhaidalei; mha, awungawui vang kathuka kala khamashā meifa akha, meilā thingla sorngasaida ngarānhaidalei; Prohowui khakkhā china mei thāda thotkāra.

NEHEMIAH 9:28

Kha chiwui thili athumna ngasāmkhui kahai thili nawui mangāli makaphā saluishithaowa, kala nana yangkashebingwui pāngli horsangmilui; chiwui vang yangkashebingna athumli munga; kha athumna hanungda nali khangakao tharan kazingram eina nana shāmi; kala nawui lukhamashan athishurda kachungkha shida nana athumli ngatangmi.

2 WUNGNAOBING 25:21

Kala Babylon awungana athum katongali, Hamath ngaleiwui Riblah chili sāthatserhaowa. Chithāda sāda Judahli awui ngaleiwui eina ayarli tukthuiserhaowa.

1 WUNGNAOBING 9:7

ina athumli mikahai lam chiwui eina Israelli katatshokhaora; kala imingwui vang ngasāra da tharchigat kahai shim chila iwui mikyanwui eina horhaida Israel hi miyur saikorawui chānjam, kala meisumtui ngasāhaora.

KHALATLUI 28:25

“Prohona nathumli nathumwui yangkashibingwui mangāli mai shingasakra; nathumna apong akha eina vāra, kala athumwui eina apong shini eina yāmra; kala nathum okathuiwui wungram saikorana mayangkhangaia ngachee khavai ngasāra.

JEREMIAH 2:14

“Israel raonaola? Raonaona kapharā naola? Maningakha kathāda miwui sāshai sāthuihao?

JEREMIAH 18:23

Chithālala, O Proho, athumna thumsak eina ili sāthat khavai khangarān saikora nana thei. Athumwui khayon mapheomialu, nawui maiyan eina athumwui morei pheokhamila mapheomialu, nawui mangāli athum pitāranu, nawui malungkhavāt atamli sāmihaolu.

JEREMIAH 21:12

O Davidwui shimkhur! Prohona hithāda hānga: Ngathor mashun bichar sāmilu, kala phama̱shaomi kahaipali kashaopāwui pāng eina kankhuimilu, maningkha iwui malungkhavāt mei thāda tāra kala chuida khipānakha masāshimitrarmara, nathumwui makaphā kasāwui vangna’”.

JEREMIAH 22:28

“Coniah kaho mi hi yangkakharinga, hamkai, mi khipākhana mayangsangkhami ham kathāla? Ali, kala awui naomayarali kahaithuihaida athumna makathei ramli khisāda raithāhao?”

ISAIAH 50:11

Yanglu, thing khuisangda mei kasābing! Nathumna thing riksangda mei kasāwui kahorlungli zatlu! Nathumna hi ipāngwui eina samphangra; nathum kakhanang ringkashili pisangra.

JEREMIAH 5:19

Kala nathumwui ngachaili ‘Khiwui vang Prohona ithumli hithāda kasākhala?’ da khangahān tharan, nathumna hithāda hāngra, ‘Nathumwui ngaleili leilakha nathumna ili malaihaida yur khangateiwui varebingli kaphaningwui vang nathumwui lam makhaning apamli nathumna matheikasa athumli otram ngatha̱mira.’”

EZEKIEL 7:24

Yurbingwui ngachaili zakshimeikap kaje yurbingli athumwui shim khuikhavai ina khuirāra; athumwui langkaso pangshap chi ina ngachang ngasakhaora kala katharapam chi sāmakhaomi ngasakra.