JEREMIAH 17:3 - Kathara Bible (BSI)

³ Nathumwui lan kala nathumwui sinā lupa saikora nathum moreiwui aman sāda ina nathumwui ramkhai ungshung vāshungda ngaponthui ngasakra.

JEREMIAH 17:3 Iomraidhean Croise

2 WUNGNAOBING 24:13

Prohowui shimli khalei lanbing, awungawui shimli khalei lan saikora pongthuihaowa; kala Prohona hangmarānhaikasā chi tākam eina, Prohowui shimli haikasā sinā eina kasā khorkhong saikora sākazammiserhaowa.

LAA 78:58

Kha athumwui kajuipambing sakāda china ali malung thuingasaka; athumna athumwui sākakhui meoma̱bing eina ali yuikashi mathuk ngasaka.

ISAIAH 27:9

Chiwui vang eina china Jacobwui khayonkhamāng shimitmihaora; kala china awui morei khuithuikhamiwui kākashung athei ngasāra. Hanphutwui ngalung saikora akha̱ sāngasak kahai tharan, Asherimwui lah nganamkaphā riktākhavai hanphutla maleisāluimara.

JEREMIAH 12:12

Siwukwui khangai kajuiya saikorawui pamli shimān khangasakbing rāhaira; kaja akatang ngalei akhawui eina akhali vāpeida Prohowui raighai eina sāthata; manglākapai khipākha chingri mahairarmana.

JEREMIAH 15:13

“Nathumwui moreiwui vang eina, nathumwui ramkhai ungpei vāpeida nathumwui lan kala kazip kahai saikora yangkashibingli aman makhuila ngaponkhui khavai mihaora.

JEREMIAH 20:5

Chili lāngda keinungwui lan, tongkakhui saikora, aman kasasak ot, kala Judah awungabingwui lan saikora yangkashibingwui pāngli horsangmida athumna shimān ngasakra, ngaponkhuihaora, kala Babylonli khuitāserhaora.

JEREMIAH 21:13

“Yanglu, O tampākli kapambing, ina nathumli mamayāmana, O tampākwui lunghār da Prohona hānga; nathumna hānga, khipāna ithumli tāngasungshaprakhala? Khipāna ithumwui shimli rāzangshapkhala?

JEREMIAH 26:18

“Moreshethwui Micahna Judahwui awunga Hezekiahwui atamli Judah mi saikorali marānmi: ‘Saikorawui Prohona hānga, Zionli seiot kakhui thāda khuira, Jerusalem ngayānghaida khorkazam kahai ngasāra, Khorumshim sāhaida khalei phungrei hi ngahong ngasāhaora.’

CHAPCHĀT 1:10

Awui aman kasaka otyur saikora, yangkashena ngapaithuihaira; Mha, yurbingna awui kathara shimli kaikazang ana theihaira, nana nawui kakazipli mazangpāimara kaji athum chi.

EZEKIEL 16:39

Kala ina nali nawui leikashebingwui pāngli horsangmira, kala athumna nawui shungtit kahai kā kala khamasopambingli sākahai apam saikora athumna sākazamihaora, athumna nawui kashankachon eina sāri khamathāthā ngapaikhuida nali khamahong eina haira.

EZEKIEL 23:46

Kaja Proho VAREna hithāda hānga: “Rasākazammihaida mina yanglaga khangachee-khangachā sākhavai mi kachungkha khuirālu.

EZEKIEL 6:3

kala hithāda hānglu, Israelwui phungreibing nathum, Proho VAREwui tui nganālu! Proho VAREna phungreibing kala phungrābing, kongrābing kala tampākbingli hithāda kahāngna: Yanglu, I, I eina tangdanala nathumwuitungli raighai khuirāra, kala ina nathumwui kajujuipambing sākhaimiserhaora.

PĀNGMONSHI 26:30

Kala nathumwui khorum khavai kajuipam katathaida nganamkaphā hanphutla sākazamhaora, kala nathumwui kathingun meoma̱tungli ngashomda herhaira, kala imanglāna nathumli ningkachaira.

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

ZEPHANIAH 1:13

Athumwui otbing ngaponkhuihaora, kala athumwui shimla khikha masā khavai ngasāhaora. Athumna shim sālala chili athumna mapamara; athumna drakhā yāmgui vālala drakhāra̱ khamang masamphangmara.”