JEREMIAH 17:2 - Kathara Bible (BSI)

² anao ngarāna khamatek thingpam kachida kala phungrāton kajujui apambingli lāngmeida athumwui hanphut kala Asherimli khorumchinga.

JEREMIAH 17:2 Iomraidhean Croise

2 THOTRINCHĀN 24:18

Kala athumna avāva̱ ngarāwui Vare Prohowui shim horhaida, Asherim kala meoma̱bingli otram ngatha̱haowa. Morei hiwui vang Judah eina Jerusalemli Varena malungvāthaowa.

2 THOTRINCHĀN 33:19

Awui seihā kasā, Varena kathāda awui kapo khuisangmi, kala awui morei, mashitkasangwui pong, kala ana ning mangateiranglakha kajujuipam sakakā, Asherahli khokharum, meoma̱ sākakhui, saikora chi marānbingwui Thotrinchānli kapiserhaida lei.

2 THOTRINCHĀN 33:3

Kaja avāva̱ Hezekiahna pheitāmi kahai kajujuipam ana sakāluishita, kala Baalli khorum khavai hanphut sakai; ana Asherahbingla sākhui, kala kazingramli khalei zimik kachāng sirāli khorumda otram ngatha̱ya.

LAA 78:58

Kha athumwui kajuipambing sakāda china ali malung thuingasaka; athumna athumwui sākakhui meoma̱bing eina ali yuikashi mathuk ngasaka.

SHONGZĀ 34:13

Nathumna athumwui hanphutbing sākhaitālu, kala athumwui pākra̱bing sāteklu, kala athumwui Asherim sātekserhaolu.”

ISAIAH 1:29

Kaja nathumna ningmachānkasā shirimthing chiwui vang kakhayak samphangra, nathumna kapangkhui kahai yāmgui chiwui vang khayāmalāra.

ISAIAH 17:8

athumwui pāng eina sākakhui hanphut chili khayā mashimara; kala athumwui pāngmareng eina sākahai chili mayangluimara; Asherimranu lah nganamkaphāwui hanphutbingranu.

JEREMIAH 2:20

“Kaja nathumna nathumwui langkon sāshatta, nar kahaiwui eina shok kahai atam kasāngkhahaira; kala nathumna, ‘I otram mangatha̱luimara’ da hānga. Mha, kaphung kajuitung kachiva̱li, khamatek thingrongphei kachiva̱li khayorva̱ thāda khoruma.

JEREMIAH 3:23

Kachangkhatta kaphungtungli ithumna meoma̱li khorumkazat china ithumli mangachonmana. Kachangkhatta Israelwui huikhami hiya ithumwui Proho Varemangli lei.

JEREMIAH 3:6

Awunga Josiahwui atamli Prohona ili hānga: “Shitkasang makhaleiva̱, Israel, ana kajuiya phungrā kachiva̱wuitungli kālaga khamateka thingphei khaya̱li khayor otsak kasā chi na matheihaira?

JEREMIAH 7:18

Naongarāna thing phākhui, avāva̱ ngarāna mei sai, preiva̱bingna kazing philāva̱wui vang khamui nai; kala ili malung thuida malungvāt khavai athumna vare khangateili ra̱kharek kharektai.

EZEKIEL 20:28

Kaja ina ngashit kahai lam chili thānkhaung tharan, kaphung kajujui kala thingpompa̱ theikachida athumna pha̱kaphayā ot sāda machigat khangayili chigata, chili athumna nganamkaphā otyur riktāda ra̱shakchigat chigata.

KHALATLUI 12:2

Kachangkhat eina nathumna kashamshokki kaji yurbingna otram khangatha̱ athumwui varebing, kajuiya phungreili kala phungrābing, kala khamateka thingpheilila khalei apam saikora sākazamiserra;

WUNGVA̱-WUNGVĀ 3:7

Kala Israelwui mibingna Prohowui mangāli makhayā otsakmāng sai, athumwui Proho Vareli malaihaida Baal eina Asherothli otram ngatha̱haowa.