JEREMIAH 16:3 - Kathara Bible (BSI)

³ Kaja apam hili kapharā naobing, athumli pharākakhui ava̱va̱ kala avāva̱ ngarāwui pongli Prohona hithāda hānga:

JEREMIAH 16:3 Iomraidhean Croise

JEREMIAH 15:8

Yireiwui situile; ina athumwui ra̱meiva̱bing chungmei ngasakhaira; yaronnaobing yaronshaplakha chithitra, ava̱va̱ ngarāli khanang ngasakra. Khangachee-khangachā kashuirak eina ina athumwuitungli tāngasakra.

JEREMIAH 16:2

“Apam hili na ngalā makhuipaimara, naola mapharāpaimara.

JEREMIAH 16:5

“Kaja Prohona hithāda hānga: Wukhanangda khalei shimli mazangalu, machapngachaalu, masifarumalu; kaja mibing hiwui eina iwui chingri kahai, makhangachei leikashi kala lukhamashan athumwui eina khuishok kahaina da Prohona hānga.

JEREMIAH 16:9

Kaja Israelwui Vare saikorawui Prohona hithāda hānga: Yanglu, nathumwui miktāli kala nathumwui atamli, apam hili ringkaphākhon khamathānkhon, kala shakazā mayara eina ngalāva̱wui khamathānkhon tang ngasakhaora.

JEREMIAH 6:21

Chiwui vang Prohona hithāda hānga: yanglu, mibing hiwui vang pheingaphok khavai haimida, athumna chili ngaphokra; vānaongarā ngarumda, khongnainaola, ngasotnaola thitkha sāra.”

EZEKIEL 24:21

Israel shimkhurli ahānglu: Proho VAREna hithāda hānga: Yanglu, nathumwui lāngso khavai pangshap, mikwui khangayam kala nathumwui manglāna kakahao iwui kathara shim chi ina makhao ngasakta, nanao ngarā sha̱naola mayarnaola nothā kahaibing chi raighai eina chithitra.