JEREMIAH 12:4 - Kathara Bible (BSI)

⁴ Ngalei hina karankha sifafara, kala luiwui khawona thengfara? Chili okthuida khaleibingwui makhayāwui vang sābing kala vānaobingla yāmserhaira; khikhalajila mibingna, “Ithumna kasā hi Varena matheimara” da hānga.

JEREMIAH 12:4 Iomraidhean Croise

LAA 107:34

ngalei katumpam masāvaikapai khamararpam onngasaka, apam chili kapambingwui makaphāwui vangna.

LAA 50:21

Hikatha hi nathumna sāhaira, kala ina kasaikha pama, ila nathum kathā akhanada nathumna phaninga. Kha ara nathumwui mangāli kaphen khuishokta ina kakaharna.

ISAIAH 24:4

Okathuina chapngachāda thenghaowa, apuk-apagana ngazanhaida thenghaowa; kazingramla okathuili ngazanruma.

ISAIAH 24:6

Chiwui vang eina khonshātna okathuili shaisanghaira; kala chili okkathui saikora athumwui khayonkhamāngwui vang chotchānga; chiwui vang okathuili okthuida khalei saikora kāngthathaida mi kateokhamang taimaya.

JEREMIAH 12:11

Athumna chi ramcho sāngasakhaowa; ramchohaoda ili ngakaoda lei. Ngalei katonga ramcho sāngasakhaira, kha khipānakha ningli sakta makhuimana.

JEREMIAH 14:2

“Judahna chapngachāda awui ngaveili ngahuipama; awui mibingna chapngachāda ngaleili mashunzanga, kala Jerusalemwui khavaokhon shavāsera.

JEREMIAH 23:10

Kaja ngalei hi phokaphāna pema; khonkashiwui vang ngaleina sifay, lamhāngwui seihomphungla ngaikhokhaira. Athumwui otsak makaphāna, kala athumwui pangshap mamashungmana.

JEREMIAH 4:25

Ina yanga, kala yanglu mi akhala maleisāmana, kala khamasaili yongkazata vānaola yāmserhairasai.

JEREMIAH 4:28

Hiwui vang okathuina sifara, kazingram atungna zikra; kaja ina hāngkahaina, ina ngarān kahaina; ining mangacheiranga, chili lāngda I mangalanluimara.”

JEREMIAH 5:13

Marānbingla masi ngasāhaora, tui chi athumwui lungli maleimana; Athumli chithāda sāra!”

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

JEREMIAH 7:20

Chiwui vang eina Proho VAREna hithāda hānga: Yanglu, iwui malungkhavāt kala malungkathui apam hiwuitungli milila, sālila, luiwui thinglila, ngaleiwui theishirailila heirorra, china chuida khamit mavaimara.”

JEREMIAH 9:10

“Phungreibingwui vang vaoda chapngachālu; lamhāngwui seizātpamwui vang chapngachālu, khikhalajila chibing chi ramcho sāhaoda khipākhana mamakānvāmana, seikhonla mashāluimana, kazingli yongkazata vanaola, ramsāla yāmserhaira.”

JEREMIAH 9:9

Otsakbing hiwui vang ina athumli tandi mamingayimala? Hikathā yurli ina athut makhuingayimala?” da Prohona hānga.

HOSEA 4:3

Chiwui vang eina ngaleina chapngachai, kala chili kapam saikora ning thengchenghai; kala ngaleiwui sāyurbingla, khamasaili yongkazata vānaobingla chota; kala ngayiwui khaihbing eina tangda khuithuihaira.

JOEL 1:18

Sāna kathāda ringngākhala? Seishang kachiva̱ pa̱ngapāhaowa kaja seizāt maleithuwa; yaobingla khāsuthaowa.

AMOS 1:2

Kala ana hānga: “Prohona Zionwui eina khanganga, kala Jerusalemwui eina akhon vaowa; yaokahombingwui seihomphung sifaya, Carmel Kaphungton thenga.”

HABAKKUK 3:17

Khaorārongna awon mawonlala, drakhārongna mamatheilala olive heiun maunglala, luili zāt mashoklala, yaoshimli yao mazanglala, seishimli sei maleilala;

ZECHARIAH 1:12

Chieina Prohowui kazingrao china hānga, “O saikorawui Proho, nana zingkum hangshini malungvātrā kahai Jerusalem eina Judahwui keinungli atam karankha malumashanmimarakhala?”

ROMNAO 8:22

Sākhui kahai ot saikorana aja rāshungda nao khara̱wui kachot thada ringāda lei kaji ithumna thei.