JEREMIAH 12:3 - Kathara Bible (BSI)

³ Kha, nana ili katheina, O Proho, nana ili thei, kala nawui apongli ining tamyanga. Taithat khavai yaonao thāda athumli ngakhunshoklu, kala taithat khavai zimikshowui vang athumli ngateida hailu.

JEREMIAH 12:3 Iomraidhean Croise

2 WUNGNAOBING 20:3

“O Proho, arui kaphaningungmilu, ina kathāda nawui mangāli ningtongda shitsangtitlaga zathaira, kala nawui mikyanli khamathā ot chi sāhaira kaji.” Kala Hezekiahna panglāk eina chapa.

1 THOTRINCHĀN 29:17

Nana wuklung tamyangda mashungrik kahaili ningyangkhaung lei kaji ina thei, iwui Vare, ot saikora hi ina ningtongda kachigatna, kala hili khalei nawui mibing saikorana nawui vang mathanthathup eina kachigatna kaji ara ina theihaira.

JOBWUI LAIRIK 23:10

Kha ina kazat shongfa chi ana thei, ana ili chāng yanghaiakha I sinā thāda shokra.

LAA 11:5

Prohona khamashunga kala makhayālila tamyanga, kala amanglāna khangashaoli malungkachānga chili yangkharinga.

LAA 139:23

Kapeoyanglu O Vare, iwui wuklung theimilu! Chāng yangda iwui ninglan theimilu!

LAA 17:3

Iwui ning nana chāng yanglala, ngayāshong nana ili rāyanglala, nana ili tamyanglala, makaphā masamphangmara; ikhamor eina khalāng masāmana.

LAA 26:1

Ili mashun hāngsangmilu, O Proho, kaja ina iwui ningsā khangazip alungli zata, kala ina mangacheilakla Proholi shitsanga.

LAA 7:9

Iyavo, makaphābingwui zakkashi chi tanghaoranu, kha khamashungbingli nana sākāmilu. ning kala wuklung tamkhayanga, na khamashunga Varena.

JEREMIAH 15:15

“O Proho, nana katheina; ili phaningungda ngachonmilu, kala ili rekakharekbingli iwui vang athut khuimilu. Nana khāngkatheiwui alungli ili makhuithuimilu; namingwui vang ina miwui malungkhavāt samkaphangna kaji katheimilu.

JEREMIAH 17:16

Makaphā chihorā khavai ina nali marengmana, kalāshāt rākhavai atam ina ningkachāngla maningmana, nana katheina, ikhamorwui eina kashok namangāli leihairasai.

JEREMIAH 17:18

Ili rekakharekbingli maishi ngasaklu, kha ili mamaishi ngasakalu; athumli ning khanang ngasaklu, kha ili ning makhanang ngasakalu, kalāshāt atam chi athumli khuirāmilu; athumli khani shida chotchāngranu!

JEREMIAH 20:12

O saikorawui Proho, khamashungli tamkhayanga, wuklung kala ningla katheiya, athumwuitungli nawui athut kakhui ili theingasakmilu, kaja nali iwui ngalang chi ina horsangchao kahaina.

JEREMIAH 48:15

Moab kala awui keinungbing sākakhaiya chi rāhaira, kala awui pangmeikap kaje yaronnaobingli sāthatngakanhaira da Awunga, saikorawui Proho kaho china hānga.

JEREMIAH 50:27

Awui seivā saikora sāthatserhaolu, athumli sā sāthat khavaipamli khuitālu. Athumli kakhanang ngasāranu, kaja athumwui zimiksho rāhaira, tandi khami atam.”

JEREMIAH 51:4

Athumna Chaldea ngaleili pitāra, chānreili khamā za̱ra.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

JAMES 5:5

Okathuili ringphālak eina sākhangangai sāda nathum okthuihaira. Taithatki kaji zimikshowui vang nathum khalatta uimathaohaira.

2 PETER 2:12

Athum hiya ning makazang ramsā rengkhuilaga sāthat khavai pharā kahai sāyur kathāna. Athumna matheikharar chili zeilaga hāngphāphā kajiwui vang sāyurbingwui kashimān thada athumli shimān ngasakra.