JEREMIAH 12:2 - Kathara Bible (BSI)

² Athumli nana lingsangda angayung sa̱khui; athumna reisang mamānda atheila mathei; nana athumli nganailak eina ngazeka, chithālala athumwui ninga katāva̱li lei.

JEREMIAH 12:2 Iomraidhean Croise

JOBWUI LAIRIK 24:12

Keinung ayarli thikida khaleibingna ringngai, kala khamā kaza̱bingwui manglāna khangachon poi; chithālala Varena athumwui seihā kasā mashāmimana.

JOBWUI LAIRIK 5:3

Mangkhama̱na angayung sa̱kakhui I theihaira, kha kashuirak eina ina awui pamkhavaili khonshiya.

LAA 37:35

Makaphaa mina hennā kahai ina theihaira, kala Lebanonwui cedarthing mashonshei kahai thai,

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

JEREMIAH 11:17

“Nathumli lingkasang saikorawui Prohona, Israel eina Judahwui shimkhurna makaphā kasāwui vang, Baalli nganamkaphā riktāda ili malung thuikhangasakwui vang nathumli makaphā makhamayā vaoshokhaira.”

JEREMIAH 3:10

Saikora hi thatheilaga makhamashungva̱ achināva̱ Judahna ili ningtongda malatungmana, kha sākhaninga, da Prohona hānga.”

JEREMIAH 45:4

Nana ali hithāda hāngra, Prohona hithāda hānga: Yanglu, ina sakā kahai chi ina pheitāra, kala ina lingsang kahai chi ina phurshokra— chiya, ngalei katonga china.

EZEKIEL 33:31

Mibingwui thāda athumnala rai kala nana kahāng chi nganākhui, kha kasāva masāmana; khamorle leikashi tui kachungkha hānga, kha alungshonga khalatta tongzā khavaimāng sai.

HOSEA 7:14

Athumna ili wuklung eina mangakaomana, kha athumwui pettungli chapama; kashakazā eina zamwui vang athum khalatta rimkazama, athumna ili ngakaishi.

HABAKKUK 1:13

Makaphā yangkhavaili lāngda mathingkhamei mik, khanguili mayangkatheia, khisāda shitkasang makhaleia mili yangrakhala, kala makaphā makhayāna mashungkhamei mili mayuikatā tharan khisāda kasaikha pamhao?

MATTHEW 15:8

‘Mibing hina morchai eina ili khayāshiya, kha athumwui wuklung iwui eina katāva̱li lei;

MARK 7:6

Ana athumli ngahānkai, “Marān Isaiahna phākakhaning nathumwui pongli mashungda marānmi, kaja hithada kapihaida lei: ‘Mibing hina ili morchai eina khayāshiya, kha athumwui ning iwui eina katava̱li lei;

TITUS 1:16

Athumna Vareli thei da hānga, kha athumwui otsakva chili mamayāmana. Athum hiya kaphā ot sākhavai matik makachā, yangkharingkapai kala kahāng makhanganābingna.