JEREMIAH 10:8 - Kathara Bible (BSI)

⁸ Athumva mangkhama̱, kala wurkazomānga; meoma̱bingwui tamkachithei chiya khikha makhaning thingna!

JEREMIAH 10:8 Iomraidhean Croise

LAA 115:8

Athumli sākakhuibing chi athum tākamhai; chili shitkasangbingla chipapama.

LAA 135:18

Athumli sākakhuabing chila athum tharanu! mha, athumli shitkasanga kachiva̱.

ISAIAH 41:29

Yanglu, athum amahāmānga, athumwui otsak khikha maning; semkakhui meoma̱ chi khamasai masi kathā mānga.

ISAIAH 44:18

Athumna matheimana, theikhavai kaphāla maphāmana; kaja mathei khavai ana athumwui mik sāphinmihaowa, kala bhap tākhui khavai ning shungmihaowa.

ISAIAH 44:19

Khipākhala machukmaja̱mana, aworla maleimana, theikhavaila maphala, “Tangkhai ina meili riklaga chiwui meithātungli khamuila, sāla ruishaihaira, kala chiwui ajui-arui china ningkakachaiya sāvaisila? Thingum akhali ina ngakhumsangda khorumrala?” da kahāngla maleimana.

JEREMIAH 10:14

Mi kachiva̱ mangma̱haida theikhuikathei maleimana; sinā kasaa kachiva̱li awui meoma̱wui vang khayak ngasaka, kaja, awui ama̱bing chi makhamashungana, kala athumwuili khaksui maleimana.

JEREMIAH 2:27

thingrongli, ‘Na ishāvāna’ kajibing, ngalungli ‘Nana ili pharai’ kajibingna. Kaja athumna ili khanuk eina ngareimi, amai eina mayangmana. Kha athumwui kakhanang atamli, ‘Ngakarthuida rāhuimilu!’ da hānga.

JEREMIAH 3:9

Khikhalajila khayorwui otsak hi awui vang kapai ot sāthuihaoda, thing ngalungli ngashāmzatta ngalei hi ana sāmakhao kahaina.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 5:4

Chieina ina hānga, “Athum hiya kachāmabingna, athum ning makhaleibingmānga; kaja athumna Prohowui apong kala Varewui ain matheimana.

HOSEA 4:12

Iwui mibingna thingwui otli ngahāna, kala athumwui khāmshuina ngahānkāmi. Kaja khayor otsakwui manglāna athumli thānnguihaowa, kala khayorwui otsak sākhavai athumwui Vareli chihohaowa.

JONAH 2:8

Makānkhanā meoma̱li khayākashibingna athumli machihānluimana.

HABAKKUK 2:18

Kasemana sākakhuia, mariwui kakapika meoma̱ chi khi kannākhala? Kaja themkathema ana sākakhui khak makashoka awui pāngotli chihāna.

ZECHARIAH 10:2

Kaja Teraphimna makakachanga tui matui, kameo khangasobing kapika, mang katheibingna kakapikmāng hānga, ninglum khavai hangphāphai. Chiwui vang eina mibingna yao thāda ma̱zata, yaokahoma maleithuda athumna khananga.