JEREMIAH 10:7 - Kathara Bible (BSI)

⁷ Nali khipāna mangacheemarakhala, O yurbingwui awunga? Kaja hi nawui ngamna; kaja yur saikorawui thangkhamaingwui alunglila kala athumwui wungram saikorawui alunglila, nakathā maleilakmana.

JEREMIAH 10:7 Iomraidhean Croise

2 WUNGNAOBING 17:39

kha Proho nathumwui Vareli ngacheelu; kala yangkashibingwui eina ana nathumli kanmira.”

1 THOTRINCHĀN 16:25

Kaja Prohova hakmahālaka, khayāshilak eina khorumphalungra; vare saikorawuitungli Ali ngacheerang phaningra.

ESTHER 1:13

Chieina atam katheia thangkhameibingli awungana ngasana— kaja ain kasing kala mashun khaleibingli khangasan hi awungawui khangachāna,

LAA 147:5

Ithumwui Proho reikhamataiana, pangshapla mavātmana; awui theishingkakhui ngashānla machaomana.

LAA 22:28

Kaja khamungla Prohowuina, kala ana miyurbingwuitungli mungra.

LAA 47:3

Ana mibingli ithumwui azingli hamsang ngasaka, kala ithumwui pheizingli yurbing hamsang ngasaka.

LAA 72:11

Awungabing saikora ali khorumranu, miyur saikorana ali otram ngatha̱ranu.

LAA 76:7

Kha nava sāshikachangkhata! nawui malung thuikahai tharan, namangāli khipāna nganinglengra?

LAA 86:8

Nakathā Vare varebingwui alungli maleimana O Proho, nawui otsak kathāla maleimana.

LAA 86:9

Nana sākahai miyur saikora nawui mangāli rāda rākhorumra, O Proho, kala naming sochikatra.

LAA 89:6

Kaja kazingli Proholi ngaheokapai khipā lei? kazingli khaleibing Proho kathā khipā lei,

SHONGZĀ 8:10

Ana hānga, “Akhama.” Mosesna hānga, “Nawui kahāng chi shokranu, chieina Proho ithumwui Vare kathā khangatei maleimana kaji nana theikhuira.

SHONGZĀ 9:14

Ajawui hile I kathā okathuili maleimana kaji theikhavai, nali, nawui otshinabingli kala mi saikorawuitungli kachotkachāng rāngasakra.

ISAIAH 2:4

Yurbingwui ngachaili ana bichar sāmira, kala miyur kachungkhawui vang tuikup khuirāmira; kala athumwui raighai tin sākhuihaora, kazei chi khainao sākhuihaora; miyur akhana yur khangatei akhali rai masāmara, rai khavā kaho matamluimara.

JEREMIAH 10:6

O Proho, na kathā khipākha maleimana; nava hakkhamahāna, kala namingva pangshap leilaka.

JEREMIAH 5:22

Nathum ili mangacheemala? da Prohona hānga; iwui mangāli nathum makathirmala? Ina shamadruwui vang da situi eina makhangacheiya thari sāmi, tara̱na kapheshoklala athumna mayuirarmara; tara̱na ngaphaolala, china makānshokrarmara.

DANIEL 2:27

Danielna awungali ngahānkai, “Awungana khangahān matheikharar chi hāngmikashap thangkhama, khanong, laivā kathem mi maleimana,

DANIEL 2:28

kha ngathum kahai hāngmikashap Varivara akha kazingramli lei, kala ana Awunga Nebuchadnezzarli naoda rāshokki kaji chitheimihaira. Nana pida leilakha nawui kala mahākhami chi hina:

HABAKKUK 3:2

O Proho, ina nawui pao shāhaira, kala O Proho, nawui otsakli ngachee. Zingkumbingwui alungli shokngasakmiluishitlu; zingkumbingwui alungli chitheimiluishitlu, malungkhavāt tharan khalumashanmilu.

ZECHARIAH 2:11

Kala chithang yur kachungkhana Proholi rāngarumra kala iwui miyur ngasāra; kala ina nathumli ngasopamra, kala saikorawui Prohona nathumli ili chihokharāna kaji nathumna theira.

MALACHI 1:11

Khikhalajila zimik kashok eina thuilaga katun eina tangda yurbingwui ngachaili iwui ming hakkhamahāna, kala apam kachida nganamkaphā thao chi iwui mingli chigata, kala kathara kachigat mi; khikhalajila yurbingwui ngachaili iwui ming hakkhamahāna da saikorawui Prohona hānga.

LUKE 12:5

Kha khipāli ngacheerakhala kaji ina chitheira; chiya, shaothathailaga meifali horsangkashapwui pangshap khalei a chili ngacheelu, mha, ina nathumli kahāngna, ali ngacheelu.

1 CORINTHNAO 8:6

ithumwui vanga saikora Kasā Akhava, Avāva̱ Varivara akhamānga kala awui vang ithum kharingna; kala Proho akhamānga, chiya Jishu Khristana, awui mangā eina ot saikora kasāsera kala awui mangā eina ithum kharingna.

JOSHUA 4:24

chithāda sāda okathuiwui mi saikorana Prohowui pāngwui pangshap hakkhamahā chi theira; chieina nathumna Proho nathumwui Vareli ngacheechingra.”

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

PHONGKHAMI 15:4

Khipāna namingli mangacheera kala matekmatei ngasakrakhala, O Proho? Khikhalajila namāngna katharana. Yur saikorana rāda nali rākhorumra; kaja nawui mashun bichar theiserhaira.”