JEREMIAH 10:4 - Kathara Bible (BSI)

⁴ Mibingna chili lupasā kala sinā eina heirora; mangatha̱ khavai athumna chi yāmkarnao eina yotpi shaoshāntithai.

JEREMIAH 10:4 Iomraidhean Croise

LAA 115:4

Athumwui varebingva sinā lupāsāna, miwui pāng eina kasāna.

LAA 135:15

Miyurbingwui varebingva pāng eina sākakhui lupāsā eina sinana.

ISAIAH 44:12

Mari kasā mina meithātungli sai; yāmkār singda pāngthei katinglaga shaowa, ana thaida yāng maleithuwa, tara̱ mamangthuda vānhaowa.

ISAIAH 46:6

Lupākhaowui eina sina pāngtongda khuikashokbing, kala lupāsa tamkhavaili onkashok bingna; sina kasā mili masākhui kala ana vare akha sākhui; chiwui thili athumna ngakhumshāmhaida khoruma!

ISAIAH 46:7

Chi athumna yartuili khāngkāda ngava̱zata, athumna chi awuipamli khāngkhaninghai, kala china chili nganinga; chiwui eina ana mangatha̱luipaimana. Akhana ngakaolala, mangahānkāmana kala awui kakhanangwui einala mahuimirarmana.

HOSEA 13:2

Kala ara athumna morei chungmeida sākhangai sai, athum khalattawui vang meoma̱ sākhui, themlak eina lupāsā eina meoma̱ sākhui, saikora chi them kathembingwui pāngotna. Hibingli pha̱phayālu da athumna hānga, mibingna seinaobingli maya̱ya.

HABAKKUK 2:19

Thingwui otli, Mathuklu; khak makashok ngalungli, Ngakarthuilu! kaji mi chi kalākashi ngasāranu! Hina phongmishaprala? Yanglu, chi sinā kala lupāsā eina heirora, kala chili khaksui maleimana.