JEREMIAH 10:3 - Kathara Bible (BSI)

³ kaja mibingwui ngashan chi khanguina. Ngahongwui thing akha ta̱tekhuilaga pāngthem kathemana ngahā eina sākhui.

JEREMIAH 10:3 Iomraidhean Croise

LAA 115:4

Athumwui varebingva sinā lupāsāna, miwui pāng eina kasāna.

ISAIAH 45:20

“Nathum khalatta kazipkhuilaga rālu, rānganaingarumlu, miyurbingwui thinengbing! Athum theikhuikathei maleimana, thing meoma̱ phungkazatabing athum, kala mahuimikharara meoma̱ chili khorumpama.

JEREMIAH 1:16

Kala athumna ili horkahaiwui makhayā saikorawui vang ina athumwuitungli iwui bichar hāngmira; athumna khangatei varebingli nganamkaphā ot riktai, kala khalattawui pāng eina sākakhui otli khoruma.

JEREMIAH 10:8

Athumva mangkhama̱, kala wurkazomānga; meoma̱bingwui tamkachithei chiya khikha makhaning thingna!

JEREMIAH 14:22

Yurbingwui makhamashunga varebingwui ngachaili kazing romishapa khipā lei? Lha kazingramna zingrot romishapla? A chi na maningmalā, O Proho ithumwui Vare? Ithumna nali chihāna, kaja ot saikora hi nana sai.

JEREMIAH 16:19

O Proho, iwui pangshapa kala iwui ngayin khavaipam, kakhanang atamli iwui ngayin khavaipam, okathui vākatangwui eina yur kachiva̱na nali rāhāngra: “Ishāvā ngarāna kakapik maningla khangatei akhala mamathuisanghaimana, makankhanā tongkazā makhalei otmānga.

JEREMIAH 2:5

Prohona hithāda hānga: “Nashāvā ngarāna ili khi khayon samphanghaoda iwui eina katāva̱li thui kahaikhala, kala makānkhanāli shurzatta makankhanā sathuihaokhala?

PĀNGMONSHI 18:30

“Chieina ina hāngkahai hi haichingda nathumwui mangāli sākasā thāda hikathā ningkachaikapai ot eina nathum khalatta masākhamāng ngasakluilu: I Proho nathumwui Varena.”

MATTHEW 6:7

“Nathumna seihā kasā tharan Gentilebingna tuicho sorngasaida kakhor thada masaalu, kaja tui kachungkha kahāngwui vang shāmira da athumna phaninga.

OTSAK 19:26

Ara Paul kaho mipa hina khi sādalei kaji nathumna kathei kashā samphanghaira. Pāng eina sākakhui vare chi vare maningmana da Ephesusmāngli maningla Asia ngalei saikorali tamchitheida kachungkhali yuikhuihaira.

ROMNAO 1:21

Kachiwui vangkhala kaja athumna Vareli thatheilaga ali Varelaka da khayāmashimana kala ningkashila mamimana, athumna phaningphāphā machukphāphāda athumwui ninglila mashun-makhui maleithuwa.

1 PETER 1:18

Nathumli navā ngarāwui eina shākhuikhamaron khikha masākhavai mirinwui eina ngatangkakhui chi shimānkapai sinā lupā eina maningmana kaji nathumna thei,