JEREMIAH 10:1 - Kathara Bible (BSI)

¹ O Israelwui shimkhur, Prohona nathumli kahāng tui chi nganālu.

JEREMIAH 10:1 Iomraidhean Croise

1 WUNGNAOBING 22:19

Micaiahna hānga, “Chiwui vang Prohowui tui nganālu: Prohona wungpamkhongli kapam ina thei, kala kazingramwui mi ashangva̱, saikorana uishong yāshong kuimareida khanganing chi thei;

LAA 50:7

“Nganālu, O iwui yurbing, chieina ina hāngra, O Israel, ina nawuitungli hāngphatra. I Vare, nawui Varena.

ISAIAH 1:10

Sodom ngalei khamunga nathum! Prohowui tui nganālu, Ithumwui Varewui hāngkachithei nganālu, Gomorrahwui mibing nathum!

ISAIAH 28:14

Chiwui vang eina mashātkatheibing, Jerusalemwui mili khamungbing! Prohowui tui nganālu.

ISAIAH 40:18

Chithakha Vareli khi eina pāntampaira, lah khi ngaraikachā chānsam eina ngaheopaira?

ISAIAH 44:6

Proho, Israelwui Awunga kala awui Ngatangme, saikorawui Prohona hānga: “Ina kharena kala ina khanaoana; ili lāngda vare katei maleimana.

JEREMIAH 10:2

Prohona hithāda hānga: “Yur kateiwui acham masha̱khuialu, kala kazingramwui machut chili ningmasuitaalu, khikhalajila yurbingna chi theida ningsuitai,

JEREMIAH 2:4

Prohowui tui nganālu, O Jacobwui shimkhur, kala Israelshi shimkhur saikora.

JEREMIAH 22:2

Davidwui wungpamkhongli kapama O Judahwui awunga, raobing kala ngavei eina kazanga saikora Prohowui tui nganālu, da hānglu.

JEREMIAH 42:15

Prohowui tui chi nganālu, O Judahwui shākkahaibing. Israelwui Vare, saikorawui Prohona hithāda hānga: ‘Nathumna Egyptshong ngareithuida chili apamra jiakha,

JEREMIAH 9:26

Chibing chiya, Egypt, Judah, Edom, Ammonwui naomayarabing, Moab kala siwukpheili khalei kui sikatābing saikorana. Kaja miyur saikora hi ahui marimkashokbingna, Israelwui shimkhurla wuklungli ahui marimshokmana.”

HOSEA 4:1

Prohowui tui nganālu, O, Israelnaobing! kaja Prohona ngalei chili kapam mibingli mamayākhangai lei. Shitkasang katong kala lumashankathei maleimana, kala ngalei chiwui alungli Vareli kathei maleimana;

AMOS 7:16

Chiwui vang eina Prohowui tui chi nganālu; Israelli makhamayā mamarānalu, kala Isaacwui shimkhurli makhamayā pao mahāshokalu da nana hāngdalei!

1 THESSALONICANAO 2:13

Khiwui vang eina ithumna atam kachida Vareli ningkashi khamikhala kajiwui apong khangateila lei. Ithumna nathumli Varewui paokaphā khuikharā tharan nathumna nganai kala miwui chānpao maningla Varewui chānpaolaka da kakhuila khuisanga. Kaja shitkasanga nathumwui alungli Varena ot sāda lei.

PHONGKHAMI 2:29

“Manglāna churchbingli kahāng chi khanā kakaa a china nganākhuira̱nu!