JEREMIAH 1:8 - Kathara Bible (BSI)

⁸ Athumli mangacheealu, kaja nali kanmi khavai ina nali ngasomida lei da Prohona hānga.”

JEREMIAH 1:8 Iomraidhean Croise

SHONGZĀ 3:12

Ana hānga, “Ina nali ngasomira: kala nali ina kachihona kaji hieina theikhuira: Egyptwui eina athumli thānkashok tharan, Vareli nathumna phungrei hili otram ngatha̱ra.”

ISAIAH 43:2

Nana tara̱lungli zatlala ina ngasomira, kongli kānlala makheithuimara; meitungli zatlala machuimara, meiwonna machuitārarmara.

ISAIAH 51:12

“Nathumli ringpha khangasaka chi ina; thikapai mibingli khangachee, kala khawo thāda sākhui kahai miwui naomayarabingli khangachee,

ISAIAH 51:7

“Khangarong kathei nathum, ili nganālu, wuklungli iwui ain khalei mibing, miwui kakhararli mangacheealu, kala athumwui khamashātli ning masuitaalu.

JEREMIAH 1:17

Kha na, shānneira̱ neikhuilu; ngakarthuilu, kala ina kakaso kachiva̱ hi athumli hānglu. Athumna nali ning masuitā ngasakaranu, maningakha inala nali athumwui mangāli ning suitā ngasakpaishina.

JEREMIAH 1:19

Athumna nali ngararra; kha nali mayuimara, kaja ina nali ngasomida lei da Prohona hānga.”

JEREMIAH 20:11

Kha Proho, rai kapinga thāda iwui ngalemli ngasozatta lei; chiwui vang ili rekakharekbing athum phei ngaphokta ili mayuirarmara. Athum maishilākhaora; kaja athum mayuithukmara. Athumwui katang makhavai khayā khamalā chi mamalairarlakmara.

JEREMIAH 30:11

Kaja nathumli huimi khavai ina ngasomida lei; da Prohona hānga; Nathumli ina yaovā kahai yur saikora chili shimānchao ngasakhaora, kha nathumli mashimānchao ngasakmara. Ina nathumli ngarakzak kahai mashun eina machinra; mikhangayi tandi mira.”

JEREMIAH 39:11

Jeremiahwui pongli Babylonwui awunga Nebuchadnezzarna khamayonawui akhavā Nebuzaradanli kasoda hānga,

JEREMIAH 42:11

Nathumna khangachee Babylonwui awungawui vang mangangalu; ali mangacheealu, da Prohona hānga, kaja awui pāng eina kanmi khavai kala ngatangmi khavai ina nathumli ngasomida lei.

DANIEL 3:17

Chithasalala, ithumna otram khangatha̱a Varena khamalinga meifawui eina ithumli kanmishapa, O awunga, napāngwui eina ana ithumli kanmira.

DANIEL 3:25

Ana hānga, “Kha mi mati meilungli yaothuikazat theili, athumli sākaza̱ maleimana, kala khamatepa chi yangakha varebingwui naomayara thai.”

MATTHEW 10:26

“Chiwui vang eina athumli mangacheealu; kaja maphongshokmara da faror kahai khikha maleimana, lah matheiki kaji ngathum kahai khikha maleimana.

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

OTSAK 18:10

kaja ina nali ngasomida lei, nali khipānakha ka̱lā mashingasakmara, kaja keinung hili iwui mi kachungkha lei.”

OTSAK 26:17

Ina nali Israel yurwui eina kala Gentilebingwui eina kanmira.

OTSAK 4:13

Hangva̱naobingna Peter eina Johnwui kaping chi theilaga kala ani lairik makatama mina kaji phaningvālaga matakhakhaowa. Chieina ani Jishuli ngasosai kaji athumna theikhui.

OTSAK 4:29

Ara, Proho, athumwui khamachit hi nana yangmida, nawui raobingli malung pinglak eina nawui tui matui ngasakmilu.

EPHESIANAO 6:20

Ina phātop kazanga mi ngasāsālala, paokaphā hiwui paokazatana. Ina hāngphalungki kaji Paokaphā hi pinglak eina matuishap khavai seihā sāmilu.

KHALATLUI 31:6

Pingmeida malung zangmeilu, athumli mangacheealu lah ningla machipālu, kaja Proho nathumwui Varena nathumli ngasomida lei; ana nathumli masākhami maleimara lah horkahaila masālakmara.”

KHALATLUI 31:8

Prohona nathumwui mangāli rizatmiki kajina; ana nathumli ngasomira, ana nathumli masākhami maleimara lah horkahaila masālakmara; mangacheealu lah ningla masuitāhaialu.”

JOSHUA 1:5

Nawui mirin peida nawui mangāli khipānakha mangasungrarmara; ina Mosesli ngasokhami thāda nalila ngasomira; chieina ina nali machihomara kala mahorhaimara.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”