JEREMIAH 1:3 - Kathara Bible (BSI)

³ Kala Judahwui awunga Josiahwui naomayara Jehoiakimna khamung atam eina thuida Judahwui awunga Josiahwui naomayara Zedekiahna mungda tharādakhare kum makupranglakha, kala kachāng kaphangāli Jerusalem matukkhuiranglakha rāhānga.

JEREMIAH 1:3 Iomraidhean Croise

2 WUNGNAOBING 23:34

Pharaoh Necona Josiahwui nao Eliakimli avāva̱wui pamli awunga sanglaga aming Jehoiakim da ngacheimihaowa. Kha Jehoahazli Egyptli tukvāhaida chili athisanghaowa.

2 WUNGNAOBING 24:17

Kala Babylon awungana Jehoiachinwui avāgato Mattaniahli awunga sangasaklaga awui ming Zedekiah phokmi.

1 THOTRINCHĀN 3:15

Josiahwui naomayarabing: Johanan naochizaina, kakhane Jehoiakim, kakathuma Zedekiah, khamate Shallum.

JEREMIAH 1:4

Prohowui tuina ili hithāda hānga,

JEREMIAH 34:1

Babylonwui awunga Nebuchadnezzar kala awui raimi katongana kala awui azingli khalei wungram saikorana kala mibing saikorana Jerusalem kala chiwui keinung saikorali rai sāda leilakha Prohowui tui chi rāhānga:

JEREMIAH 35:1

Josiahwui naomayara, Judahwui awunga Jehoiakimwui thotli Prohowui eina tui chi Jeremiahli rāhānga:

JEREMIAH 36:2

“Lairik akhalui akha khuilaga, Israel, Judah kala miyur saikorawui pongli ina hāngkahahai saikora chi, Josiahwui atam eina thuida aja rāshungda ina hāngkahai saikora chi kapikhuilu.

JEREMIAH 39:2

Zedekiahna khamung zingkum tharāda akhawui kachāng khamatewui zimiksho kachikothang, keinungwui alungli sākhaizanghaowa.

ZECHARIAH 7:5

“Ngalei chiwui mi saikora kala pāngmon saikorali hānglu, Nathumna kachāng kaphangā eina kashineli zingkum hangshini khumda kachap chi, iwui vangla?

ZECHARIAH 8:19

“Ashangva̱wui Prohona hithāda hānga: Kachāng khamatewui kakhum, kala kaphangāwui kakhum, kala kashinewui kakhum, kala katharāwui kakhum chi, Judah shimkhurwui vang ringkaphā, khamathān kala ningngai khamathāwui zātkhān sāra; chiwui vang eina khamashung kala chingri kahaili leishilu.”