JEREMIAH 1:16 - Kathara Bible (BSI)

¹⁶ Kala athumna ili horkahaiwui makhayā saikorawui vang ina athumwuitungli iwui bichar hāngmira; athumna khangatei varebingli nganamkaphā ot riktai, kala khalattawui pāng eina sākakhui otli khoruma.

JEREMIAH 1:16 Iomraidhean Croise

2 WUNGNAOBING 22:17

Khikhalajila athumna ili malaihaida vare khangateili nganamkaphā thao riktālaga athum pāng eina sākakhui saikora china ili malungvāt ngasakhaira; chiwui vang apam hili iwui malung kakang masuitāluimara.

2 THOTRINCHĀN 15:2

ana Asali angaroklaga hānga, “Ili nganālu, Asa, kala Judah eina Benjaminshila: Nathumna Proholi ngasolakha eina tangda anala nathumli ngasomira. Nathumna ali phaakha ali samphangra; kha nathumna ali malaihaiakha anala nathumli malaihaora.

2 THOTRINCHĀN 28:2

kha Israelwui awungabingwui apongli zata. Baalwui meoma̱ eina tangdala sākhui;

2 THOTRINCHĀN 34:25

Kaja athumna ili horhaida yur khangateiwui vareli nganamkaphā riktai; athumwui otsak saikora china ili malungvāt khangasak chiwui vang iwui malungkhavāt apam hili heitāda chi khavān mavaimara.

2 THOTRINCHĀN 7:19

Kha ina nali mikahai iwui shiyan kala ningkhami mamayonla thuihaida vare khangateili khorumhaiakha,

ISAIAH 2:8

Athumwui ngalei meoma̱na pemtinghai; athumwui pāng eina sākakhui, pāngmareng eina sākhui kahai ot chili athumna ngakhumsangda khoruma.

ISAIAH 37:19

Kala athumwui varebing meili horsangmiserhaira; kaja chibing chiya varebing kachangkhat maningmana, kha mina sākakhui thing ngalungna, hiwui vang saikora chi sākazam kahaina.

ISAIAH 44:15

Chiwui thili chi miwui vang meithing sāngasaka, ana chi ngayarda mei sālaga lumkhuida khamui sai; ana varebingla sākhuida chili khoruma; meoma̱la sākhuida ngakhumshām eina khoruma.

ISAIAH 65:3

Iwui miktāli thangkachida ili malung thuingasakchingda yāmguili pha̱kaphayā, chektungli nganamkaphā thao rikkatā miyurna;

JEREMIAH 10:15

Athum chi kānkhanā makhalei mangshong eina sākakhuina. athumli tandi khami atamli athum shimānhaora.

JEREMIAH 10:3

kaja mibingwui ngashan chi khanguina. Ngahongwui thing akha ta̱tekhuilaga pāngthem kathemana ngahā eina sākhui.

JEREMIAH 11:12

Chitharan Judahwui keinungbing kala Jerusalemli khaleibing athumna nganamkaphā rikkatā varebing chili ngakaora, kha athumwui kakhanang atamli athumna mahuimirarmara.

JEREMIAH 11:17

“Nathumli lingkasang saikorawui Prohona, Israel eina Judahwui shimkhurna makaphā kasāwui vang, Baalli nganamkaphā riktāda ili malung thuikhangasakwui vang nathumli makaphā makhamayā vaoshokhaira.”

JEREMIAH 15:6

Nathumna ili makhuisangmana, yāmkhangai yāma da Prohona hānga, chiwui vang nali mamayāmada ipāng katingshokta nali shimān khangasakna;— Ina yangmisānhaira.

JEREMIAH 16:11

chitharan nana athumli hithāda ngahānkāra: Prohona hānga, ‘Khikhalajila nashāvā ngarāna ili horhaida vare khangateibingwui thi shurthuihaowa kala otram ngatha̱da athumli khoruma, kala ili horchaohaida iwui ainla mamayonmana,

JEREMIAH 17:13

O Proho, Israelwui kachihāna, nali horkahaibing maishi ngasakra; nawui eina ngareithui kahaibing chi okathuiwui mishānli yisanghaira; kaja kharing tara̱wui ura̱, Proho chili athumna horhaowa.

JEREMIAH 18:15

Kha iwui mibingna ili malaihaira; athumna makhaninga varebingli nganamkaphā riktai; achālakhawui shongfabing chili athum phei ngaphokhaowa, chānrei horhaida shongchonli thuihaowa.

JEREMIAH 19:4

Khikhalajila mibingna ili horhaowa, avāva̱ ngarāna makathei, Judahwui awungabingna makathei kala athum eina tangda makathei varebingli nganamkaphā ot riktāda apam hi sāmakhaohaira; khiwui vangkhala kaja khayon makhalei miwui asheena apam hi pemhaira.

JEREMIAH 2:13

Kaja iwui mibingna makaphā khani sāhaira: longkazata tara̱ khame ura̱ ili malaihaowa, kala mangarungki kaji ra̱khong athumna khonkhui.”

JEREMIAH 2:17

Ana nali apong chili thānkazat tharan, nawui Vare Proholi malaihaida nathum khalattawuitungli hi khuikharā maningmala?

JEREMIAH 2:19

Nathumwui makhayāna nali machinra; kala nawui shitkasang kahat china nali machinra. Nawui Vare Proholi horkahai hi nawui vang makaphā kala kakhā otna kaji yangda theikhuilu; ili khangachee nathumwui alungli maleimana,” da saikorawui Proho VAREna hānga.

JEREMIAH 2:28

“Kha nathum khalattana sākakhui varebing chi kali leili? Nathumwui kakhanang atamli, athumna shapakha, athum ngakarthuiranu; O Judah, nathumwui keinung chiyākha khalei thāda nathumwui varebingla ngayāda lei.

JEREMIAH 4:12

pangkhanā masi iwui vang eina phankharāna. Ara athumwuitungli bicharli khamatuia chi ina.

JEREMIAH 4:28

Hiwui vang okathuina sifara, kazingram atungna zikra; kaja ina hāngkahaina, ina ngarān kahaina; ining mangacheiranga, chili lāngda I mangalanluimara.”

JEREMIAH 44:17

Kha ithumna khangashit sākahai chiwui athishurda sāra, kazing philava̱li awui vang nganamkaphā otyur riktāra, rashakchigat pha̱ra, ishāvā ngarāna kala ithumna, ithumwui awungabing eina wungnaobingna Judahwui keinungli, Jerusalemwui chānreili sākasā chithāda kasawui vang kashakazāla kachungkha leida mataisanga, kalākashila khikha matheimana.

JEREMIAH 5:29

“Hiwui vang athumli ina tandi mamimarala? Hikatha miyur hili ina athut makhuingayimala? da Prohona hānga.

JEREMIAH 5:9

Otsakbing hiwui vang athumli ina tandi mamimarala? da Prohona hānga, kala hikathā yurli ina athut mahāngsangngayimala? da Prohona hānga.

JEREMIAH 51:17

Mi kachiva̱ mangkhama̱mānga, thangkhamei maleimana; sinā kasaa ali awui meoma̱bingna maishi ngasaka, kaja awui meoma̱ makhamashungna, athumwui alungli khaksui maleimana.

JEREMIAH 7:17

Judahwui keinungli kala Jerusalemwui chānreili athumna khi sālikhala kaji nathum matheimala?

JEREMIAH 7:18

Naongarāna thing phākhui, avāva̱ ngarāna mei sai, preiva̱bingna kazing philāva̱wui vang khamui nai; kala ili malung thuida malungvāt khavai athumna vare khangateili ra̱kharek kharektai.

JEREMIAH 7:9

Nathumna leeda, mi sathatta, phophāda, mingzaiphāphāda, Baalli nganamkaphā riktāda kala nathumna makathei vare khangatateili shuralaga,

EZEKIEL 16:18

kala nana nawui aphor phorkasang kachon khuida chieina farora, kala iwui thaola, nganamkaphā otyurbing chiwui mangāli haihai.

EZEKIEL 24:14

Proho ina hangkahaina, hi ungshunglakra, ina chi sālakra, ina mangalanlakmara, ina mahailakmara, ining mangacheilakmara, nawui kasākhavā otsak athishurda bichar sāra, da Proho VAREna hānga.”

HOSEA 11:2

Ina athumli chungmeida ho, athumna iwui eina tāmeimamānda yāma; athumna Baalli pha̱phayāpama, kala meoma̱li nganamkaphā riktāpama.

HOSEA 8:6

Israelli? Them kathema akhana sākakhuina, chi Varivara maningmana, Samariawui seinao chi akha̱ sāmihaora.

JOEL 2:11

Awui raimimāngli Prohona vaoda hānga, kaja awui ashangva̱ hakmahālaka, kahāng athishurda kasāpā chi panglaka. Kaja Prohowui zimiksho haklaka, kala sāshilaka; khipāna khāngshaprakhala?

OTSAK 7:41

Chieina athumna seinao akha sākhui, kala meoma̱ chili pha̱ya kala athumwui pāng eina sākakhui meoma̱ chili khayāshida mathāna.

KHALATLUI 28:20

“Nathumwui makaphā kasā chiwui vang kala ili malai kahaiwui vang, nathumli sakathānda kala nathum mathingakānranglakha eina tangda nathumwuitungli Prohona khonkashi, pa̱khangapā kala ning katheng tashung ngasakra.

KHALATLUI 31:16

Kala Prohona Mosesli hānga, “Yanglu, navā ngarāli ngasoda nala ngasāmkakhui atam nganaihaira; chiwui thili mibing hina, athumna vāzangda angasopamki kaji yurwui alungli, ngalei chiwui ngateihang kahai varebingwuili zangda khayorva̱wui otsak sāra kala ina athumli tuingashit sākahai chi kaihaida ilila malaihaora.

JOSHUA 24:20

Kalikhada nathumna Proholi horhaida khangatei varebingli khorumthuihaiakha, ana nathumwui vang kaphā samihaisālala, ana nathumwui eina ngareithuihaida kazātkashi khuirāda shimān ngasakluira.”

PHONGKHAMI 9:20

Khangatei kharingabing, kazātyurbing hina masākathatbing china athumwui pāngna sākakhuiwui eina mai mangareiung mana, katheila mathei, kashāla mashā, kazatla makazat sinā, lupā, pithrai, ngalung kala thing eina sākakhui meoma̱bing chili khokharumla mathāhaimana.