JEREMIAH 1:12 - Kathara Bible (BSI)

¹² Chieina Prohona ili hānga, “Nana mashungda theihaira, kaja iwui tui chi ungshung khavai ina yangda lei.

JEREMIAH 1:12 Iomraidhean Croise

ISAIAH 55:11

Iwui khamorwui eina kashok iwui tuila chithāra; khamasai eina ili malatungmara, kha ina khangarān chi ungshung ngasakra, ina kachiho chiwui athishurda reisang ngasakra.

JEREMIAH 1:13

Prohowui tui chi ili kakhane sāda rāhānga, “Nana khi theikhala?” Ina hānga, “Atungshongwui eina ngareithui kahai ngaherda khalei ham akha thei.”

JEREMIAH 24:3

Kala Prohona ili hānga: “Jeremiah, nana khi theikhala?” Ina ngahānkai, “Khaorāthei thei; khamathā khaorathei chiya mathālaka, kala makhamathā khaorathei chiya zakshishuna, zakshināhaida chibing chiya mashaipaimana.”

JEREMIAH 31:28

Kala ina hekkakhui eina sākatek konglui khavai, sākhayāng khavai, kala makaphā khuikharā khayang thāda, athumwui sakā khavai eina lingsang khavai chila ina yangmira da Prohona hānga.

EZEKIEL 12:25

Kha Proho ina hāngki kaji chi ina hāngra, kala makahatla ungshungra. Chi masāngluimara, kha nawui atamle, O ngakaikashe shimkhur, ina tui chi hāngtāra kala ungshung ngasakra,” da Proho VAREna hānga.

EZEKIEL 12:28

Chiwui vang eina athumli hānglu, Proho VAREna hānga: Iwui tui akha eina tangda mayansāngmara, kha ina hāngkahai tui chi ungshoklakra da Proho VAREna hānga.”

AMOS 8:2

Kala ana hānga, “Amos, nana khi theikhala?” Chieina Ina ngahānkai, “Lumkachāngwui athei lukkhatkha thei.” Chieina Prohona ili hānga, “Iwui miyur Israelwuitungli khangachang atam rāhaira; Ina athumli chi mangacheimilui mara.

LUKE 10:28

Jishuna ali hānga, “Nana mashunglak eina ngahānkāhaira; chi sālu, na ringra.”

LUKE 20:39

Chieina ain kathembing kaikhana, “Ojā nana mathālak eina ngahānkāmihaira” da hānga.

KHALATLUI 18:17

Kala Prohona ili hānga, ‘Athumna kahāng saikora chi mashunglak eina hānghaira.

KHALATLUI 32:35

Athut kakhui kala hankhamela ina, kaja athumwui phei nganaiki kaji; athumwui kumshāt rāki kaji nganaihaira, athumwui kashimān thākta rāra.

KHALATLUI 5:28

“Kala nathumna ili kahāng chitharan Prohona shāda ili hānga; ‘Mibing hina nali kahāng tui chi ina shāhaira, athumna kahāng chi mashunglak eina hānghaira.