JEREMIAH 1:10 - Kathara Bible (BSI)

¹⁰ Aja zimiksho yurbing kala wungrambing reoteklaga sākhai khavainilala, sākazamlaga ngakhuntā khavainilala, sākālaga lingsang khavainilala, nali kapanghaira da theilu.”

JEREMIAH 1:10 Iomraidhean Croise

1 WUNGNAOBING 17:1

Chitharan Gileadli khalei Tishbewui Elijahna Ahabli hānga, “Makashimāna Israelwui Proho Varewui mangāli ina nganingda kahāngna kaja, iwui kakaso maningla atam kasāngkha kazingla maromara, ikra̱la matāmara.”

1 WUNGNAOBING 19:17

Kala Hezaelwui raighaiwui eina yāmkashokbingli Jehuna shaothatra; kala Jehuwui raighaiwui eina yāmkashokbingli Elishana shaothatra.

HĀSHOKME 3:3

shaokathat atam lei, kala raikhami atam lei; sakakhayāng atam lei, kala sakakā atam lei;

JEREMIAH 1:5

“Naopamli ina nali masemranglakha nali ina theipinghairasai; kala na mapharāranglakha ina nali tharchikathairasai; yurbingwui marān akha ngasā khavai ina nali kapangsanghairasai.”

JEREMIAH 24:6

Athumwui phākhavai imikna yangmida lam hili ina khuiungluishitra. Athumli ina semkāra kala masākhaitāmara; athumli ina lingsangra, kala maphurshokmara.

JEREMIAH 25:13

Jeremiahna yur saikorawuitungli marān kahai, ina hāngkahai tui saikora, kala lairik hili kapisang kahai kachiva chi ina ngalei chiwuitungli khuirāra.

JEREMIAH 31:28

Kala ina hekkakhui eina sākatek konglui khavai, sākhayāng khavai, kala makaphā khuikharā khayang thāda, athumwui sakā khavai eina lingsang khavai chila ina yangmira da Prohona hānga.

JEREMIAH 31:40

Kathingunpam, hotlāpamwui tampāk katonga, Kidron kongrānaowuili khalei luipam, zingshoshong khalei Sigui Ngavei ungshungda apam saikora hi Prohowui katharapam ngasāra. Hi phurshok kahaila, sākhayāng kahaila maleiluilakmara.”

JEREMIAH 36:2

“Lairik akhalui akha khuilaga, Israel, Judah kala miyur saikorawui pongli ina hāngkahahai saikora chi, Josiahwui atam eina thuida aja rāshungda ina hāngkahai saikora chi kapikhuilu.

JEREMIAH 44:27

Yanglu, kaphāwui vang maningla makaphāwui vang ina athumwuitungli yangda lei; Egypt ngaleili khalei Judahwui mi saikora raighai eina, kala chāmreina chithitra.

JEREMIAH 45:4

Nana ali hithāda hāngra, Prohona hithāda hānga: Yanglu, ina sakā kahai chi ina pheitāra, kala ina lingsang kahai chi ina phurshokra— chiya, ngalei katonga china.

EZEKIEL 21:19

“Miwui naomayara, Babylon awungawui raighai rākhavai apong khani yeksanglu, apong khani chi ngalei akhawui eina rāthathuiki kajina. Kala keinungli vāzang khavaiwui shongfa chili machut-pakra̱ akha shunlu;

EZEKIEL 23:36

Prohona ili hānga: “Miwui naomayara, na Oholah eina Oholibahwuitungli bichar masārakhala? Chithākha aniwui ningkakachai ot sākahai chi phongmiserlu.

EZEKIEL 32:18

“Miwui naomayara, Egypt katongawui vang sifalu; awui kala khangama yurwui naongalāva̱bing, kazeiramli khaleibing chiwui Chomli horsangserhaolu:

EZEKIEL 36:36

Kuimareida khalei miyurbingna, sākazamhaida shimān kahaipam saikora Prohona sākāmilui kajina, ramcholila lingsangmilui kajina, kaji theikhuira. Hi Proho, ina hāngkahaina, mashoila ina sālakra.”

EZEKIEL 43:3

Kala ina kathei khamahā chi, ana keinung sāshimān khavaiwui atamli kathei khamahā chithāda thei, kala Chebar kongli kathei khamahā chithai; kala ina ngaleili mashunzanga.

HOSEA 6:5

Chiwui vang eina marānbingli ina hānglaga athumli ta̱tek ngasakhaira; ikhamorwui tui eina ina athumli sāthathaira, kala iwui bichar chi kahor thāda shoka.

AMOS 3:7

Kachangkhat awui rao marānbingli maphongmila, Proho VAREna khikha masālakmana.

AMOS 9:11

Atam chili Davidwui shim konglui kahai chi ina khāngmathotluira phākho kakai chi chipholuira, kala ngayāng kahai chi sākhuiluira, kala achālakhawui thāda sākāluira,

ZECHARIAH 1:6

Kha iwui rao marānbingli ina kakaso iwui tui kala iwui shiyan china navāngarāli mayuimala? Chieina athumna ningngateida hānga, ithumwui shongfa kala ithumwui saki kaji chiwui vang saikorawui Prohona ngarān kahai thāda, chi tākam eina ungshung ngasaka.’”