JAMES 5:9 - Kathara Bible (BSI)

⁹ Ivānaongarā, nathum akha eina akha maphen ngarokalu, chithākha Varena nathumli bichar masāmara. Bicharwo rākida nganaikhailakhaira, rākachangrāli.

JAMES 5:9 Iomraidhean Croise

HAOKAPHOK 4:7

Nana mathāda saakha nalila makhuimimarala, nana mathāda masaakha moreina khāmongli rimdalei; kala nali ningkachāngna, nana chili yuikhavai sāphalungra.”

LAA 59:15

Athumna kashakazā kuimareida phāzatlaga masamphangakha nira.

EZEKIEL 7:12

Atam chi rāhaira, zimiksho chi nganaihaira. Khalona mamathānaranu, lah khayorna wukmakhanangaranu; kaja malungkhavāt hi saikorawuitungli tāki kajina.

PĀNGMONSHI 19:18

Nathumna athut makhuipaimana, lah ram khalattawui naobingli mayuishi ngarokpaimana, kha nakhalatta leikashi chithāda nawui khongnainaoli leishilu; I Prohona.

MATTHEW 24:33

Chi tākam eina nathumna saikora hi kathei tharan, A nganaihaira, ngaveichingli leihaira da nathumna thei.

MARK 13:29

Chi tākam eina nathumna hi shokura da kathei tharan a kharā nganaihaira, khamongpheili rāshunghaira da theira.

MARK 6:19

Chiwui vang eina Herodiasna awuitungli malungvātlakhaoda shaothatngai. Kha a chi mararsamana;

1 CORINTHNAO 10:11

Ot saikora hi kateibingli ngayoyang khavai shokkahaina, kala ithumwui vang hāngkhamathin sāda kapi kahaina. Kaja ithum okathui ngachangnanai atamli okthuida leili.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

2 CORINTHNAO 9:7

Kachichāwui kaphaning athishurda miki kajina, tandiwui ot maleimana, kaja mingairareo khame chili Varena leishi.

GALATIANAO 5:14

kaja “Khongnainaoli na khalatta leikashi thada leishilu” kaji ningkhami hili ain saikora kharupserhaira.

GALATIANAO 5:26

Ithum malāngsophalungmara, akha eina akha maningrāk ngarok ngasakphalungmara kala akha eina akha mamikpaishi ngarokphalungmara.

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.

JAMES 4:12

Ain khame kala bicharwo chi Varemānga. Amāngna huimishapa kala shimān ngasakshapa. Khongnainaoli bichar kasaa na khipāna da phaningkhala?

JAMES 5:10

Ivānaongarā, Prohowui ming singda khamarānbing chili phaningunglu kala kachotkachānglungli ningzinghāringda khāngkahai athum chili ngayo khavai sāda khuilu;

JAMES 5:7

Ivānaongarā, Prohona marāranglakha eina tangda khāngtheilu. Lui khavā mina ngaleiwui heithei samphang khavai zur, kān mateila zingrotra̱ ngaraipama.

1 PETER 4:5

Kha athumna kharingbinglila, kathebinglila bichar sāki kaje Vareli athumwui sākahai saikora chiwui hishap misera.

1 PETER 4:9

Ning khamakhao maleila mathānthathup kha̱mishimāli ngahānlu.

PHONGKHAMI 3:20

Yanglu ina khāmongli nganingda shaoda lei, kachikathāna iwui khon shāda khāmong shomiakha ina ali zangra kala ina ali kala ana ili phazārumra.