JAMES 5:5 - Kathara Bible (BSI)

⁵ Okathuili ringphālak eina sākhangangai sāda nathum okthuihaira. Taithatki kaji zimikshowui vang nathum khalatta uimathaohaira.

JAMES 5:5 Iomraidhean Croise

LAA 17:14

okathuiwui ningmāng eina okathuiya mibingwui eina O Proho, athumwui vang nana kazipmi kahai chieina athumwui wuk chipemranu; athumwui naongarānala kashapli lāngda samphangranu, athumwui angangnaobingwui vangla kataimiranu.

LAA 73:7

Thaonāhaida athumwui mikla mazoshoka, athumwui ning mangkhama̱na puitinghai.

CHĀNSAM 17:1

Shim pemting eina khanganang zātkhānliva katheng eina chingri phākazāna phāmei.

CHĀNSAM 7:14

“Ina pha̱kaphayā chigatkida lei, ina aja khangashit sāhaira;

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

ISAIAH 22:13

kala yanglu ringkaphā eina khamathān, mukkā kala yao taikathat, sā kashai eina zam khamang: “Zāsa, mangsa, kaja akhama ithum thihaora” da kasā atam rāra.

ISAIAH 3:16

Prohona hānga: Khikhalajila Zionwui naongalava ngarāna hiksorsor, kui khalekta yaothuizata, kakhayak maleila mik thekzata, pheikār kashut kaseoda zata;

ISAIAH 47:8

Ara chiwui vang nganālu, lumlao ningkachāngva̱, tāphup eina kapamva̱, “Ina, ili lāngda khipākha maleiluimana; I ra̱meinao akha sāda mapamara, naongarā kashimānla matheiluimara” da naningli hithāda phaninga.

ISAIAH 56:12

Athumna hānga, ‘Ralu, drakhāra̱ mangsa, ithum zamshei mangsangsa; akhamala aja thāda tangkhavai maleimara.’”

JEREMIAH 12:3

Kha, nana ili katheina, O Proho, nana ili thei, kala nawui apongli ining tamyanga. Taithat khavai yaonao thāda athumli ngakhunshoklu, kala taithat khavai zimikshowui vang athumli ngateida hailu.

JEREMIAH 25:34

Chapngachālu, nathum yaokahomabing, kala vaolu, hotlātungli ngaleolu, yaoshangwui akhavābing, kaja nathumli shaokathat kala chaiyāng kahai atam rāhaira; mathāmeikap kaje yaovā pikatā thāda pitāra.

EZEKIEL 16:49

Yanglu, hi nagatuiva̱ Sodomwui moreina: a eina anao ngalāva̱bingna langsoi, mazākharar eina tangda zai, lekngasaisor eina okthui, kha khangazanbing kala khavātabingli mangachonmimana.

EZEKIEL 39:17

“Nawui vanga, miwui naomayara, da Proho VAREna hānga: Vānaoyur saikorali kala sāyur saikorali hānglu, apam kachiva̱wui eina ina ngarān kahai pha̱kaphayāwui zātkhānli rāzangserlu; Israelwui kaphungli nathumwui vang ina pha̱kaphayāwui zātkhān kahakva̱ akha ngarānmihaira; chili sā shaira, ashee mangra.

AMOS 6:1

“Zionli leiyālak eina khaleibing, kala Samariali ningnganungkhun eina khaleibing, Israel shimkhur shok khavai rimeithui kaje yurwui khareia mibing, kakhanang ngasāranu!

LUKE 16:19

“Atam akhali kashānga mengchin kahai kashankachon khangavai kala thangkachida hekmaheilak eina phāshak phazākapam mi akha leisai.

LUKE 16:25

“Kha Abrahamna hānga, ‘Inaomayara, phaningunglu, kaja na ringda leilakha khamathāthāmāng samphanga kala Lazarusva zakkashimāng samphanga; kha ara nana kachot samkaphang tharan ana hili ringkaphā samphangda lei.

ROMNAO 13:13

Kahorlungli okathui thada ithum khalatta mashungrik eina zatsa; kakharar, khamarip, ayat makasā, khamathang, ngama̱khangazai, kala mikpaikashi ot masaasa.

1 TIMOTHY 5:6

Kha akhalatta ringphā khavai kasāva̱ a chiya ringlala kathina.

2 TIMOTHY 3:4

mikhanam, ningngaikasā, kachorkashi kala Vareli leikashebing mangasāla lumkhalaoli leikashebing ngasāthuihaora.

2 PETER 2:13

Kala athumna khanang ngasak kahai thada athumlila khanang ngasakra. Ngashun langpongda phasāwui ringkaphā samphang khavai kasā chi athumwui kapena. Sākharekli ringphāshonshon kaje athum hikathāli phāshak phazā khangarumwui maikashi kala khayākhamalā samphang khavaina.

JUDE 1:12

Athumwui khamarip china ngarumsakwui morsonli nathumli maishi ngasakta hamak neokhami kathāna. Athumna athum khalattawui vangmāng phaninga. Athum chi zingrot makazang muiyā masina phankazat kathāna. Athum chi māthei kachāng eina tangda athei makhamathei kala angayung phurshoklaga thichao kahai thingrong kathāna.

PHONGKHAMI 18:7

A khalatta tekmatei ngasakta khangkāser ot kasā chiyākha, rekakharek chapkhangachā alila tāzakta milu. Awui ningli, ‘Ina awungva̱ sāda pama, rameiva̱ maningmana, chapkhangachā matheilakmara’, da phaninga.

1 SAMUEL 25:36

Kala Abigailna Nabalwuili ungkashung eina, Nabalna awui shimli awunga thāda morsongsai. Kala mariphaoda ningmahaisor eina leisai. Chiwui vang eina ana kazing mathangranglakha ali khituikha mahāngmana.

1 SAMUEL 25:6

Kala hithāda shālam asālu, ‘Nala, nashi shimkhur kala nawui khalei saikora chingri kahai ngasāranu.