JAMES 5:3 - Kathara Bible (BSI)

³ Nathumwui sinā lupā maripai paihaira, kala maripai china nathumwuitungli makhamayā shākhi sāda nathumwui asā meichot thada chuitāhaora. Nathumna khanaowa zimikshowui vang lan kazipkhui.

JAMES 5:3 Iomraidhean Croise

HAOKAPHOK 31:48

Labanna hānga, “Aja, rihai hina iniwui ngachaili shākhina.” Chiwui vang eina apam chili Galeed kahona,

HAOKAPHOK 31:52

Rihai eina pakra̱ hina shākhina, kaja ina nali makaphā sākhavai rihai kala pakra̱ hi mamakānmara, kala nanala ili makaphā sākhavai rihai eina pakra̱ hi mamakānpaimara.

HAOKAPHOK 49:1

Chiwui thili Jacobna anaomayarabingli hokhuida hānga, “Rākazipserlu, naoda nathumli khi shokrakhala kaji ina hāngka;

JOBWUI LAIRIK 16:8

Ana iphasā nganir ngasakser kahai hina ili shākhi mida lei; kala kaokhangai kakao hina ili shākhi mida lei, imai hinala chitheida lei.

ISAIAH 2:2

Naoda hithāda rāshokra kaja Prohowui shimwui phungrei chi phungreibingwui ngachaili juimeikap kaje phungrei sāda sākāra; kala phungrābingwuitungli juimeira; kala yur saikora chili longsangra,

JEREMIAH 19:9

Kala athumwui naomayara eina ngalāva̱ ngarāwui asā ina athumli shaingasakra, kala athumwui manglā khuikida kasā athumwui yangkashibingna kuinam kahaiwui kakhanang atamli khongnainao eina khongnainao shaingarokra.”

MICAH 3:3

Iwui mibingwui aphi kashaibing, kala athumwui ahui khalaibing, kala athumwui ara̱kui sākakazambing, sā thada sāhamli katatkasangbing, kala sā thāda hampaili kahangbing.

MICAH 4:1

Naoda hithāda shokra kaja Prohowui shimwui phungrei chi phungrei saikorawuitungli juimeithuida sakāra, phungrābingli juimei ngasakra; kala mibingna chili longsangra.

OTSAK 2:17

Varena hānga, khanaowa zimiksholi ina hi shokngasakra: Kaja mi saikorali iwui manglā heirorra, kala nathumwui naomayarabing eina naongalāva̱bingna marānra, mahākhami nathumwui khanuithotna theira, kala ararnaobingna mang shimanra,

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

2 TIMOTHY 2:17

Athumwui tamkachithei chi aphili kakazā kazātyur kathāna. Hymenaeus eina Philetus ani khani hi chikathā tamkachithei mina.

JOSHUA 24:27

Kala Joshuana mi saikorali hānga, “Yanglu, ngalunggui hi ithumwui shākhina; kala Prohona ithumli matui kahai tui saikora hina shākahaina; chiwui vang eina hina nathumwui shākhi ngasāra, maningakha nathumna nathumwui Vareli minamda sapaishina.”

2 PETER 3:3

Rimeikapta nathumna hi bhap tāphalungra kaja khanaowa zimiksholi mana̱kashebing shokta athumli khalattawui khamathangna singyuida athumna nathumli mana̱shida

PHONGKHAMI 17:16

Kala nana kathei angachee tharā kala sāyur china khayorva̱̱ chili ningkachaira; kala ali horhailaga awui kashankachon raimihaida khamahong eina haira, awui asāla shaira kala mei eina riktāra

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 21:8

Kha malungmakazanga, mashitkasanga, khamakhaoa, mi shaokathata, ngalā khangashāma, meoworkathema, meoma̱li khokharuma, kala kapikkazarra, athumwui apam chiya meiri eina chuida khalei meiwui ngayi china, chi thikakhane china.”