JAMES 5:16 - Kathara Bible (BSI)

¹⁶ Chiwui vang eina kakazā raikhavai, akha eina akha morei hangphat ngaroklu, kala akhana akhawui vang seihā sāmilu. Khamashunga miwui seihā kasā ungshunglaka.

JAMES 5:16 Iomraidhean Croise

HAOKAPHOK 19:29

Chithāda Lotna somkasa tampāk chiwui keinungbing chi shimān khangasak chitharān Varena Abrahamli phaningungmida Lotli keinung chiwui eina shokngasakhaowa.

HAOKAPHOK 20:17

Chieina Abrahamna Vareli seihā sai; kala Varena Abimelechli raimihaowa; kala apreiva̱la, rao sha̱naobingla raimida athum nao pharāhaowa.

HAOKAPHOK 20:7

Chiwui vang eina apreiva̱ chi hanmihaolu, ava marān akhana, ana nawui vang seihā sāmida na ringra. Kha nana mahanmiakha na thilakra, kala nawui khalei saikorala thira da theilu.”

HAOKAPHOK 32:28

Chieina ana hānga, “Nawui ming Jacob maholuimara, kha Israel hora, kaja nana Vare eina mikumoli nganurda nana yuihaira.”

2 SAMUEL 19:19

“Ishameina Jerusalemwui eina thuithang narao ina sākahai chiwui vang khayon mamiranu, lah chithang naraowui khayon chi maphaningungmiranu; kala mahaimiaranu,

1 WUNGNAOBING 13:6

Kala awungana Varewui mi chili hānga, “Nawui Proho Varena lumashanmida ipāng raimi khavai seihā kasāmilu.” Varewui mi china Proholi pomilaga awungawui pāng raihaida khangachā tākam eina unghaowa.

2 THOTRINCHĀN 30:20

Prohona Hezekiahwui kapo khuisangmida athumli pheomi.

JOBWUI LAIRIK 42:8

Chiwui vang eina mukkā shini, yaovā shini khuilaga iwui rao Jobwuili nathum khalattawui vang rikkatāchigat chigatlu; kala iwui rao Jobna nathumwui vang seihā sāmira, kaja nathumwui mangma̱sak athishurda nathumli masā khavai awui seihā kasā ina khuisangmira; kaja iwui rao Jobna kasā thāda iwui pongli nathumna khamashung chi mamatuimana.”

LAA 34:15

Khangarongabingli Prohona yangmi, kala awui khanāna athumwui khavao chi shāmi,

SHONGZĀ 17:11

Mosesna apāng katinglakha eina tangda Israelnaona yui, kala apāng haizangkhaleoda Amaleknaobingna yui.

SHONGZĀ 9:33

Chieina Mosesna keinungwui eina kala Pharaohwui eina shokta Proholi apāng katingkakā eina kazing khangashumla, thei katāla vānhaowa, kala kazing maroluithuwa.

CHĀNSAM 15:29

Makhayāwui eina Prohona katāva̱li lei, kha ana khangarongawui seihā kasā shāmi.

CHĀNSAM 15:8

Makhayāwui pha̱kaphayā Prohowui mangāli ningkakachaina, kha mashungrik kahaiwui seihā kasā awui ningyāng khaungna.

CHĀNSAM 28:9

Mi akhana ain manganāsangla ngareithuihaikha, awui seihā kasā eina tangdala ningkakachai otna.

JEREMIAH 15:1

Chiwui thili Prohona ili hānga, “Moses eina Samuelna iwui mangāli nganinglala, iwui wuklung mibing hili mangareiungluimara. Iwui maiyan eina kashamhaolu, kala athumli thui ngasakhaolu.

JEREMIAH 33:3

“Ili ngakaolu ina ngahānkāra, nathumna makathei thum kahai kachungkha hāngmira.

JEREMIAH 42:2

marān Jeremiahli ahānga, “Nawui mangāli ithumwui kapo kakhuisangmida nawui Vare Proholi ithum kala shākkahai saikorawui vang seiha kasāmilu (nana thei kaja ithum kateokhamāng taikahaina),

MISHĀN 11:2

Chieina athumna Mosesli khangakao eina Mosesna Proholi seihā sāda mei chi mithaowa.

MATTHEW 21:22

Nathumna shitsangakha seihā sāda kapopo saikora samphangsera.”

MATTHEW 3:6

Athumna athumwui morei hāngphatta ana athumli Jordan kongli ra̱hikmi.

MARK 1:5

Judea ngaleili kala Jerusalem keinungli khalei mi kachungkha rāda athumwui morei hangphata. Chieina athumli Jordan kongli ra̱hikmi.

LUKE 9:6

Chieina athumna zatuwa kala khavāvā kha̱ kachiva̱li paokaphāla hāshoka kala kakazāla raimi.

JOHN 9:31

Varena morei kaphungbingli mashāmimana, kaji ithumna thei, kha ali khokharuma kala awui ningkachāng kasā athumli Varena shāmi.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 19:18

Shitkasanga mi kachungkha rāda athumna sākahai yārui mangāli hāngphata.

OTSAK 8:24

Simonna hānga, “Zingarāda iwui vang seihā sāmilu, chithākha nanina hāngkahaibing chiwui eina akhala iwuitungli matārormara.”

ROMNAO 3:10

Hithada kapihaida lei: “Khamashunga mi akhala maleimana, maleilakmana,

ROMNAO 5:19

Kala mi akhawui kahāng makhanganāwui shongrān china mi kachungkhali morei kaphunga sākhangasak thada, mi akhawui kahāng khanganāwui athei china mi kachungkhali mashung ngasaka.

COLOSSIANAO 1:9

Chiwui vang eina nathumwui pao shāthang eina thuilaga atam kachida manglāna khami thangkhamei kala theishingkakhuilungli Varewui awor china nathumli chipemmi khavai sāmichinga.

1 THESSALONICANAO 5:17

Mathāhaila seihā sāchinglu.

1 THESSALONICANAO 5:23

Ithumwui Proho Jishu Khrista rāthanghon nathumli khipānakha kaphen malei khavai chingri kahai khame Varena nathumli apong aning anangva̱li tharchaomiranu kala nathumwui manglāla, ningla kala phasāla mayonmiranu.

1 THESSALONICANAO 5:25

Ivānaobing, ithumwui vangla seihā sāmilu.

HEBREWNAO 11:4

Abelna Cainli mathāmeida Vareli pha̱kaphayā chigatkashap hi shitkasang mangā einana. Shitkasang mangā eina mi akha sāda ana Varewui mayākhami chi samphanga, khikhalajila awui kachigat chi Varena khuisangmi. Abel thihaisālala awui shitkasang otsak china aruila ithumli matuichingda lei.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

HEBREWNAO 12:13

Khangatar shongfali zatlu, chithākha khangasong phei chi masheishimara, honda kharai samphangra.

HEBREWNAO 13:18

Ithumwui vang seihā sāmichinglu. Ithumwui mashun tharlak eina lei da thei, khikhalajila ithumna atam kachida khamashung otmāng sāngai.

JOSHUA 10:12

Chiwui thili Prohona Amorwui mibing Israelwui pāngli mithang Joshuana Israelwui mangāli Proholi hānga, “Zimik, na Gibeonli mangatha̱la nganinglu, kala Kachāng, na Aijalon tampākli nganinglu.”

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.

1 JOHN 3:22

Awui kahāng nganāda ali ningyāng ungkhangasakwui vang ithumna kapopo chi awui eina samphanga.

1 SAMUEL 1:12

Ana Prohowui mangāli seihā sāda leilakha, Elina Hannahwui khamor khangatha̱ yangpama;

1 SAMUEL 12:17

Aruihon māhāt maningmala? Ina Proholi polaga kazing ngashumda kazing rongasakakha, nathum khalattana awunga pokakhui hi Prohowui mangāli makhayā ot kahakva̱ sāhaira da theikhuira.”

1 SAMUEL 12:18

Chieina Samuelna Proholi kapo eina, chithang Prohona kazing ngashumda kazing rongasaka; kala mi saikorana Proholila Samuellila ngacheelakhaowa.