JAMES 5:11 - Kathara Bible (BSI)

¹¹ athumli khamahai hoi kaja athumna sipkasā khānga. Nathumna Jobwui ningzinghākharing shāhaira kala Prohona naoda ali kayākha mataisangmikhala kajila nathumna theihaira, khikhalajila phaningkhami kala leikashina pemtinghai.

JAMES 5:11 Iomraidhean Croise

1 THOTRINCHĀN 21:13

Chieina Davidna Gadli hānga, “I wuk-khananglākhaira; I Prohowui pāngli tāzangtha̱ga, kaja awui lukhamashan hakmahālaka; kha ili miwui pāngli matāzang ngasakmialu.”

2 THOTRINCHĀN 30:9

Kaja nathumna Proholi latungakha, nachinā ngarā, nanao ngarāli tukkathuibingna lumashanmida athumna apam hili latungluishitra. Kaja nathumwui Proho Vareva, lumashankatha̱a kala leishikatha̱ana, kala nathumna ali latungakha nathumwui eina mai mangareithuimara.”

NEHEMIAH 9:17

kahāngla manganāmana, kala nana athumli matakhak kahai ot sākachithei saikora chi athumna maphaningungmana; kha athumna ngakaishida Egyptli rao asalui khavai athum khalattawui kathāna phāsanga. Kha nava huimikhangaiya, lumashanmikhangai, malung mathuikazāra kala leikashi makhangacheina kapema Varena.

NEHEMIAH 9:31

Chithālala nawui reikhamatai lukhamashan alung chili nana athumli mashimān ngasakmana horkahaila mahorhailakmana; kaja nava lukhamashan leikashi Varena.

JOBWUI LAIRIK 1:1

Uz ngaleili Job hoda mi akha leisai, ava shāt makālak kaja mashungrik kahai, kala Vareli ngacheeda makaphāli makazanga mi akhana.

JOBWUI LAIRIK 1:2

Awui nao mayarnao shini kala sha̱nao kathum da leisai.

JOBWUI LAIRIK 2:10

Kha ana apreiva̱li hānga, “Nala mangkhama̱ sha̱nao akha thāda matuili. Ithumna Varewui eina khamathāva samphanglaga makaphāva masamphangsila?” Saikora hilila Jobna amorchai eina morei masāmana.

JOBWUI LAIRIK 23:10

Kha ina kazat shongfa chi ana thei, ana ili chāng yanghaiakha I sinā thāda shokra.

LAA 103:13

Avāva̱na anaomayarali lukhamashan thāda, ali khangacheebingli Prohona lumashana.

LAA 103:8

Proho lumashan leishi katha̱ana, malung mathuizarmana makhangachei leikashina pemtinghai.

LAA 116:5

Prohohi lumashankatha̱a kala khangarongana; ithumwui Vare lumashantheilaka.

LAA 119:132

Yangmida ili khalumashanmilu, namingli leikashibingli sāmikhangai thāda.

LAA 145:8

Proho lumashan leishitheilaka, malung mavātzarmana kala makhangachei leikashi mavātmana.

LAA 37:37

Shāt makakā mili machutkhuilu, kala mashungrik kahai chili yanglu, kaja chingri kahai miwui mataikasang lei.

LAA 51:1

O Proho, nawui makhangachei leikashi athishurda, ili lumashanmilu; nawui makhavāta lukhamashan athishurda iwui sāyon kahai sāshimitmihaolu.

LAA 78:38

Chithālala ava lumashanhaoda athumwui khayon pheomi, kala athumli masāshimānmana; kasangkharei malungkathui khāmhaiya, kala awui malungkhavāt saikora mamathuk ngasakmana.

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

LAA 94:12

O Proho, nana hāngkhamachin, kala nawui ainwui eina tamkachitheia mi chi sokhamina

SHONGZĀ 34:6

Prohona awui mangāli rākāda, “Proho, Proho, lumashan leishikatha Vare, kala malungmavatkazāra, kala makhangachei leikashi eina ningkatongna pemting kahaia,

HĀSHOKME 7:8

Ot kakupana haokaphokli phāmei, kala khāngkathei ningna lāngkaso ningli phāmei.

ISAIAH 63:7

Prohowui makhangachei leikashi chi ina phaningchingra, ithumli Prohona khami saikora chiwui athishurda Proholi masot michingra, kala awui lukhamashan athishurda Israel shimkhurli, kaphā hakkhamahā mikahai chi, awui makhangachei leikashiwui makhavāt athishurda khamina.

ISAIAH 63:9

Athumwui kakhanang saikorali ala khananga, kala awui mangāli khalei kazingraona athumli huimi; awui leikashi kala lukhamashanlungli ana athumli ngatangmi; achālakhawui eina athumli khāngkāda phungzata.

CHAPCHĀT 3:22

Prohowui makhangachei leikashi katang mavaimana, awui lukhamashan katang mavaimana;

DANIEL 9:9

Lukhamashan kala pheokhami ithumwui Proho Varivarawuina; khikhalajila ithumna ali mamayāmada ngakaishihaira,

JOEL 2:13

kachon maningla, kha nathumwui ning serkhākta latunglu.” Nathumwui Vare Proholi latunglu. kaja ava lumashan, leishitheilaka, malung mavātzarmana, leikashi mangacheilakmana, makaphāwui vang ning ngatei.

JONAH 4:2

Kala ana Proholi seihā sāda hānga, “Iram ngaleili leilakha hithārada ina nali mahāngmala? Hiwui vang ina thaklāk eina Tarshishli yāmkhavāna kaja ina thei, na lukhamashan leikashe, malungkhanima, leikashili nganingtit kaje kala makaphāwui eina ning khangacheia Varena.

MICAH 7:18

Khayonkhamāng pheokhami na kathā Vare khipā lei? awui shimluikat shākkahaiwui vang salāng kahaili chihokhami khipā lei? Ana katang mavaila awui malungkhavāt makaziphaimana kaja makhangachei leikashili awui ringkaphā lei.

MISHĀN 14:18

‘Prohova malung mavātzarmana kala makhangachei leikashi pemtinghaida morei kala khayonkhamāng pheomi, kha Prohona khayonali shongrān mida avāva̱ ngarāwui moreiwui vang anaongarā, kala ara̱-azā thot kakathuma kala khamate eina tangda shongrān mi.’

MATTHEW 10:22

I wui vang eina nathumli mi saikorana yangkharingra. Kha khanao eina tangda khāngkashapa china kahui samphangra.

LUKE 1:50

Ali khangacheebingwuitungli awui lukhamashan thot-thot kachida lei.

LUKE 11:10

Kaja kapo mi kachiva̱li mira, kaphā mi kachiva̱na samphangra kala kashao mi chili shomira.

LUKE 6:36

Nathumwui Avāva̱na lumashankathei thada nathumla lumashantheilu.

ROMNAO 2:4

Maningakha awui mahāngkharar lukhamashan, khāngkhami kala ja̱khami chili nana matheikhamila? Vare hi lumashankathana kaji nathumna thei. Chiwui vang eina ana nathumli ningngateikhui ngasakngai.

EPHESIANAO 1:6

Ithumna awui tekhamatei lukhamashanwui vang Vareli sochikatsa, kaja lemmet chi awui khaluma Naomayarawui lungli ithumli mihaira.

EPHESIANAO 2:4

Kha Varewui lukhamashan khavāt maleimana kala awui leikashi hakmahālaka,

HEBREWNAO 10:39

Ithum ngalanthui kahaia kala shimān kahai yur maningmana; kha shitsangda huimi kahai yurna.

HEBREWNAO 3:14

Kharewui eina ithumna shitkasang khalei chi khangachang eina tangda singtitakha ithum Khristawui otsakrumasera.

HEBREWNAO 3:6

Kha Khristana anaomayara sāda Varewui shim ningtongda mayonmi. Ithumna kachihān chiwui vang khanao eina tangda ninglumtur eina singtitakha, ithum awui shimna.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 1:2

Ivānaobing, chāng khayang yur saikora, nathumna samkaphang tharan ka̱lā khamahaina da shānkhuilu.

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.

1 PETER 3:14

Khamashung khangarongwui vang nathumna kachotkachāng samphangsālala, nathumli somira, khipālikha mangacheealu kala wukla makhanangalu.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.