JAMES 5:10 - Kathara Bible (BSI)

¹⁰ Ivānaongarā, Prohowui ming singda khamarānbing chili phaningunglu kala kachotkachānglungli ningzinghāringda khāngkahai athum chili ngayo khavai sāda khuilu;

JAMES 5:10 Iomraidhean Croise

2 THOTRINCHĀN 36:16

kha awui tuili ningkachaida Prohowui makhamayā lungvat kharā eina tangda athumna Varewui paomebing kala marānbingwui tui chili chipatta mana̱shipama.

ISAIAH 39:8

Chieina Hezekaihna Isaiahli hānga, “Nana Prohowui tui hāngkhami chi phai.” Kaja awui ningli, “Iwui thotli chingrihaida kalākashi mashokmara” da phaninga.

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

JEREMIAH 23:22

Kha athumna iwui tui khuisāsi kaje, athumna iwui mibingli iwui tui vaomalānhairara, kala athumna athumwui makaphā apongwui eina, kala athumwui makaphā otsakwui einala ngareiunghairara.

JEREMIAH 26:16

Chiwui thili wungnaobing kala mi saikora china pāngmonbing kala marānbingli hānga, “Mi hi kathi danti masamphang ngayimana, kaja ana ithumli ithumwui Vare Prohowui ming singda hāngkhamina.”

LUKE 13:34

“Iyavo, Jerusalem! Jerusalem! Marānbingli shaokathata keinung, kala nali chihokharābingli lunggui eina horkathata! Ina nawui naongarabingli harva̱na anaobingli angachangzingli kazipkakhui thada kayākhashira, laga chi nana mamayāmana!

LUKE 6:23

Chithang ringphālu kala mathānda ngalongkālu, khikhalajila yanglu, kazingramli nathumwui sāman haklaka, kaja athumwui avāva̱ ngarānala marānbingli chithada sai.

OTSAK 3:21

Achālakhawui eina thuida Varena awui kathara marānbingli shichinlaga hāngngasak kahai saikora chi maungshungranglakha eina tangda a kazingramli leisāphalungra.

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.

HEBREWNAO 13:7

Varewui tui hāngkhame nathumwui kathānabingli phaningunglu. Athumna kathada ringsā, kathada thi kaji phaningungda athumwui shitkasang sha̱khuilu.

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.

JAMES 5:13

Nathumwui ngachaili kakhanang kachot leihaola? Ana seihā sāranu. Kachikathāna ringphāda leila? Anala laa sāda sochikatranu.

JAMES 5:7

Ivānaongarā, Prohona marāranglakha eina tangda khāngtheilu. Lui khavā mina ngaleiwui heithei samphang khavai zur, kān mateila zingrotra̱ ngaraipama.

JAMES 5:9

Ivānaongarā, nathum akha eina akha maphen ngarokalu, chithākha Varena nathumli bichar masāmara. Bicharwo rākida nganaikhailakhaira, rākachangrāli.