JAMES 4:9 - Kathara Bible (BSI)

⁹ Khanangda sifalaga chapngachālu. Nathumwui khamana̱ chi sikafa kala khamathān chi kakhanang onngasakra.

JAMES 4:9 Iomraidhean Croise

NEHEMIAH 8:9

Rammunga sākasa Nehemiah, Ezr pāngmon kala ain kathema, kala mibingli tamkachitheia Levibingna mi saikorali hānga, “Aja hi nathumwui Vare Proho wui vang kathara zimikshona, masifalu kachapla machapngachālu.” Kaja mibingna ainwui tui chi kashā tharan athum saikorana chaphaowa.

JOBWUI LAIRIK 30:31

Iwui lyre sikafa sāthuihaira; iwui sipa̱khon kachapa athumwui khon sāthuihaira.

LAA 119:136

Imikna chāra̱ kong thāda longa, khikhalajila mibingna nawui ain mamayonmana.

LAA 119:67

Kakhanang masamphangranglakha, ina zatkhangaili zatsai; kha ara ina nawui tui mayona.

LAA 119:71

Ina nawui shiyan tamkhui khavai khanang khangasak chi phālaka.

CHĀNSAM 14:13

Khamana̱ atamlila ningva khananga, kala khamathānwui akuplam ningkachotna.

HĀSHOKME 2:2

Khamana̱li “Hi kapāna” kala ningyangkhaungli “Hi khi kānāda?” da ina hānga.

JEREMIAH 31:13

Ngalanaobingna mathānda pheichak sāra; khararnao kala yaronnaobingna mathānra. Ina athumwui chapkhangachā chi khamathān onmira, ina athumli ning lum ngasakra, kala wukakhanangwui vang athumli ning ringphā ngasakra.

JEREMIAH 31:9

Athumna chapsasui eina ungra, ningkhalem khangasak eina ngasoda ina thānungra; ina tara̱ khalei kongrāpamli zatung ngasakra, athumna phei mangaphokki kaji apong khangatarli; kaja I Israelwui avāva̱na, kala Ephraim iwui naochizaina.”

CHAPCHĀT 5:15

Ithumwui ningwui khamathānla ngasāmhaira; ithumwui pheichak kasā sikafa onhaira.

EZEKIEL 16:63

kala nawui kasāsā saikora ina pheomi kahai tharan, nana phaningungda matakhak khayāmalāthak eina khituikha mamatuimara” da Proho VAREna hānga.

EZEKIEL 7:16

Kachikathā ringkasābingna yāmshokakha, tampākwui nāsha̱ thāda kaphungli pamra kala khalattawui moreiwui vang sifara.

MATTHEW 21:41

Athumna ngahānkai, “Ana makaphābing chili sāthatserhaora kala yāmgui chi athei khamathei atamli tāzak eina awui sharuk miki kajebingli masāvā ngasakra.”

MATTHEW 5:4

Chapkhangachābing chi sokhamina, khikhalajila athumli Varena ringphā ngasakra!

LUKE 16:25

“Kha Abrahamna hānga, ‘Inaomayara, phaningunglu, kaja na ringda leilakha khamathāthāmāng samphanga kala Lazarusva zakkashimāng samphanga; kha ara nana kachot samkaphang tharan ana hili ringkaphā samphangda lei.

LUKE 6:21

Arui kathaibing nathum sokhami ngasāranu, kaja nathumli thongasakra. Arui kachapbing nathum sokhami ngasāranu, kaja nathumna mana̱ra.

LUKE 6:25

Arui kathobing, nathum kakhanang ringkashi ngasāranu, kaja nathum thaira. “Arui mana̱da khaleibing, nathum kakhanang ringkashi ngasāranu. kaja nathum chapra!