JAMES 4:8 - Kathara Bible (BSI)

⁸ Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.

JAMES 4:8 Iomraidhean Croise

HAOKAPHOK 18:23

Kala Abrahamna anganaida ngahāna, “Khamashunga athumlila makaphā athumli ngasoda shimān ngasakrala?

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

2 THOTRINCHĀN 15:2

ana Asali angaroklaga hānga, “Ili nganālu, Asa, kala Judah eina Benjaminshila: Nathumna Proholi ngasolakha eina tangda anala nathumli ngasomira. Nathumna ali phaakha ali samphangra; kha nathumna ali malaihaiakha anala nathumli malaihaora.

JOBWUI LAIRIK 16:17

ipāngli khayon maleilala kala iwui seihā kasāla tharlala.

JOBWUI LAIRIK 17:9

Kha khangarongana awui shongfali zata, kala pāng katharabing china pangkhangai panga.

JOBWUI LAIRIK 9:30

Ina horam eina ra̱vailala, ipāng lye eina maziklala,

LAA 119:113

Ning khani kasā mibingli ina yangkharinga, kha nawui ainli ina leishi.

LAA 145:18

Ali khangakao saikorali Prohona nganaimi, ningkathar eina khangakao saikorali.

LAA 18:20

Iwui khamashung-khangarongwui athishurda Prohona ili sāman mi, ipangwui kathar athishurda ana ili hanmiluira.

LAA 24:4

Apāng tharda khaleia, ning kathara, makānkhana otli awui manglāna makakahao, kala mikhanam eina ngasoda mamingkazaiapa china.

LAA 26:6

Khayon makhalei theikhavai ipāng mazika, O Proho, nawui hanphutli kuimareizata,

LAA 51:10

O Vare, ili wuklung kathar semsangmilu, kala kadhara kala khamashunga manglā sangmilu.

LAA 73:13

Ining tharzā kahai, ipāng khalāng ot makasā saikora aremana.

LAA 73:28

Kha iwui vanga Vareli khanganai phāshuna, Proho VAREli iwui ngayin khavai sāhaira, chiya ina nawui otsak saikorawui pongli hāngra.

ISAIAH 13:15

Samkaphaphang mili topursangmira, kala tukkakhuibingli raighai eina yortāra.

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

ISAIAH 58:2

Chithālala athumna thangkachida phai, kala iwui apong theikhavai ningchānga, khamashung khangarong ot kasā miyur akha thāda, kala athum Varewui shiyan-chikan makaimana; athumna ili khamashung bichar poi, athumna Vareli khanganaili ringphai.”

JEREMIAH 4:11

Atam chitharan, mibing eina Jerusalemli hithāda hāngra, siwukwui kajuia khangaiwui eina kasā masi iwui mibingwui nao ngalāva̱wuishong phanrāhaira; hamkhavai lah sāmathā khavai riri kaphan maningmana,

JEREMIAH 4:14

O Jerusalem, nali huimi khavai makhayāwui eina wuklung pheomathālu. Karankha makaphā ning nawui wuklungli leifarakhala?

CHAPCHĀT 3:57

Ina khangakao tharan nana rānganaimida ‘Mangacheealu!’ da nana hānga.

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

ZECHARIAH 1:3

Chiwui vang eina athumli hānglu, saikorawui Prohona hithāda hānga: ‘Ili latunglu, da saikorawui Prohona hānga, chithākha inala nathumli latungra, da saikorawui Prohona hānga.

MALACHI 3:7

Nawo ngarāwui eina thuilaga nathumna iwui ningkhami mamayonla shiyan chikanwui eina mai ngareithuihaira, ili latunglu, chieina ina nathumli latungra, da saikorawui Prohona hānga. Kha nathumna, ‘Ithumna kathāda latungrakhala?’ da hānga.

MATTHEW 12:33

“Arong mathā ngasaklaga athei mathā ngasaklu; lah arong zakshi ngasaklaga athei zakshi ngasaklu; kaja thingrong chi awui athei eina theikhui.

MATTHEW 15:2

“Khisāda nawui sākhangatha̱bingna awo-ayibingwui khangachā chonmakānhaokhala? Kaja athumna phakazā atamli pāng mamazikmana.”

MATTHEW 27:24

Hānglala makannāluimara, khangama̱ khangashao shok khavaina da Pilatena kathei eina, tara̱ khuilaga yaruiwui mangāli apāng mazikta hānga, “Mipā hili thikhangasak hili iwui pāng khikha mazangmana. Hiya nathumna sākakhuina.”

OTSAK 15:9

Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

2 CORINTHNAO 7:1

Leikashebing ot saikora hi ithumli ngashitmihaira. Chiwui vang eina phasālila, manglālila mamakhao ngasakla Vareli khangachee eina ngasoda tharlak eina okthuisa.

1 TIMOTHY 2:8

Chiwui vang eina mayarnaobingna kakhararla, malungkhavātla maleila apam kachiva̱li pāng khangkāda seihā sāmi ngasakngai.

HEBREWNAO 10:22

Chieina ningkathar kala makhangapat shitkasang eina kala khayona chukkhamaja̱wui eina tharmi kahai wuklung eina ngasoda tara̱ kathar eina phasāla ra̱vaihaida ithum Vareli nganaimeisa.

HEBREWNAO 7:19

Kaja Moseswui ainna khilikhala makāshung ngasakrarmana. Ara phākhamei kachihān ithumli chitheimihaira. Chiwui mangā eina ithumna Vareli nganaimeihaira.

JAMES 1:8

Kaja a chiya ning khani sāda otsak kachida hilaka kaji makhalei mina.

JAMES 3:17

Kha atungshongwui eina kharā thangkhamei chili rimeikapta kathar, chiwui thili chingrihaikapai, tākui kahai, mayā khangarok, lukhamashana kapem kala kaphā atheimānga, phākakhaning kala ningmakathar maleimana.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

1 JOHN 3:3

Hikathā kachihān khalei mi kachiva̱ Khristana kathar tākam eina ala thara.

1 SAMUEL 14:35

Kala Saulna Proho wui vang hanphut akha sākhui; ana Proho wui vang hanphut kasā china kharena.