JAMES 4:6 - Kathara Bible (BSI)

⁶ Kha Varena hakkhamei lukhamashan mi, chiwui vang eina hithada hānga, “Varena lāngkasobingli ngasunga, kha khangahuibingli lumashanmi.”

JAMES 4:6 Iomraidhean Croise

2 THOTRINCHĀN 32:26

Kha Hezekiahla kala Jerusalemli kapam mibingla athumwui langsot ningwui eina hamsangluishit kajiwui vang Prohowui malungkhavāt chi Hezekiahwui atamli matāngasakthuwa.

2 THOTRINCHĀN 33:12

Chotchanglak kahai tharan awui Proho Varewui phaningkhami ngakaowa, kala avāva̱ ngarāwui Varewui mangāli akhalatta hamsangchaoluishita.

2 THOTRINCHĀN 33:19

Awui seihā kasā, Varena kathāda awui kapo khuisangmi, kala awui morei, mashitkasangwui pong, kala ana ning mangateiranglakha kajujuipam sakakā, Asherahli khokharum, meoma̱ sākakhui, saikora chi marānbingwui Thotrinchānli kapiserhaida lei.

2 THOTRINCHĀN 33:23

Avāva̱ Manassehna Prohowui mangāli ningngateida hamkasang chithāda masāla Amonna zakshikhamei morei sākhangai sai.

2 THOTRINCHĀN 34:27

khikhalajila nathumwui ningkhangateiwui vang kala ngalei hili kala hiwui mibingli makhamayā kashā eina Varewui mangāli nathumna hamkasang, kala iwui mangāli nathumna hamsangda kachon serkhaklaga kachapwui vang, inala shāmihaira da Prohona hānga.

JOBWUI LAIRIK 22:29

Kaja Varena langkaso chili nemtā ngasaka, kha khangazana mi chili ana huimi.

LAA 138:6

Kaja Proho chi reikhamataiyana jilala, khangazanabingli ana phaningmi; kha lāngkasobingli ana katāva̱ eina yanga.

LAA 9:12

Kaja asheewui vang athut kakhuiya Ishameina kachotbingwui vang phaningtita, kakhananga athumwui khavao chi ana mamalaimana.

SHONGZĀ 18:11

Ara ina theihaira kaja Prohona vare kateibingli hakmeiya, khikhalajila ana mibingli Egyptnaobingna zakshilak eina kasāwui eina ngatangkhuimi.”

CHĀNSAM 15:33

Proholi khangachee hi thangkhamei tamkachitheina, kala khangahuina khayākakā samphangngasaka.

CHĀNSAM 18:12

Kashimān marāranglakha miwui ning ngamreka, kha ngahuiri kahaina maikhayā mangāli zata.

CHĀNSAM 22:4

Proholi khangachee, ngahuiri kahaiwui sāman kashāng, khayākakā kala kharingna.

CHĀNSAM 29:23

Langkasona ali maishi ngasakra, kha ningngai ngahuiri kahai mina maikhayā samphangra.

CHĀNSAM 3:34

Mashātkazarbingli ana mashāta, kha khanimbingli ana ngahanngai.

ISAIAH 2:17

Hiksor kahai mili maishi ngasakra, miwui langkaso ning nemta ngasakra; chithang Prohomāngli masot mira.

ISAIAH 54:7

Kasha̱khawui vang ina nali horhaowa, kha lumashanlāk eina ina ngakuikhuira.

ISAIAH 57:15

Kajuiya khamaso kala mashimānda khalei Kathara kahopa china hithāda hānga, “Kajuiya katharapamli ina pama, ning ngateida hamkasanga ali ngasoda; hamkasangabingwui manglā thuimathuk khavai, ning khangateibingwui wuklung mathuk ngasak khavai sāmi.

DANIEL 4:37

“Ara, kazingramwui awunga chili Nebuchadnezzar ina khayāshida masot miya; ava khamashung otmāng sai, khangarong pongli zata, kala lāngkaso athumli maishi ngasakshapa.”

MATTHEW 13:12

Kaja khalei a chili mataimeida mirorra, chieina ana chungmeikhar leihaora. Kha makhaleia a chiwui eina kateokha khalei chila khuishokhaora.

MATTHEW 23:12

kachikathā reikhangaiya mi chili teongasakra, kala khalatta kateowana kaje chili reingasakra.

LUKE 1:52

Ana Pangshapa khamungabingli wungpamkhong eina khuishoka, kala khangazanbingli khāngkāmi;

LUKE 14:11

Kaja khalatta hakkakhuiya mi chili teongasakra kala khalatta teoda kaphaninga mi chili khayā kāngasakra.”

LUKE 18:14

Ina nathumli kahāngna, “Phariseepā maningla khāshinā khalokapāna pheokhami samphangda shimli hanunghaowa; kaja khalatta hakkakhui mi kachiva̱li teongasakra kala khalatta kateowana da kaphaninga mi chili hakngasakra.”

JAMES 4:10

Prohowui mangāli malungnimlu chithākha ana nathumli reingasakra.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”

1 SAMUEL 2:3

Langsoda tui mamatuiluilu, yākhangai tui nakhamorli mashokranu; kaja Prohohi theiser kaje Varena, kala otsak saikora ana tama.