JAMES 4:4 - Kathara Bible (BSI)

⁴ He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

JAMES 4:4 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

LAA 21:8

Napāngna nawui yangkashe saikorali phāshokra; nawui yāpangna nali yangkakharingbingli phāshokra.

LAA 50:18

Nathumna khale mi theiakha awui ngasotnao sai, kala phokaphābingli nathum ngasozata.

LAA 73:27

Kaja yanglu, nawui eina tāda khaleibing shimānserra; nali kachipatbingli nana tangngasakhaora.

ISAIAH 57:3

Kha, laivā kathemawui naobing, nathum hili rānganailu, shāmkasā kala khayorva̱̱wui ara̱-azābing.

JEREMIAH 2:2

“Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

JEREMIAH 9:2

O, siwukli ramkazatabingwui ngasām khavai akha leisi kaje, iwui mibingli chihohailaga chili mavāpamhaikapai! Kaja athum saikora phokaphā, mikhanama mimāng sāthuihao!

EZEKIEL 16:32

Phokaphava̱ preiva̱, gaharawui mahutli kha̱mili khangasova̱̱!

HOSEA 3:1

Kala Prohona ili hānga, “Nana valuishitta shuikhangarui mi akhana leikashi phokaphava̱ akhali leishilu; chithāda Israelnaobingna vare kateibingli ngareivāhailala kala drakhātheikaowui khamuili kahaothui hailala Prohona leishichinga.”

MATTHEW 12:39

Kha ana athumli ngahānkai, “Makaphā kala phokaphā thotna machut phai; kha chi marān Jonahwui machut maningla khangatei machut mamimara.

MATTHEW 16:4

Makaphā makhayā kala phophāt thot hina machutmāng phāzata. Kha Johnawui machut chi maningla machut khangatei nathumli mamimara.” Chieina ana athumli chihohailaga zatthuihaowa.

MATTHEW 6:24

“Khipānakha akhavā khaniwui otram mangatha̱rarmana; kaja ana akhapāli yangkharinglaga akhapāli leishira, lah akhali mashitlaklaga akhapāli ningkachaira, nathumna Vare eina lanli otram mangatha̱rumpaimana.

LUKE 19:27

Athumwuitungli ili mamung ngasak khangaia yangkashebing chiva hili khuirāda iwui miktāli shaothathaolu.’”

JOHN 15:19

Nathumna apug-apagvawui ngasakha, apuk-apagva̱na awui chili leishira; kha ina nathumli apuk-apagva̱wui eina kapangkhuihaoda nathum apuk-apagva̱wui maningmana, chiwui vang eina apuk-apagva̱na nathumli ningkachai.

JOHN 17:14

Ina nawui pao chi athumli mi, chieina okathuina athumli ningkachaihaowa kaja ina okathui hiwui makhaning thada athumla okathui hiwui maningmana.

JOHN 7:7

Okathuina nathumli maningkachairarmana, kha ili ningkachai, kaja chiwui otsakbing chi makaphāna da ina hāngching kajiwui vangna.

ROMNAO 5:10

Kaja ithum Varewui yangkashe ngasāda leilakha, Anaomayarawui thikhami mangā eina Vareli ngashimi, langmeikharda ara ithum ali ngashimhaoda Khristawui kharing mirin china ithumli kayākha mataida huimirakhala!

ROMNAO 8:7

Kaja phasāwui athishurda kazata mi chiya Vareli yangkashena; ana Varewui ain mashurmana, kasāla masārarmana,

1 CORINTHNAO 1:20

Chithākha thangkhamei mi kali lei? Kathema kali lei? Mithot hiwui ngaphat ngayātkatheia mi kali lei? Okathuiwui thangkhamei hi mangkhama̱na da Varena chitheihaira.

1 CORINTHNAO 1:21

Mikumona awui thangkhamei eina Vareli matheikhararwui vang mibingna mangkhama̱na da kakhuia ithumna hākashoka pao hili shitkasanga mibing chili Varena huimi.

GALATIANAO 1:10

Ina miwui mangāli khayākakā kaphā thāhaola? Maningphutmana. Ina ningkachangva Varewui mayākhamimaya! I maho khavai hotnada leila? Ina chi sachingda leiakha I Khristawui otram khangatha̱a masāsamara.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.